කැටලෝනියා අර්බුදය තවත් උග්‍ර වෙයිද?

  👤  1989 readers have read this article !
Published by : MB WEB 2017-10-25 13:11:09

තම පළාත 'මැඩ්රිඩ්' පාලනය යටතට පවරා ගනු ලැබුනොත් ස්පාඤ්ඤ ආණ්ඩුවේ නියෝග පිළි නොපදින බව කැටලෝනියානු නිලධාරීහු පවසති.

කැටලෝනියානු විදේශ සබඳතා ප්‍රකාශක රාවුල් රොමේවා බීබීසි සමග පැවසුවේ ස්පාඤ්ඤ මධ්‍යම ආණ්ඩුව කැටලෝනියානු මහජන අභිලාෂය නොතකා කටයුතු කරන බවය.

කැටලෝනියාවේ ප්‍රාදේශීය ආණ්ඩුව බලයෙන් පහ කරමින් එම ප්‍රාදේශීය පාර්ලිමේන්තුව සතු බලතල අත්හිටුවන බවට ස්පාඤ්ඤ අගමැති මරියානෝ රයෝයි අනතුරු ඇඟවීමක් කර ඇත.

ස්පාඤ්ඤ ආණ්ඩුවේ ස්ථාවරය සම්බන්ධයෙන් සිය ප්‍රතිචාරය දැක්වීම සඳහා කැටලෝනියානු පාර්ලිමේන්තුව ලබන බ්‍රහස්පතින්දා (ඔක්තෝබර් 26) රැස්වීමට නියමිතය.

නිදහස් රාජ්‍යයක් වීම සඳහා පසුගියදා ගත් ඒක පාර්ශ්වීය තීන්දුව කැටලෝනියානු නිදහස් ව්‍යාපාරයේ නායකයන් විසින් විධිමත්ව ඉදිරිපත් කරනු ඇතැයි 'බාසිලෝනා' නගරයේ සිටින බීබීසී වාර්තාකාරිනී බෙතනි බෙල් පවසන්නීය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon