හිටපු ඇමැති මහින්දානන්දට එරෙහි නඩුව 22දාට කල් යයි

  👤  1469 readers have read this article !
Published by : MB WEB 2018-03-09 17:39:41

ඉකුත් රජය සමයේ අමාත්‍යවරයකු වශයෙන් කටයුතු කරමින් සිටියදී නීතිවිරෝධී ආකාරයට උපයා ගත් රුපියල් මිලියන 27ක මුදලක් යොදවා කොළඹ කින්සි පාරේ නිවෙසක් මිලදී ගත්තේ යැයි චෝදනා ලබා සිටින හිටපු ක්‍රීඩා ඇමැති සහ ඒකාබද්ධ විපක්ෂයේ පාර්ලිමේන්තු මන්ත්‍රි මහින්දානන්ද අලුත්ගමගේ මහතාට එරෙහිව නීතිපතිවරයා ගොනු කර ඇති නඩුවේ විභාගය මේ මස 22 වැනිදා දක්වා කල් දැමීමට කොළඹ මහාධිකරණය තීන්දු කළේය.

මෙම නඩුව පෙරේදා (07දා) කොළඹ මහාධිකරණ විනිසුරු ගිහාන් කුලතුංග මහතා ඉදිරියේ කැ¼දවූ අවස්ථාවේදී පැමිණිල්ල වෙනුවෙන් පෙනී සිටින රජයේ නියෝජ්‍ය සොලිසිටර් ජනරාල් තුසිත් මුදලිගේ මහතා, කරුණු දක්වමින් තමන්ට වෙනත් නඩුවක් සඳහා ශේ‍ර්ෂ්ඨාධිකරණය හමුවේ පෙනී සිටීමට සිදුවී ඇති බව සඳහන් කළේය.

ඊට අමතරව මෙම නඩුව වෙනත් විනිසුරුවරයකු හමුවට මාරු කරන ලෙස ඉල්ලා විත්තිකරු විසින් අභියාචනාධිකරණය වෙත පෙත්සමක් ඉදිරිපත් කර ඇතැයි සඳහන් කළ රජයේ නියෝජ්‍ය සොලිසිටර් ජනරාල්වරයා මේ හේතුවෙන් නඩු විභාගය වෙනත් දිනයකට කල් දමන්නැයි ඉල්ලීය.

ඒ අනුව නඩුවේ විභාගය ලබන 22 වැනිදා දක්වා කල් දැමූ විනිසුරු ගිහාන් කුලතුංග මහතා එදිනට අධිකරණය හමුවේ පෙනී සිටින්නැයි සාක්ෂිකරුවන්ට අවවාද කළේය.

ඊට අමතරව ඉදිරි දිනයේ කල් දැමීමකින් තොරව නඩුව විභාගයට ගැනීම සඳහා කටයුතු කරන ලෙසද විනිසුරුවරයා දෙපාර්ශ්වයේ නීතිඥවරුන්ට දැන්වීය.

ඉකුත් රජයේ ආමාත්‍යවරයකු ලෙස කටයුතු කරමින් නීති විරෝධී ආකාරයට උපයා ගත් රුපියල් මිලියන 27ක මුදලක් වැයකර කොළඹ කින්සි පාරේ නිවෙසක් මිලදී ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදුකර ඇතැයි චෝ්දනා කරමින් මහින්දානන්ද අලුත්ගමගේ මන්ත්‍රිවරයාට එරෙහිව නීතිපතිවරයා මෙම නඩුව පවරා තිබේ.

සියල්ල නරඹන්න

විනෝදාත්මක

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon