ඇමෙරිකානු වීසා දීමට නම් සමාජ මාධ්‍ය භාවිතය පිරික්සීමේ යෝජනාවක්

  👤  1097 readers have read this article !
Published by : MB WEB 2018-04-03 17:28:14

ඇමෙරිකාවට ඇතුළුවීම සඳහා වීසා බලපත් අපේක්ෂාකරන සෑම අයෙකුගේම පාහේ සමාජ මාධ්‍ය පිළිබද ඉතිහාසය සම්බන්ධයෙන් තොරතුරු රැස්කිරීමට අවශ්‍ය බව ට්‍රම්ප් පරිපාලනය පවසා තිබේ.

රාජ්‍ය දෙපාර්තමේන්තුව ඉදිරිපත් කළ එම යෝජනාවට අනුව බොහෝ වීසා ඉල්ලුම්කරුවන් ෆේස්බුක් හා ට්විටර් ගිණුම් පිළිබඳ සිය ඉතිහාසය සම්බන්ධ තොරතුරු සැපයිය යුතු වනු ඇත.

ඒ අනුව ගෙවුණු පස් වසරක සිය සමාජ මාධ්‍ය අනන්‍යතාව හෙළිකිරීමට ඔවුනට සිදුවේ.

මේ යෝජනාවට අනුව වසරකට මිලියන 14.7 ක පමණ පිරිසකට මෙය බලපානු ඇතැයි කියැවේ.

එසේ සැපයෙන තොරතුරු, සංක්‍රමණ හා සංක්‍රමණික නොවන වීසා අපේක්ෂා කරන පුද්ගලයින් හඳුනාගැනීමට මෙන්ම දැඩි පරීක්ෂාවකට ලක්කිරීමට යොදා ගැනේ.

මීට අමතරව අදාළ ඉල්ලුම්කරුවන්, ගෙවුණු වසර පහ තුළ තමන් පරිහරණය කරන ලද දුරකථන අංක, ඊමේල් ලිපින මෙන්ම සංචරණ පිළිබඳ තොරතුරු ද සැපයිය යුතු වනු ඇත. කිසියම් රටකින් කෙදිනක හෝ පිටුවහල් කර ඇතිදැයි යන්න ද සඳහන් කළ යුතු අතර, එසේ නැතිනම් සිය කවර හෝ ඥාතියකු ත්‍රස්තවාදී කටයුතුවලට සම්බන්ධවී ඇති දැයි යන්න ද සඳහන් කළ යුතු වනු ඇත.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon