ඇමරිකාවේ 'යූටියුබ්' මූලස්ථානය වෙඩි ප්‍රහාරයකට ලක්වුයේ ඇයි?

  👤  1356 readers have read this article !
Published by : MB WEB 2018-04-05 16:43:21

කැලිෆෝනියා ප්‍රාන්තයේ පිහිටි 'යූටියුබ්' (YouTube) මූලස්ථානයට ඇතුළු වූ කාන්තාවක් පුද්ගලයන් තිදෙනෙකුට වෙඩි තැබීම සම්බන්ධයෙන් පොලිස් පරීක්ෂණ ආරම්භ කරනු ලැබ ඇත.

තිස්නව හැවිරිදි නසීම් අග්දම් නමැති කාන්තාවක් ඒ සම්බන්ධයෙන් සැක කෙරෙන අතර, 'යූටියුබ්' අඩවියේ ඇය පවත්වාගෙන ගිය පෞද්ගලික ගිණුමක් ඔස්සේ ප්‍රචාරය කළ වීඩියෝ පට එම ආයතනය විසින් නිරීක්ෂණය කර ඉවත් කරනු ලැබීම වෙඩි තැබීමට හේතු වන්නට ඇතැයි මාධ්‍ය වාර්තාවන්හි දැක්වෙයි.

'යූටියුබ්' ආයතනය තම වීඩියෝ ඉවත් කිරීමෙන් පසු ඉන් ලැබෙන ආදායම අඩු වීම නිසා නසීම් කෝපයට පත් වී සිටි බවත් ඇමරිකානු මාධ්‍ය වාර්තා කරයි.

එම වෙඩි පහරින් තිස් දෙහැවිදිරි සහ විසිහත් වියැති කාන්තාවන් දෙදෙනෙකු සහ තිස්හය වියැති පුරුෂයෙකු තුවාල ලබා ඇති අතර, ප්‍රහාරක කාන්තාවත් එම ස්ථානයේදීම වෙඩි තබාගෙන සියදිවි හානි කරගෙන ඇත.

තුවාල ලද තිස්හය වියැති පුද්ගලයා මේ වන විට අසාධ්‍ය තත්වයේ පසු වන බව වාර්තා වෙයි.

තුවාල ලැබූ පුද්ගලයන් සහ ප්‍රහාරක කාන්තාව අතර කිසිදු ආරාවුලක් මේ වන තෙක් සොයා ගෙන නොමැති බව කැලිෆෝනියාවේ 'සැන් බෘනෝ' පොලිසිය පවසයි.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon