ජාතික ඇගයීම් ප්‍රතිපත්තිය එළිදැක්වීමට අපේක්ෂා කරනවා - අග්‍රාමාත්‍ය

  👤  1099 readers have read this article !
Published by : MB WEB 2018-06-06 14:20:52

සංවර්ධනය කරා යන ගමනේ දී ජාතික ඇගයීම් ප්‍රතිපත්තියක් පැවැතීමේ ඇති වැදගත්කම රජයක් ලෙස පිළිගෙන තිබෙන බවත් ජූලි මාසය වනවිට ජාතික ඇගයීම් ප්‍රතිපත්තිය එළිදැක්වීමට හැකි වෙතැයි අපේක්ෂ කරන බවත් අග්‍රාමාත්‍ය රනිල් වික්‍රමසිංහ මහතා පවසයි.

රටක් සංවර්ධනයේ දී ජාතික ඇගයීම් ප්‍රතිපත්තියක් සැකසීම ආරම්භ කර තිබේ දැයි පාර්ලිමේන්තු මන්ත්‍රී බුද්ධික පතිරණ මහතා විසින් අග්‍රාමාත්‍යවරයාගෙන් ප්‍රශ්න විමසන අවස්ථාවේ දී අද (6) පාර්ලිමේන්තුවේ දී විමසූ පැනයකට පිළිතුරු දෙමින් අග්‍රාමාත්‍යවරයා මේ බව පැවසී ය.

මෙහිදී පිළිතුරු ලබාදුන් අග්‍රාමාත්‍යවරයා;


සංවර්ධනය කරා යන ගමනේ දී ජාතික ඇගයීම් ප්‍රතිපත්තියක් පැවැතීමේ ඇති වැදගත්කම රජයක් ලෙස පිළිගෙන තිබෙනවා. දියුණු රටවල් බොහොමයක් ජාතික ඇගයීම් ප්‍රතිපත්තිය ක්‍රියාත්මක කිරීම තුළින් යහපත් ප්‍රතිඵල අත්කරගෙන තිබෙනවා. ජාතික ප්‍රතිපත්ති හා ආර්ථික කටයුතු අමාත්‍යාංශය විසින් 2017 ජූලි මාසයේ ජාතික ඇගයීම් ප්‍රතිපත්තිය සකස්  කිරීම ආරම්භ කළ අතර මේ වනවිට එය ව්‍යාපෘති කළමනාකාර තරුණ කටයුතු හා දක්ෂිණ සංවර්ධන  අමාත්‍යාංශය යටතේ පවතින ව්‍යාපෘති කළමනාකාර අධීක්ෂණ දෙපාර්තමේන්තුව විසින් සිදු කරගෙන යනු ලබනවා.

මේ වනවිට රේඛීය අමාත්‍යාංශ,හා පළාත් ප්‍රධාන ලේකම්වරුන් වෘත්තීය වේදීන්, සිවිල් සංවිධානවල  නියෝජිතයන් අරමුදල් සම්පාදකයින්, භාණ්ඩාගර දේඅපර්තමේන්තු නිළධාරීන් සමඟ සකච්ඡ වට හා වැඩමුළු  ගණනාවක් පවත්වා ඇට්‍රහි අතර ප්‍රතිපත්තියේ දළ කෙටුම්පත මහජන අඳහස් සඳහා 2018 අප්‍රේල් මස 17  පුවත්පත්වල පළ කරනු ලැබුවා.

අදහස් හා යෝජනා අනුව සංශෝධනය කිරීම් මේ දිනවල සිදු කරමින් පවතිනවා. මෙම ජාතික ඇගයීම්  ප්‍රතිපත්තිය ජූනි මස දෙවැනි සතියේ අමාත්‍ය මණ්ඩල අනුමැතියට ඉදිරිපත් කිරීමට බලාපොරොත්තු වෙනවා.  අමාත්‍ය මණ්ඩල අනුමැතිය මත 2018 ජූලි මාසය වනවිට ජාතික ඇගයීම් ප්‍රතිපත්තිය එළිදැක්වීමට හැකි වෙතැයි  අපේක්ෂ කරන බවද අග්‍රාමාත්‍යවරයා පැවසී ය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon