ඇමෙරිකාවේ කැපිටල් ගැසට් පුවත්පත් කාර්යාලයේ වෙඩි තැබීමකින් 5 ක් මරුට

  👤  1867 readers have read this article !
Published by : MB WEB 2018-06-29 10:44:00

ඇමෙරිකාවේ මේරිලන්ඩ්හි ප්‍රාදේශීය පුවත්පත් කාර්යාලයක සිදුවූ වෙඩි තැබීමකින් පස්දෙනකු මියගොස් බොහෝ පිරිසක් තුවාල ලබා ඇත.

දුම් බෝම්බ කිහිපයක් ද මූනිස්සම් තුවක්කුවක්ද රැගෙන පැමිණි ප්‍රහාරකයා වීදුරු දොරක් තුළින් "කැපිටල් ගැසට්" පුවත්පත් කාර්යාලයේ ප්‍රවෘත්ති කාමරයට වෙඩි තබා ඇති බව පොලිසිය පවසයි.

එම අවස්ථාවේ එහි විසිදෙනකු පමණ රැඳී සිට ඇත. ගොඩනැගිල්ලේ සිටි 170 ක් පමණ දෙනා ආරක්ෂිතව ඉවත් කළ බව බලධාරීහු පවසති.

ප්‍රහාරකයා ජැරඩ් රැමෝස් නම් පුද්ගලයෙකු වන අතර පුවත්පත් ආයතනයට විරුද්ධව 2012 වර්ෂයේදී නඩු කියූ අයකු ලෙස හඳුනාගෙන ඇත.

පොලිසිය පවසන්නේ ප්‍රහාරකයා අත්අඩංගුවට ගෙන ප්‍රශ්න කිරීම් සිදුකරන බවයි. මෙය පුවත්පත් ආයතනය ඉලක්ක කර සැලසුම් සහගතව සිදුකරන ලද ප්‍රහාරයක් බවද පොලිසිය පවසයි.

"ද කැපිටල්" නම් දිනපතා පුවත්පත ද ඇතුළුව පුවත්පත් ගණනාවක් පල කරන කැපිටල් ගැසට් ආයතනය 1884 වර්ෂයේ ආරම්භ කරන ලද්දකි.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon