වතුර ඕනෙම නැති වැසිකිළියට ගිහින් වතුර අරගෙනත් එන්න

ජලය නොමැතිව භාවිත කළ හැකි වැසිකිළියක් නිර්මාණය කර තිබෙනවා

එ් ජල ප්රශ්නයට උග්ර ලෙස මුහුණ දී ඇති සංවර්ධනය වෙමින් පවතින රටවල පොදු භාවිතය සඳහා මෙය හඳුන්වාදීම අරමුණු කරගනිමින්.

මෙම ව්යාපෘතියට සහය වන්නේ ලොව අංක එකේ ධනවතා වන මයික්රොසොෆ්ට් නිර්මාතෘ බිල් ගේට්ස් සහ ඔහුගේ බිරිඳ වන මෙලින්ඩා ගේට්ස් නමින් පිහිටුවා තිබෙන ගේට්ස් අරමුදල මගින්.

ජලය රහිත නැනෝ පටල වැසිකිළිය ලෙස හැඳින්වෙන මෙය, ක්රැන්ෆීල්ඞ් විශ්ව විද්යාලයේ පර්යේෂකයන්ගේ සොයාගැනීමක්.

මෙම වැසිකිළියට කිසිසේත්ම ජලය භාවිතා නොකරන අතර යමකු වැසිකිළි ගිය පසුව එහි වැසුම ස්වයංක්රීයව වැසේ.

ඉන්පසුව මළ අපද්රව්ය එහි පතුළෙහි කුටියකට වැටී එහිදී අළු බවට පත්කරයි.

සතියකට වරක් එම අළු කුටීරය හිස් කිරීමට භාවිත කරන්නන්ට හැකියාව පවතිනවා.
මෙම වැසිකිළිය භාවිතයේ දී මුත්රාවලට සිදුවන්නේ වෙනත් දෙයක්.

එනම් මුත්රා වෙනම වෙන්කරගෙන එය පිරිසිදු කිරීමකට ලක්කොට එය ජලය ලෙස ප්රතිචක්රීකරණය කරනවා.

නමුත් එය පානය කිරීමට තරම් පිරිසිදු නොවුවත් නිවසේ වෙනත් සේදුම්කරන සඳහා යොදාගත හැකියි.

මෙම ජලය රහිත නැනෝ වැසිකිළිය අනාගතයේ දී සංවර්ධනය වෙමින් පවතින රටවල භාවිත කෙරෙනු ඇති බවයි පර්යේෂකයන්ගේ අදහස.