ලොව ප්රථම වරට 3D මුද්රිත නිවසක දිවි ගෙවීම ඇරඹු ප්රංශයේ පවුලක්
ලෝකයේ ප්රථම වරට ත්රිමාණ මුද්රිත නිවසක ජීවත් වීම ආරම්භ කිරීමට ප්රංශයේ වෙසෙන පවුලකට අවස්ථාව සැලසී තිබේ.
අනාගතයේදී දැවැන්ත ගොඩනැඟිලි ව්යාපෘති කඩිනමින් සහ ලාභදායී ලෙස නිමකර ගැනීම සඳහා නිදන කාමර හතරකින් සමන්විත මෙම ත්රිමාණ මුද්රිත නිවස මූලාකෘතියක් ලෙස භාවිත කෙරෙනු ඇත.
මෙය ගොඩනැගිලි කර්මාන්තයේ නව ඇරඹුමක් විය හැකිද?
ආර්ද්රතාව අවම කිරීම සඳහා වක්වූ හැඩයේ බිත්ති සහ ආබාධිත පුද්ගලයන්ගේ පහසුව සඳහා ස්වයංක්රීය ඩිජිටල් උපාංගවලින් යුතු මෙම නිවස ගෘහ නිර්මාණ ශිල්පීන්ට අනුව මිලෙන් අධික නිර්මාණයක් වනු ඇත.
නමුත් මෙය මුද්රණය කිරීමට ගතවන්නේ පැය 54ක් පමණි. ඉන්පසු ජනේල, දොරවල් සහ වහලය වැනි දේ සවි කරමින් එය ගොඩ නැගීමට තවත් මාස හතරක කාලයක් ගත වේ. මේ සඳහා පවුම් 176,000 ක් (ශ්රී ලංකා රුපියල් කෝටි තුනකට වැඩි මුදලක් ) පමණ වැය වන අතර, එය සම්ප්රදායික ක්රම භාවිත කෙරෙන ඉදිකිරීම්වලට වඩා 20% කින් ලාභදායී වේ.
මෙම ත්රිමාණ මුද්රිත නිවස හා සමාන තවත් නිවසක් පැය 33ක කාලයක් ඇතුළත නිම කළ හැකි බව නිර්මාණ කණ්ඩායම විශ්වාස කරති.
ප්රංශයේ Nantes නගර මධ්යයේ තනා ඇති මෙම නිවස වර්ග අඩි 1022ක විශාලත්වයකින් යුක්තය. කාමර හතරකින් සමන්විත මෙම නිවසේ පස් දෙනෙකුගෙන් යුත් පවුලකට ජීවත් විය හැකිය. Nantes නගර සභාව, නිවාස සංගමය සහ Nantes විශ්ව විද්යාලයේ සහයෝගයෙන් මෙම ව්යාපෘතිය ආරම්භ කර තිබේ.
ඉදිරියේදී මෙම ක්රමය උපයෝගී කරගෙන මූලිකව නිවාස සෑදිය හැකිද යන්න පිළිබඳ අවධානය යොමු කිරීම ව්යාපෘතියේ පරමාර්ථය වී ඇති අතර ක්රීඩාගාර වැනි පොදු ගොඩනැගිලි සෑදීම සඳහා එහි මුලධර්ම උපයෝගී කරගත හැකිදැයි විමසන බව තාක්ෂණය සහ නව නිර්මාණ පිළිබඳ Nantes නගර සභා ප්රධානී ෆ්රෑන්කි ට්රිචෙට් පැවසීය.
කෙසේවෙතත්, මෙම ක්රියාවලිය ඉදිකිරීම් කර්මාන්තයට බාධා පමුණුවනු ඇතැයි ඔහු විශ්වාස කරයි.
"වසර 2000කින් පමණ ඉදිකිරීම් ක්ෂේත්රයේ වෙනස්කම් සිදු වෙලා නැහැ. අපිට අවශ්ය මේ සම්ප්රදායික ඉදිකිරීම් ක්රියාවලිය සම්පූර්ණයෙන් අතුගා දැමීමයි."
"එක තමයි මම කියන්නේ අපි කතාව ආරම්භ කළා කියලා. අපි තවම එහි මුල් පේළිය ලියා අවසන් කළා විතරයි" යැයි ඔහු පැවසුවේය.
නගරය උතුරු ප්රදේශයේ ඉදිකර ඇති මෙම නිවස තැනීම සඳහා වැය වූ මුදලින් කොටසක් නගර සභා අරමුදලෙන් ලබා දී තිබේ.
නූරියා සහ නූර්දීන් රම්දානි සහ ඔවුන්ගේ දරුවන් තිදෙනා මෙම නිවසේ ජීවත් වීම ඇරඹීමට වාසනාවන්තයෝ වූහ.
"මෙම ව්යාපෘතියේ කොටසක් වීමට ලැබීම විශාල ගෞරවයක්" යැයි නූර්දීන් පැවසීය.
" 1960 ගණන්වල ඉදන් අපි ජීවත් වුණේ නගර සභා ගොඩනැගිල්ලක. ඒක නිසා මෙය ඉතා විශාල වෙනසක්"
"ගෙවත්තක් සහිත වෙනම පිහිටා තිබෙන නිවසක ජීවත් වීමට ලැබීම ඇත්තෙන්ම සතුටට කාරණයක්" යැයි ඔහු තවදුරටත් පැවසුවේය.
ත්රිමාණ මුද්රිත නිවසක් සාදන්නේ කෙසේද?
ගෘහ නිර්මාණ ශිල්පීන් සහ විද්යාඥයන් කණ්ඩායමක් විසින් මැදිරියක් තුළ මෙම නිවස නිර්මාණය කරනු ලැබීමෙන් පසු ත්රිමාණ මුද්රණ යන්ත්රයකට දත්ත සහ ක්රියාවලිය ඇතුළත් කෙරිණි.
ඉන්පසු, මුද්රණ යන්ත්රය නිවස තැනීමට වෙන් වූ ඉඩමට රැගෙන එන ලදී.
පොළොවේ සිට ඉහළට පිළිවෙලින් තට්ටු වශයෙන් මුද්රණය කිරීම ආරම්භ කරයි. සෑම බිත්තියක්ම පරිවාරක පොලියුරතේන් (polyurethane) ස්ථර දෙකකින් යුක්ත වන අතර, අතරමැදි ඉඩ සිමෙන්ති වලින් පුරවනු ලැබේ.
මෙම ක්රියාවලියෙන් ඉතා ඝන, පරිවරණය කළ, කල් පවතින බිත්ති නිර්මාණය කරයි.
ජනෙල්, දොරවල් සහ වහලය සවි කළ පසු නිවස සම්පූර්ණ වේ.
අද මව්බිමෙන්
- සිංහ වෙස් ගත් ක්රිකට් හතුරෝ 🕔2019-02-17
- ජාතික වත්කම් විකුණා දැමීමෙන් කිසිම රටක ආර්ථිකය ස්ථාවර වී නෑ 🕔2019-02-17
- විළිරුදාවෙන් පෙළුණු කැස්බෑ ධේනුවට අංගුලිමාල පිරිත කියපු මනුස්ස පුත්තු 🕔2019-02-17
- ආණ්ඩුව පෙරළන්න උපදෙස් දුන් කපටි ආරක්ෂකයන් දැන් ඉන්නේ අගමැතිතුමා එක්ක - ලක්ෂ්මන් කිරිඇල්ල 🕔2019-02-17
- තුෂාරා චිත්රපටයෙ කැමරාවෙ හැංගුණු විජය-මාලනී ආදරයේ අතීත රහස් 🕔2019-02-17
- ගෝඨාභය අපේ ප්රතිපත්තිවලට එකඟ නම් මට එතුමා ගැන ප්රශ්නයක් නෑ - වාසුදේව නානායක්කාර 🕔2019-02-17
- විදේයාදයෙන් උදාවූ ධර්ම ශාස්තේරා්න්නතිය 🕔2019-02-17
- රජරට කාන්තාවන්ගේ රීරි මාංස උරන ක්ෂුද්ර මූල්ය සේනා දළඹුවා 🕔2019-02-17
- O/L වත් නැති විධායකයෙක් කුඩා තේ වතු සංවර්ධනේ වනසපු හැටි 🕔2019-02-17
- තාත්තා කුඩු වික්ක නම් අපි කුලී ගේක ඉන්නෙ නෑ... - රයන්ගේ දුව නතාලි කතා කරයි 🕔2019-02-17
- එක්කෙනෙක් මරනව දැක්ක නිසා දෙන්නවම මැරුවා... 🕔2019-02-17
- එළිසබෙත් - පිලිප් 70 වසරක යුග දිවිය සසල කළ පොතක් 🕔2019-02-17
- සුළු ජන ඡන්ද ගැන සත්යය සහ මිථ්යාව 🕔2019-02-17
- නරමාණේ බුද්ධරක්ඛිත හිමිපාණෝ අපවත් වෙති 🕔2019-02-17
- මෙඩේරිගම නන්දාරාම හිමියන්ට සන්නස් පත්ර ප්රදානය 22දා 🕔2019-02-17
- ඇරැව්වලින් කොල්ලකාපු කෝටි 700 දියමන්තිය මධුෂ් ළඟට ගිය හැටි 🕔2019-02-17
- TRAILBLAZER 2019 23දා නෙලුම් පොකුණේදී 🕔2019-02-17
- ඇත්තටම වෙව්ලන්නෙ මොකෑ... 🕔2019-02-17
- තාත්තලාගේ හයිය අරන් ලංකාවට කුඩු අදින උතුරේ දේශපාලන පුත්තු 🕔2019-02-17
- කළු සාගරයි අන්නාසි මොරිලුයි මධුෂ් කුඩු කරන්න ඩුබායිවලදී ගහපු ගේම 🕔2019-02-17