සිරියාවේ ප්‍රහාරවලින් 200කට අධික ප්‍රමාණයක් මියයති

  👤  1581 readers have read this article !
Published by : MB WEB 2018-07-27 06:45:46

නිරිත දිග සිරියාවේ සිදුවූ ප්‍රහාර ගණනාවකින් 215 දෙනෙකු පමණ මියගොස් ඇති බව එරට නිලධාරීන් සහ නිරීක්ෂකයන් කණ්ඩායමක් පවසති.

සිරියානු රජය යටතේ ඇති 'සුවෙයිදා' නගරය ආශ්‍රිතව බදාදා (25) මරාගෙන මැරෙන ප්‍රහාර කීපයක් එල්ල විය.

ඉස්ලාමීය රාජ්‍ය සංවිධානය මෙම ප්‍රහාරවල වගකීම භාරගෙන තිබේ.

එහිදී රජයට පක්ෂ කණ්ඩායම් සහ ඉස්ලාමීය රාජ්‍ය සංවිධානයට අයත් සටන්කරුවන් අතර වෙඩි හුවමාරුවක් ද සිදුවී ඇත.

ඉස්ලාමීය රාජ්‍ය සටන්කරුවන් යටතේ පවතින ප්‍රදේශ සිරියානු රජයේ පාලනයට නතුකර ගැනීමේ මෙහෙයුම් දිගින් දිගටම ක්‍රියාත්මක වෙමින් පවතී. මෙම මෙහෙයුම් සඳහා රුසියාව සහාය දක්වයි.

බදාදා එල්ල වූ ප්‍රහාර මාස ගණනාවකින් පසු සිදු වූ දරුණුතම ප්‍රහාර බව වාර්තාකරුවෙක් පැවසීය.

එක්සත් රාජධානියේ පිහිටා තිබෙන සිරියාවේ මානව හිමිකම් පිළිබඳ නිරීක්ෂණය කරන සංවිධානයක් ප්‍රකාශ කර සිටියේ, 'දමස්කස්' අගනුවර දකුණින් පිහිටි සුවෙයිදා නගරය සහ ඒ අවට ගම්මානවල මරාගෙන මැරෙන බෝම්බ පිපිරීම් ගණනාවක් සිදුව ඇති බවය. එමෙන්ම සටන්කරුවන් ගම්මානයේ නිවෙස්වලට බලහත්කාරයෙන් ඇතුළු වී නිවැසියන් මරා දමා තිබෙන බවද ඔවුහු පැවසූහ.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon