කොරියානු අර්ධදිවිපයේ න්‍යෂ්ටික අවි හරණ සාකච්ඡා: දකුණු කොරියානු නායකයා උතුරු කොරියාවට

  👤  1610 readers have read this article !
Published by : MB WEB 2018-09-18 15:01:53

අඩාලවී ඇති න්‍යෂ්ටික අවිහරණ සාකච්ඡා මූලික අරමුණු ලෙස සංවාදයක නිරතවීමේ අරමුණ ඇතිව උතුරු සහ දකුණු කොරියානු නායකයෝ උතුරු කොරියාවේ අගනුවර දී හමුවූහ.

උතුරු කොරියාව මෙම වසරේදී දකුණු කොරියාව සහ ඇමරිකාව සමග පෙර නොවූ විරූ අයුරින් සාකච්ඡා මාලාවක් ඇරඹීය.

නමුත්, දෙපාර්ශ්වයම ඉතා සාමාන්‍ය එකඟතාවලට පමණක් එළඹෙමින් වොෂිංටනය සමග සාකච්ඡා එක තැන සිරවී තිබේ.

ඇමෙරිකාව සමග සාකච්ඡාවලදී මැදිහත්කරු ලෙස කටයුතු කරමින් අන්තර් කොරියානු සබඳතා වර්ධනය කිරීම දකුණු කොරියානු ජනපතිවරයාගේ අපේක්‍ෂාව වී ඇත.

ජනපති මූන් ජේ ඉන් සහ ඔහුගේ බිරිඳ කිම් ජුන්-සූක් උතුරු කොරියාවට අඟහරුවාදා (සැප්. 18) පැමිණියේ තෙදින සංචාරයක් සඳහාය. ගුවන්යානය වෙතම පැමිණි උතුරු කොරියානු නායක කිම් ජොන්ග් අන් සහ බිරිඳ අමුත්තන් ඉතා උණුසුම් ලෙස පිළිගත්හ.

දහස් ගණන් උතුරු කොරියානුවෝ මල් අතැතිව නැවත එක්වීමේ ප්‍රීතිය වෙනුවෙන් විවිධ වැකි කියමින්, නගරය පුරා විවෘත රියකින් චාරිකා කළ නායකයන්ට ප්‍රීතිය පළ කළහ.

දශක ගණනාවකට පසු දකුණු කොරියානු නායකයෙක් උතුරු කොරියාවේ අගනුවර සංචාරය කළ පළමු අවස්ථාව එය විය.

ජනපති මූන් උතුරු කොරියානු නායකයා හමුවූ තෙවෙනි අවස්ථාව මෙය විය. පසුගිය අප්‍රේල් මාසයේ දෙරට දේශසීමාවේදී ඔවුන්ගේ පළමු ඓතිහාසික හමුව පැවැත්විණි.

අද මව්‍බිමෙන්

තවදුරටත්

අද කාටූනය

mawbima Cartoon