Instagram සම නිර්මාතෘවරු වන කෙවින් සිස්ට්‍රොම් සහ මයික් ක්‍රීගර් සමාගම හැර යති

  👤  1284 readers have read this article !
Published by : MB WEB 2018-09-25 14:20:02

ලොව පුරා ජනප්‍රියත්වයට පත් සමාජ මාධ්‍ය අතර ප්‍රබල ස්ථානයක පසුවන Instagram හි සම නිර්මාතෘවරුන් වන කෙවින් සිස්ට්‍රොම් සහ මයික් ක්‍රීගර් එම සමාගමෙන් ඉවත් වී තිබේ.

Instagram හි ප්‍රධාන විධායක නිලධාරී ලෙස කටයුතු කළ, එහි සම නිර්මාතෘ කෙවින් සිස්ට්‍රොම් සඳහන් කළේ, 'අපගේ කුතුහලය සහ නිර්මාණශීලීත්වය ගවේෂණය කිරීම සඳහා' තමන් දෙදෙනා Instagram වෙතින් ඉවත් වීමට තීරණය කළ බවය.

2012 වසරේදී අමෙරිකානු ඩොලර් බිලියනයක් ගෙවමින් Instagram ආයතනය, ෆේස්බුක් සමාගම විසින් මිලදී ගනු ලැබූ අතර, මේවන විට එය භාවිත කරන්නන් සංඛ්‍යාව බිලියනයකට අධිකය.

Instagram හි සම නිර්මාතෘවරුන් දෙදෙනා සහ ෆේස්බුක් සමාගමේ ඉහළ කළමනාකාරීත්වය අතර මතභේදාත්මක තත්ත්වයක් ගොඩ නැගෙමින් පවතින බවට වාර්තා පළ කෙරෙන අතරතුර මෙම ඉවත් වීම සිදුව තිබේ.

ෆේස්බුක් ආයතනයේ ප්‍රධාන මෙවලමේ සාර්ථකත්වය අඩු වූ අවස්ථාවක Instagram හි ජනප්‍රියත්වය ඉහළ ගිය බව, බීබීසී උතුරු අමෙරිකානු තාක්ෂණික වාර්තාකරු ඩේව් ලී පවසයි.

ඒ අනුව, Instagram භාවිත කරන්නන්ගෙන් වැඩිපුර මුදල් ඉපයීම සඳහා නව විශේෂාංග හඳුන්වා දීමට ෆේස්බුක් සමාගම පෙළඹුණු අතර, එමගින් Instagram හි මූලික අරමුණ වූ සරලත්වයට බලපෑම් එල්ල වූ බව ඇතැමෙකුගේ අදහස වී ඇතැයි ඔහු පෙන්වා දුන්නේය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon