නැවතත් මුල් පිටුවට

මව්බිම දැන් - ක්‍රීඩා

තරගය ලංකාවෙන් ගිලිහෙන ලකුණු  

2017-11-20 10:56:40

සංචාරක ශ්‍රී ලංකා කණ්ඩායම හා ඉන්දියාව අතර කොල්කටාහි ඊඩ්න් ගාඩ්න් පිටියේදී පැවැත්වෙන පළමු ටෙස්ට් තරගයේ සිවුවැනි දිනය නිමාවන විට දෙවැනි ඉනිම පන්දුවට පහර දෙන ඉන්දියානු කණ්ඩායම එක් කඩුල්ලකට ලකුණු 171ක් ලබා සිටියේ ශ්‍රී ලංකාව පළමු ඉනිම වෙනුවෙන් රැස්කළ ලකුණු 294ට පිළිතුරු සපයමිනි.

‘X-30 Asia Cup’ ගෝ - කාර්ට් තරගාවලිය ජනවාරි 13-14  

2017-11-17 14:43:35

සිලෝන් මෝටර් ස්පෝර්ට්ස් ක්ලබ්, ඩේවිඩ් පීරිස් සමූහ ව්‍යාපාරයේ සාමාජික සමාගමක් වන ඩේවිඩ් පීරිස් රේසිං ඇන්ඩ් ලෙෂර් (පුද්.) සමාගම එක්ව සංවිධානය කරන 'X-30 Asia Cup' ගෝ-කාර්ට් තරගාවලිය 2018 ජනවාරි මස 13 හා 14 යන දෙදින තුළ බණ්ඩාරගම ශ්‍රී ලංකා කාර්ටින් සර්කිට් හිදී පැවැත්වේ. 'X-30 ගෝ-කාර්ට් තරගාවලියක් අග්නිදිග ආසියාවෙන් පිටත පැවැත්වෙන ප්‍රථම අවස්ථාව මෙය වන අතර මෙම ජාත්‍යන්තර තරග කාණ්ඩය තුළ ආසියාව සහ යුරෝපය නියෝජනය කරන ධාවන ශූරයන් 'X-30' ගෝ-කාර්ට් තරගාවලිය සඳහා එක් වෙති.

නිලුකා හා අරුණසිරි චීනයට  

2017-11-17 12:36:57

විචිත්‍ර වීරසිංහ

චීනයේ ඩොන්ගුවාන්හිදී පැවැත්වෙන 14 වැනි ආසියානු මැරතන් තරගාවලියට ශ්‍රී ලංකාවෙන් එක් ක්‍රීඩකයකු හා ක්‍රීඩිකාවක් සහභාගි කරවීමට ශ්‍රී ලංකා මලල ක්‍රීඩා සංගමය තීරණය කර තිබේ. ඒ අනුව මේ මස 26 වැනිදා ආරම්භ වන මෙම තරගාවලිය සඳහා ශ්‍රී ලංකාවේ ප්‍රමුඛ පෙළ මැරතන් ක්‍රීඩිකාවක් හා ක්‍රීඩකයකු වන නිලුකා ගීතානි රාජසේකර හා ධම්මික අරුණසිරි සහභාගි වෙයි. 2015 වසරේදී හොංකොං මැරතන් තරගාවලියට සහභාගි වෙමින් පැය 2යි විනාඩි 40.07ක කාලයක් සහිතව නව ශ්‍රී ලංකා වාර්තාවක් තැබූ නිලුකා එම වසරේදීම චීනයේ බීජිංහි පැවැති ලෝක මලල ක්‍රීඩා උළෙලේ මැරතන් ඉසව්වේ 49 වැනි ස්ථානය දිනා ඇති අතර පසුගිය වසරේදී බ්‍රසීලයේදී පැවැති ඔලිම්පික් උළෙලේදී ශ්‍රී ලංකාව නියෝජනය කර ඇත.

ටෙස්ට් සටනේ ආරම්භය අදයි  

2017-11-16 11:38:45

සංචාරක ශ්‍රී ලංකා කණ්ඩායම හා ඉන්දියාව අතර තරග තුනකින් සමන්විත ටෙස්ට් ක්‍රිකට් තරගාවලියේ පළමු තරගය කොල්කටා ඊඩ්න් ගාඩ්න් ක්‍රීඩා පිටියේදී අද (16දා) ආරම්භ වීමට නියමිතව ඇත්තේ දෙපිල මුණගැසෙන 42 වැනි ටෙස්ට් තරගය ලෙසිනි. අද තරගය පැවැත්වෙන කොල්කටාහි ඊඩ්න් ගාඩ්න් ක්‍රීඩා පිටිය කොළ පැහැති වේගවත් තණතීරුවකින් සමන්විත බව වාර්තා වන අතර, මෙවැනි තණතීරුවක් නිර්මාණය කර ඇත්තේ දකුණු අප්‍රිකානුවන් සමඟ ඉදිරියේදී පැවැත්වෙන ටෙස්ට් තරගය සඳහා ඉන්දියානු කණ්ඩායමට පෙරහුරුවක් ලබාගැනීමේ අදහසින් බවද පැවැසේ.

ජාතික ඔලිම්පික් කමිටුවේ විධායක සභාව වසර 4කින් කැඳවා නැහැ  

2017-11-15 13:17:53

වසර 9ක් පමණ පැවැති වත්මන් ජාතික ඔලිම්පික් කමිටු පරිපාලන තන්ත්‍රයේ වෙනසක් සිදුකිරීමට මඟ පාදමින් වාර්ෂික මහා සභා රැස්වීමක් පැවැත්වීමට ලබන 2018 වසරේ ජනවාරි 9දාට දින නියම කරගෙන ඇති අතර, ඒ මඟින් ජාතික ඔලිම්පික් කමිටුවේ (එන්.ඕ.සී.) වත්මන් ඒකාධිපති පාලනය වෙනස් කිරීමට මෙරට ක්‍රීඩා පරිපාලන සංගම් බහුතරයක් පෙළගැසෙමින් සිටින බවට "මව්බිම"ට වාර්තා වේ.

රසෝලිගේ පිත්තේ බලයෙන් ලංකාවට අවසන් පූර්ව වටය අහිමි කරයි  

2017-11-15 11:35:25

ඇෆ්ගනිස්තාන කණ්ඩායමේ ඩාවිස් රසෝලි පන්දු 37කදී ලැබූ වේගවත් ශතකය හේතුවෙන් එක්සත් අරාබි එමීර් රාජ්‍යය ලකුණු 134කින් පරාජය කරමින් ආසියානු කුසලාන යොවුන් ක්‍රිකට් තරගාවලියේ අවසන් පූර්ව වටයට සුදුසුකම් ලැබීමට ඇෆ්ගනිස්තානය ඊයේ සමත් විය.

ලංකාවට එරෙහිව පළමු ටෙස්ට් තරග දෙකේදී පාන්ඩ්යාට නිවාඩුවක්  

2017-11-14 14:06:01

එළැඹෙන ශ්‍රී ලංකා-ඉන්දීය ටෙස්ට් ක්‍රිකට් තරගාවලියේ පළමු ටෙස්ට් තරග දෙක සඳහා නම්කළ ඉන්දීය සංචිතයෙන් තුන් ඉරියව් ක්‍රීඩක හාර්ඩික් පාන්ඩ්යා ඉවත්කර ඇත. ඉදිරියේදී ඔහු මුහුණ දිය හැකි ආබාධිත තත්ත්වයන්ගේ අවදානමෙන් බේරා ගැනීමේ අරමුණෙන් ඉන්දීය ක්‍රිකට් කළමනාකාරීත්වයේද උපදෙස් මත ඉන්දීය ක්‍රිකට් තේරීම් කමිටුව මෙම තීරණය ගත් බව ඉන්දීය ක්‍රිකට් පාලක මණ්ඩලය ප්‍රකාශ කර සිටී.

ආසියානු කුසලාන යොවුන් ක්‍රිකට් තරගාවලිය  

2017-11-14 10:38:37

ආසියානු කුසලාන යොවුන් ක්‍රිකට් තරගාවලියේදී එක්සත් අරාබි එමීර් රාජ්‍යය හා ඇෆ්ගනිස්ථානය පරාජය කරමින් අපරාජිත ලේබලය රැකගෙන සිටි ශ්‍රී ලංකා කණ්ඩායම ඊයේ (13දා) ප්‍රබල පාකිස්තානුවන් හමුවේ කඩුලු 3ක පරාජයක් අත්විඳ ගත්තේය.

අපරාජිත ශ්‍රී ලංකා පිල අද පාකිස්තානය සමඟින් තරග බිමට  

2017-11-13 12:03:41

ඉෂාන් රශ්මිත

ආසියානු ක්‍රිකට් සම්මේලනය විසින් සිව්වැනි වරටත් සංවිධානය කරනු ලබන මැලේසියාවේදී පැවැත්වෙන යොවුන් ආසියානු කුසලාන ක්‍රිකට් තරගාවලියේ තම අපරාජිත බව රැකගැනීම සඳහා ශ්‍රී ලංකා යොවුන් පිල පාකිස්තාන යොවුන් පිල සමඟින් අද (13දා) කින්රාරා ඕවල් ක්‍රීඩාංගණයේදී තරග වැදීමට නියමිතය.
තරගාවලියේ 'බී' කාණ්ඩය යටතේ තරග වදින ශ්‍රී ලංකා යොවුන් පිල පළමු දිනයේදී (10දා) එක්සත් අරාබි එමීර් රාජ්‍ය කඩුලු 7කින් පැරදවූ අතර, දෙවැනි දිනයේදී (11දා) ඇෆ්ගනිස්තාන යොවුන් පිල ලකුණු 61කින් පරදවා 'බී' කාණ්ඩයේ පෙරමුණ ගෙන සිටියි.

ක්‍රිකට් ගොඩ ගන්න සිංහයෝ දෙදෙනෙක්  

2017-11-11 17:12:48

ශ්‍රී ලංකා ජාතික ක්‍රිකට් කණ්ඩායම දිගින් දිගටම තරග පරාජයන්ගේ මිහිර පමණක් විඳින කාලවකවානුවක ක්‍රිකට් පිළිබඳව ප්‍රේක්ෂකයකු වීමට හෝ ක්‍රිකට් ගැන කතා කිරීමට පවා අකැමැත්තක් දක්වන මෙරට බහුතර ක්‍රිකට් ප්‍රජාවගේ ඇඟිල්ල දිගු වන්නේ වත්මන් ක්‍රිකට් පරිපාලනය වෙතය.

නව ක්‍රිකට් පුහුණුකරු හතුරු!  

2017-11-10 12:13:59

ශ්‍රී ලංකා කණ්ඩායමේ හිටපු ක්‍රිකට් ක්‍රීඩකයකු මෙන්ම බංග්ලාදේශ ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කරන චන්දික හතුරුසිංහ ශ්‍රී ලංකා ජාතික කණ්ඩායමේ නව පුහුණුකරුවා ලෙස පත්කිරීමට තීරණය කර ඇති බව දැනගන්නට ඇති අතර ඒ බව තවදුරටත් තහවුරු කරමින් හතුරුසිංහ තමන් හොබවන ජාතික පුහුණුකරු තනතුරෙන් ඉල්ලා අස්වීමේ ලිපිය බංග්ලාදේශ ක්‍රිකට් පාලක මණ්ඩලයට භාරදුන් බවද ඊයේ සවස වාර්තා විය.

ක්‍රීඩාවේ ඉදිරි සංවර්ධනයට යුද හමුදාවේ සහාය  

2017-11-09 14:00:19

නව යුද හමුදාපති ලුතිනල් ජෙනරාල් මහේෂ් සේනානායක මහතා ඇතුළු ශ්‍රී ලංකා යුද හමුදාවේ උසස් නිලධාරීන් පිරිසක් සහ ක්‍රීඩා අමාත්‍ය නීතිඥ දයාසිරි ජයසේකර මහතා අතර හමුවක් පසුගියදා ක්‍රීඩා අමාත්‍යාංශයේදී සිදු විය.

බීච් ක්‍රිකට් සැණකෙළිය ගල්කිස්සේදී  

2017-11-08 15:42:41

සඳරු පෙරේරා

ශ්‍රී ලංකාවේ විශාලතම බීච් ක්‍රිකට් තරගාවලිය ලෙස සැලකෙන සන්සෙට් ක්‍රිකොරෝනා (sunset crikorona) මෙම මස 11 වැනි දින ගල්කිස්ස සංචාරක හෝටල් වෙරළ පරිශ්‍රයේදී පැවැත්වේ.
ප.ව 2.00ට ආරම්භ වන මෙම තරගාවලිය සය සාමාජික ක්‍රිකට් තරගාවලියක් ලෙස පැවැත්වෙන අතර පිළිමලුන් පිටුදැකීමේ ක්‍රමයට තරග පැවැත්වීමට නියමිතය.
සාමාජිකයන් 5 දෙනකුගෙන් හා එක් සාමාජිකාවකගෙන් සමන්විත කණ්ඩාමක් ක්‍රීඩා කළ යුතු මෙම තරගාවලියට ශ්‍රී ලංකාවේ ප්‍රමුඛ පෙළේ සමාගම් නියෝජනය කරමින් කණ්ඩායම් 16ක් සහභාගි වේ.

ශ්‍රීමත් ජෝන් ටාබට් 48 වැනි කනිෂ්ඨ මලල ක්‍රීඩා ශුරතාවලිය පාසල් 468ක සහභාගිත්වයෙන් අද දියගමදී ඇරැඹෙයි  

2017-11-08 12:33:22

ගමිත දෙහිපිටිය

ශ්‍රී ලංකා පාසල් මලල ක්‍රීඩා සංගමයේ මෙහෙයවීමෙන් වාර්ෂිකව සංවිධානය කරනු ලබන 48 වැනි ශ්‍රී මත් ජෝන් ටාබට් කනිෂ්ඨ මලල ක්‍රීඩා ශූරතාවලිය අද දියගම මහින්ද රාජපක්ෂ ක්‍රීඩාංගණයේදී ආරම්භ වේ. වයස අවුරුදු 12න්, 13න්, 14න් සහ 15න් පහළ බාලක/බාලිකා වශයෙන් වයස් කාණ්ඩ 4ක් යටතේ තරග පැවැත්වීමට නියමිතය.
මේ අතර මෙවර තරගාවලිය සඳහා පාසල් 468ක් නියෝජනය කරමින් ක්‍රීඩක ක්‍රීඩිකාවන් 2500ක් පමණ සහභාගි වීමට නියමිත අතර පසුගිය වසරේදී වයස අවුරුදු 14න් පහළ කෙටි දුර ධාවන ඉසව්වලදී නව තරග වාර්තා 3ක් පිහිටුවූ බළපිටිය සිද්ධාර්ථ විද්‍යාලයේ හිරුෂ මෙන්ඩිස්, මීටර් 80 කඩුලු අවුරුදු 14න් පහළ වසර 12ක් පැරණි වාර්තාව ගිය වසරේ බිඳහෙලූ පේරාදෙණිය රණබිම රාජකීය විද්‍යාලයේ තරුෂ කරුණාරත්න හා වයස අවුරුදු 14න් පහළ මීටර් 400 තරග වාර්තාවක් පිහිටවනු ලැබූ කොළඹ කේරි විද්‍යාලයේ දුලංජන් පෙරේරා වැනි කැපී පෙනෙන ක්‍රීඩකයන් ද මෙවර තරගාවලියට සහභාගි වනු ඇත.

යොවුන් ක්‍රිකට් පිල හෙට, දිවයිනෙන් පිටත්වෙයි  

2017-11-07 15:22:13

මැලේසියාවේ පැවැත්වෙන සිවුවැනි යොවුන් ආසියානු කුසලාන ක්‍රිකට් තරගාවලිය සඳහා සහභාගි වන කමිඳු මෙන්ඩිස්ගේ නායකත්වයෙන් යුත් ශ්‍රී ලංකා යොවුන් පිල හෙට (8දා) දිවයිනෙන් පිටත්ව යෑමට නියමිතව ඇත.

මව්බිම දැන්

තවදුරටත්

අද මව්‍බිමෙන්

තවදුරටත්