නැවතත් මුල් පිටුවට

මව්බිම දැන් - ක්‍රීඩා

හිස් අතින්ම මැද පෙරදිගට ආපු ලංකාව ඩුබායි හිදී ටෙස්ට් මල්ල පුරවා ගනී  

2017-10-11 09:53:19

ශ්‍රී ලංකාව සහ පාකිස්තානය අතර ඊයේ ඩුබායි ජාත්‍යන්තර ක්‍රිකට් ක්‍රීඩාංගණයේදී නිමා වූ දෙවැනි ටෙස්ට් තරගයේදී ලකුණු 68කින් පාකිස්තානය පරාජය කළ දිනේෂ් චන්දිමාල් ප්‍රමුඛ කණ්ඩායම ශ්‍රී ලංකා ක්‍රිකට් ඉතිහාසයේ සහභාගි වූ මංගල දිවා-රාත්‍රි ටෙස්ට් තරගයෙන්ම ජයග්‍රහණය වාර්තා කළ අතර වසර 16ක පාකිස්තානයට සත්කාරය සලසමින් ගෙවුණ එක්සත් අරාබි එමීර් රාජ්‍ය ක්‍රිකට් ඉතිහාසයේ පාකිස්තානයට තරගාවලි පරාජයක් (සියලු තරග පරාජය ලබමින්) උරුම කළ පළමු අවස්ථාවද සටහන් කළේය. දෙවැනි ඉනිමේදී ජයග්‍රහණය සඳහා ලකුණු 317ක ඉලක්කයක් සත්කාරක පාකිස්තාන් පිලට ලැබුණද ඊයේ දිවා භෝජනයට පෙර ඔවුන්ගේ කඩුලු 10ම පන්දුවාර 90යි පන්දු 2කදී ලකුණු 248කට දැවී යෑම නිසා දෙවැනි ටෙස්ට් තරගයෙන්ද 2-0ක් ලෙස තරගාවලියෙන්ද ඔවුන්ට පරාජය අත්විය.

චීන විවෘත ටෙනිස් කිරුළ නඩාල්ගේ දෝතට  

2017-10-10 14:06:52

ලොව ටෙනිස් ශේ්‍රණිගත කිරීම්හි අංක එකෙහි පසුවන ප්‍රංශයේ රෆායල් නඩාල් ඕස්ට්‍රේලියාවේ නික් කයිර්ජියස් තරග වට 2-0ක් ලෙස පරාජය කරමින් චීන විවෘත ටෙනිස් කිරුළ දිනාගත් අතර, කාන්තා කිරුළ හිමිවූයේ ප්‍රංශයේ කැරොලිනා ගාසියාටය.

ශ්‍රී ලංකාවේ රෝස පන්දුවේ මංගල ගමන සාර්ථක වන ලකුණු  

2017-10-10 10:16:44

සංචාරක ශ්‍රී ලංකා කණ්ඩායම හා පාකිස්තානය අතර පළමු වරට පැවැත්වෙන දිවා/රාත්‍රි ටෙස්ට් ක්‍රිකට් තරගයේ ලකුණු 317ක ඉලක්කයක් පසුපස හඹා යන පාකිස්තාන කණ්ඩායම සිවුවැනි දිනයේ තේ පානය සඳහා තරගය නතර කරන විට කඩුලු 1ක් දැවී ලකුණු 15ක් ලබා සිටියේය.

ශ්‍රී ලංකාව පළමු ඉනිම 482යි  

2017-10-09 13:02:10

සංචාරක ශ්‍රී ලංකා කණ්ඩායම හා පාකිස්තානය අතර පළමු වරට පැවැත්වෙන දිවා/රාත්‍රී ටෙස්ට් ක්‍රිකට් තරගයේ තෙවැනි දිනයේ තේ පානය සඳහා තරගය නතර කරන විට පළමු ඉනිම වෙනුවෙන් පන්දුවට පහර දෙන පාකිස්තානු කණ්ඩායම කඩුලු 4ක් දැවී ලකුණු 115ක් ලබා සිටියේය.

නිහඬ කරදරකරයා හේරත් ගැන වැදගත් යමක්  

2017-10-07 15:42:13

වසරකට පමණ පසුව ටෙස්ට් ජයග්‍රහණයක රස බලා එය සමරන්නට ශ්‍රී ලංකා ජාතික ක්‍රිකට් කණ්ඩායම කැඳවාගෙන යන්නට පෙරමුණ ගත් නිසාම රංගන හේරත් නොහොත් හේරත් මුදියන්සේලාගේ රංගන කීර්ති බණ්ඩාර හේරත් ගැන යළිත් වරක් මේ දිනවල කතාබහට ලක්වෙනවා.

ටෙස්ට් ක්‍රිකට් තරගාවලියක් සඳහා වසර 8කට පසු ශ්‍රී ලංකා පිල ඉන්දියාවට  

2017-10-05 16:29:00

ශ්‍රී ලංකාව හා ඉන්දියාව අතර ඉන්දියාවේදී පැවැත්වීමට නියමිත ටෙස්ට්, එක්දින හා විස්සයි-20 ක්‍රිකට් තරගාවලිය මේ වනවිට ස්ථිර වී ඇති අතර, තරගාවලියේ තරග කාලසටහනද ප්‍රකාශයට පත්ව තිබේ.

මාලිංග එක් දින කණ්ඩායමෙන් ඉවතට  

2017-10-05 12:55:23

ශ්‍රී ලංකාව සහ පාකිස්තානය අතර පැවැත්වෙන එක් දින තරගාවලිය සඳහා වන ශ්‍රී ලංකා එක් දින සංචිතය ඊයේ ප්‍රකාශයට පත්කරන ලද අතර එම සංචිතයට වේගපන්දු යවන ක්‍රීඩක ලසිත් මාලිංග තෝරාගෙන නොමැතිවීම විශේෂත්වයකි.

ක්‍රිකට් උපදේශක කමිටුව වැඩ බාරගනී මෙය මගේ අවසන් උත්සාහයයි - මහේලගෙන් ප්‍රකාශයක්  

2017-10-04 10:41:23

මෙරට ක්‍රිකට් ක්‍රීඩාවේ අභිවෘද්ධිය වෙනුවෙන් ඉදිරියේදී ගතයුතු ක්‍රියාමාර්ගයන් මෙන්ම ඊට අදාළ සැලසුම් සහ මෙහෙයුම් කටයුතු ක්‍රියාවට නැංවීමේ අරමුණින් ක්‍රීඩා අමාත්‍යවරයා විසින් පත් කරන ලද විශේෂ ක්‍රිකට් උපදේශක කමිටුවේ සාමාජිකයන්ට පත්වීම් ලිපි ලබාදීම ඊයේ සවස් වරුවේ ක්‍රීඩා අමාත්‍යවරයාගේ කාර්යාලයේදී සිදුකරනු ලැබිණි.

ලංකාව යළි ජය මඟට  

2017-10-03 13:24:41

ශ්‍රී ලංකාව හා පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන තරග දෙකකින් යුත් ටෙස්ට් ක්‍රිකට් තරගාවලියේ ඊයේ අබුඩාබිහිදී පැවැති පළමු තරගයෙන් ලකුණු 21ක විශිෂ්ට ජයග්‍රහණයක් ලබමින් දිගින් දිගටම පරාජය රාමුවේ සිටි

මැතිව්ස්ට 2 වැනි තරගයත් අහිමි වෙයිද?  

2017-10-02 11:02:11

ශ්‍රී ලංකා පිලේ හිටපු නායක ඇන්ජිලෝ මැතිව්ස් හට මෙම මස 6 වැනිදා ආරම්භ වන ශ්‍රී ලංකාව සහ පාකිස්තානය අතර පළමු දිවා-රාත්‍රි ටෙස්ට් තරගය අහිමි වනු ඇතැයි වාර්තා වනවා. ඔහුගේ පාදයේ ඇතිවී තිබෙන මස්පිඩු ආබාධයෙන් සුවය නොලැබීම එයට හේතුවයි. එම ආබාධය හේතුවෙන් ශ්‍රී ලංකාව සහ පාකිස්තානය අතර පළමු ටෙස්ට් තරගය ද ඔහුට අහිමි විය.

බැඩ්මින්ටන් ක්‍රීඩාවේ අනාගතය අවදානම්: හිටපු සභාපතිලා, ලේකම්ලා මැසිවිලි නඟති  

2017-09-29 12:44:57

විචිත්‍ර වීරසිංහ

මෙම වසරේ මාර්තු 24වැනිදා සිට අවස්ථා 4කදී පැවැත්වීමට නොහැකිව තිබූ ශ්‍රී ලංකා බැඩ්මින්ටන් නිලවරණය පසුගිය 31වැනිදා පැවැති නමුත් එදිනද උසාවි නියෝගයක් හේතුවෙන් අතරමඟ නවතා දැමීමට සිදු විය.

මුලදී නාමයෝජනා ප්‍රතික්ෂේප වී පසුව නිලවරණය සඳහා නාමයෝජනා හිමිවූ කිහිප දෙනකු එම නිලවරණයට ඉදිරිපත්වීම හේතුවෙන් හා සංගමයේ හිටපු නිලධාරීන් කිහිප දෙනකුට එම නිලවරණයේ නාමයෝජනා හිමිනොවීම සම්බන්ධයෙන් විරෝධය දැක්වීමක් ලෙස ක්‍රීඩා සමාජ කිහිපයක් එකතු වී මෙම උසාවි නියෝගය ලබාගෙන තිබිණි.

අද ශ්‍රී ලංකා - පාකිස්තාන් ටෙස්ට් තරගයෙන් නව ක්‍රිකට් නීති කරළියට  

2017-09-28 10:38:42

අද ආරම්භ වන ශ්‍රී ලංකා - පාකිස්තාන සහ බංග්ලාදේශ - දකුණු අප්‍රිකානු ටෙස්ට් තරගාවලියන්ගේ සිට අයි. සී. සී.ය විසින් ක්‍රිකට් ක්‍රීඩාවට අලුතින් හඳුන්වා දෙනු ලැබූ නව නීති ක්‍රියාත්මක කරන බව අන්තර්ජාතික ක්‍රිකට් කවුන්සිලය සඳහන් කරයි.

බර ඉසිලීමෙන් තරග වැදුණු උෂාන්ගෙන් නව ශ්‍රී ලංකා වාර්තාවක්  

2017-09-27 11:03:14

ටර්ක්මෙනිස්තානයේ පැවැත්වෙන ආසියානු ගෘහස්ථ මලල ක්‍රීඩා හා සටන් කලා ක්‍රීඩා උළෙලේදී බර ඉසිලීමේ ඉසව්වකින් නව ශ්‍රී ලංකා වාර්තාවක් පිහිටුවීමට උෂාන් චාරුක විදාන සමත් විය. කිලෝග්‍රෑම් 105ට වැඩි බර පන්තිය යටතේ පිරිමි බර ඉසිලීමේ තරගයට සහභාගි වූ ශ්‍රී ලංකා ගුවන් හමුදාවේ සේවය කරන උෂාන් මෙම නව වාර්තාව පිහිටුවීම සඳහා කිලෝග්‍රෑම් 319ක බරක් (ස්නැච් ක්‍රමයට කි.ග්‍රෑ. 139ක් සහ ක්ලීන් ඇන්ඩ් ජර්ක් ක්‍රමයට කි.ග්‍රෑ. 180ක්) ඔසවා ඇත.

අවුරුදු 14න් පහළ අන්තර් පාසල් රග්බි තරගාවලිය මේ සති අන්තයේ රුවන්වැල්ලේදී  

2017-09-22 15:27:29

ශ්‍රී ලංකා පාසල් රග්බි පාපන්දු සංගමය මයිලෝ අනුග්‍රහයෙන් සංවිධානය කරනු ලබන එක් පිලකට දහදෙනකු සහභාගි වන අවුරුදු 14න් පහළ දෙවැනි කොටසේ අන්තර් පාසල් රග්බි තරගාවලිය මෙම සති අන්තයේදී (සැප්තැම්බර් 23-24) රුවන්වැල්ල ක්‍රීඩා පිටියේදී පැවැත්වේ.

ආසියානු ගෘහස්ථ මලල ක්‍රීඩා උළෙලට ගිය ක්‍රීඩකයෝ කටුනායකින් බැස්ස ගමන්ම මාතරට එති  

2017-09-22 11:04:52

43 වැනි ජාතික මහා ක්‍රීඩා උළෙල අද (22දා) සිට දින තුනක් පුරා උත්කර්ෂවත් ලෙස මාතර කොටවිල ක්‍රීඩාංගණයේදී පැවැත්වෙන අතර, මෙම ක්‍රීඩා උළෙලේ අවසන් අදියරේ තරග ලෙස ජවන හා පිටිය මලල ක්‍රීඩා තරග මෙම දිනවලදී පැවැත්වීමෙන් අනතුරුව සමාප්ති උළෙල 24දා (ඉරිදා) සිදුකිරීමට නියමිතය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

TODAY CARTOON

mawbima Cartoon