නැවතත් මුල් පිටුවට

තීරු ලිපි - කැබිනට් එක

කැබිනට් මණ්ඩලයේදී රවිට දැඩි විරෝධතා   
👤2241

2017-02-26

කැබිනට් මණ්ඩල රැස්වීම අඟහරුවාදා පාර්ලිමේන්තු සංකීර්ණයේදී පැවැත්වුණේ එදින පාර්ලිමේන්තු රැස්වීම් දිනයක් වූ නිසාය. ජනාධිපතිගේ ප්‍රධානත්වයෙන් පැවැති ඊට අගමැතිවරයා සහභාගි වූයේ සති දෙකකට පසුවය. කැබිනට් පත්‍රිකා 26කට පමණ මෙහිදී අනුමැතිය හිමි වූයේය. මෙවර කැබිනට් මණ්ඩලය වඩාත් උණුසුම් මුහුණුවරක් ගත්තේය. රවි කරුණානායක මුදල් ඇමැතිවරයා ඉලක්ක කරමින් කරුණු රැසක් සම්බන්ධව ඇමැතිවරු චෝදනා කිරීම ඊට හේතුවයි.

අගමැති විරෝධයට හර්ෂගෙන් ට්විටර් මෙහෙයුමක්   
👤4114

2017-02-19

නීතිඥයකු ලෙස කටයුතු කළ රාමනාදන් කන්නන් මහාධිකරණ විනිසුරුවරයකු ලෙස පත් කිරීම මේ දිනවල නීති ක්‍ෂේත්‍රයේ අවධානයට ලක්ව ඇත. එම පත් කිරීම පසුගියදා සිදු කළේ ජනපති මෛත්‍රිපාල සිරිසේන විසින්ය.

අධිකරණ සේවා කොමිෂන් සභාව හෝ නීතිපති දෙපාර්තමේන්තුව සතු කාර්යයක් ජනපතිවරයා විසින් සිදු කිරීමෙන් ඔහු ව්‍යවස්ථාව උල්ලංඝනය කර ඇතැයි මහාචාර්ය ජී.එල්. පීරිස් චෝදනා කෙළේය. එවැනි චෝදනා හමුවේ බදාදා පැවැති ජාතික නීති සමුළුවට සහභාගි වූ ජනාධිපතිවරයා තමන් එම පත්වීම කළේ නීතිඥ සංගමයේ ලිඛිත ඉල්ලීමක් අනුව බවද ප්‍රකාශ කෙළේය.

ජනපති සිවිල් සංවිධානවලට සපථ කළේ මොනවාද?  
👤3896

2017-02-12

පාර්ලිමේන්තු සැසිවාරය නිසා ගෙවී ගිය සතියේ කැබිනට් මණ්ඩල රැස්වීම පැවැත්වුණේ පාර්ලිමේන්තු සංකීර්ණයේදීය. අඟහරුවාදා එම රැස්වීම දීර්ඝ වේලාවක් පැවැත්විණි. කැබිනට් සන්දේශ 30කට පමණ එහිදී අනුමැතිය හිමි විය. අතුරුදන් වූ තැනැත්තන් පිළිබඳ කාර්යාලය පිහිටුවීමට පාර්ලිමේන්තුව පසුගිය අගෝස්තු 23දා අනුමත කරන ලද පනතට සංශෝධනයක් එක් කෙරිණි. කිසියම් පුද්ගලයකු හෝ සංවිධානයක් සමඟ ගිවිසුමකට එළැඹීමේ හැකියාව ඉවත් කිරීමට කැබිනට් මණ්ඩල අනුමැතිය පළ විය. අගමැතිවරයාගේ යෝජනාවක් වූ එය සංශෝධන කටයුතු සඳහා නීතිපති දෙපාර්තමේන්තුවට යැවීමට නියමිතය. අධ්‍යාපන අමාත්‍ය අකිලගේ යෝජනාවක් අනුව ගුරු උපදේශකවරුන්ගේ සේවය විධිමත් කිරීමට "ශ්‍රී ලංකා ගුරු උපදේශක සේවය" යනුවෙන් නව සේවාවක් ස්ථාපිත කිරීමට නියමිතය. එමෙන්ම විදුහල්පතිවරුන්ගේ සේවය අගයමින් ඔවුන්ට ලබා දෙන දීමනා වැඩි කිරීමටද තීරණය කෙරිණි. විදුහල්පතිවරයකුට ගෙවන රුපියල් 750ක දීමනාව 6500 දක්වාද 600 දීමනාව 4000 දක්වාද 450 දීමනාව 3000 දක්වාද 300 දීමනාව 2500 දක්වාද ඉහළ නැංවීමට තීරණය කෙරිණි.

ආණ්ඩුවේ වෙනස්කම් ගැන ජනපතිගෙන් ඉඟියක්  
👤4541

2017-02-05

කැබිනට් මණ්ඩල රැස්වීම සුපුරුදු පරිදි අඟහරුවාදා පෙරවරුවේ ජනාධිපති මෛත්‍රිපාල සිරිසේනගේ ප්‍රධානත්වයෙන් ජනාධිපති ලේකම් කාර්යාලයේදී පැවැත්විය. එහිදී කැබිනට් පත්‍රිකා 14කට පමණ අනුමැතිය පළ කෙරිණි.

යළි ඇරැඹුමකට මහින්ද නිර්මාංස වෙයි  
👤5527

2017-01-29

සුපුරුදු පරිදි කැබිනට් මණ්ඩල රැස්වීම අඟහරුවාදා ජනාධිපති ලේකම් කාර්යාලයේදී රැස්විය. ජනාධිපතිවරයාගේ ප්‍රධානත්වයෙන් පැවැති ඊට අගමැතිවරයා ඇතුළු එ.ජා.ප. ඇමැතිවරු කිහිප දෙනෙක්ම සහභාගි වූයේ සතියකට පසුවයි. වී තොග මුදාහැර තිබියදීත් සහල් මිල අඩු නොවීම, මෙන්ම සහල් හිඟකම පිළිබඳත් මෙහිදී අවධානයට යොමු වූහ. 'සමහර මෝල් හිමියො වී ගත්තට ඒවා සහල් බවට පත් කොට වෙළෙඳපොළට මුදාහැරල නැහැ' හැරිසන් ඇමැතිවරයා පෙන්වා දුන්නේය. 'එහෙම වෙන්න දෙන්න බැහැ. නියම ප්‍රමාණයට සහල් වෙළෙඳපොළට දමනවද කියල අනිවාර්යයෙන් සොයල බලන්න, ඒ වගේම සහල් කිලෝව 76/=ට වඩා සතයක්වත් වැඩි කරන්න දෙන්න එපා. ජනාධිපතිවරයා අවධාරණය කළේය. ඒ අනුව වී සහල් බවට පත් කෙරෙමින් ඒවා නිසි පරිදි වෙළෙඳපොළට යන්නේද කියා සොයා බැලීමටත් එසේ නොවන්නේ නම් ඊට අවශ්‍ය පියවර ගැනීමටත් අමුණුගමගේ ප්‍රධානත්වයෙන් හැරිසන්, බදුර්දීන් ඇතුළු පිරිසකගේ ප්‍රධානත්වයෙන් කමිටුවක් පත් කරනු ලැබීය.

සමලිංගික වචනය සැඟවූ කැබිනට් පත්‍රිකාව විසි වූ හැටි  
👤5784

2017-01-22

රවි සජිත්ට එරෙහි වෙලා

යෝජනා අංක 45 යටතේ විවාදයට ගත්තේ ජාතික මානව හිමිකම්, ක්‍රියාකාරී සැලැස්මයි. රජය වෙනුවෙන් එය සැකසීම විදේශ අමාත්‍යාංශයට භාරවී තිබිණි. විදේශ ඇමැති මංගල සමරවිර වෙනුවට වැඩබලන විදේශ ඇමැති ආචාර්ය හර්ෂ ද සිල්වා ඉදිරිපත් කොට තිබිණි. 2017 - 2021 මානව හිමිකම් ක්‍රියාකාරී සැලැස්ම අනුව ප්‍රධාන ලෙසම උණුසුම් කතාබහට ලක් වූයේ "ලිංගික අනුහුරුව සහ ස්ත්‍රී පුරුෂභාවය මත පදනම්ව වෙනස්කම්වලට භාජන වීම වැළැක්වීම තහවුරු කිරීම සඳහා ලිංගික හැසිරීමට අදාළ නීතිමය වැරැදි යළි විමසා බැලීම" නමැති යෝජනාවය. එමඟින් වසර 175ක් පැරැණි 1842 අදාළ ආඥා පනත සංශෝධනය කිරීමට යෝජනා කොට තිබිණි. පසුගිය පොහෝ දින අගමැතිවරයා සහ වැඩ බලන විදේශ ඇමැති හර්ෂ ඇතුළු පිරිසක් එම යෝජනාව සකස් කොට තිබිණි. විදේශ ඇමැතිවරයා විදේශගතවී සිටීම නිසා හර්ෂ ඊට මැදිහත් වී තිබිණි.

සීමා නිර්ණය ගැන මිස්බා කතා කරයි  
👤5575

2017-01-15

ජනාධිපති දෙවැනි පදවි ප්‍රාප්තිය වෙනුවෙන් භික්ෂුන් වහන්සේ දහසකට දානයක් පිරිනැමීමට ශ්‍රී ලනිපය තීරණය කොට තිබිණි. සැණකෙළි පැවැත්වීමට ජනාධිපතිවරයා අකැමැති වීම ඊට හේතුවයි. දානයට ආරාධනා කිරීමේ කටයුත්ත පැවැරුණේ මුදල් රාජ්‍ය ඇමැති ලක්ෂ්මන් යාපාටය. භික්ෂුන් වහන්සේ දහසක් බලාපොරොත්තු වුවත් එම ප්‍රමාණය තවත් දෙතුන් සියයකින් වැඩි වී තිබිණි. එය ප්‍රශ්නයක් බවට පත් විය හැකි බව සිතූ ලක්ෂ්මන් යාපා ජනාධිපතිවරයාට කතා කොට "සර් දැනටමත් නායක හාමුදුරුවරු ඇතුළුව එක්දහස් දෙසීියකට ආරාධනා කොට තිබෙනවා. ඒත් ආරාධනා කළ යුතුම නායක හාමුදුරුවරු තව ගොඩක් ඉන්නවා. මොකද කරන්නේ?" යැයි විමසුවේය. "කොහොම වුණත් ආරාධනා කරන්න ඕන නායක හාමුදුරුවරුන්ට ආරාධනා කරන්න. මම ආසයි ජනාධිපති මන්දිරය කසාවතින් බබළනවා බලන්න" ජනාධිපතිවරයා පිළිතුරු දුන්නේය. මේ අතර සෙනසුරාදා ජනාධිපතිවරයාට භික්ෂුන් වහන්සේ නමකගෙන් ඇමතුමක් ආවේ ඉරිදා පැවැත්වෙන දානය අවලංගු කොට ඇති බවට දුරකතන ඇමතුමක් ලද බව කියමින්ය.

පළාත් අකැමැති නම් ආණ්ඩුව තනි ගමනක - රනිල් කියයි  
👤7591

2017-01-08

ජනාධිපති මෛත්‍රිපාල සිරිසේන පසුගිය වසරේ අවසන් සිකුරාදා තමන් සහභාගි වන හමුව පිළිබඳ මාධ්‍යයට නොපවසන ලෙස එකඟතාවක් ඇතිකරගත්හ. ඒ එජාප පාර්ලිමේන්තු මන්ත්‍රි කණ්ඩායම සමඟ ජනපති ලේකම් කාර්යාලයේදී පැවැති සාකච්ඡාවේදීය. එහිදී කතා කරන දේවල් මාධ්‍යයට හෙළි නොකිරීමට ඔවුහු එකඟතාවක් ඇතිකර ගත්හ.

ආණ්ඩුව සැමරුමකට විපක්ෂය වර්ජනයකට  
👤4824

2017-01-01

ජනාධිපති මෛත්‍රිපාල සිරිසේන පසුගිය සතිය ගත කළේ ආගමික කටයුතුවලට මුල් තැන දෙමින්ය. ඉරිදා පොළොන්නරුවට ගිය ජනපතිවරයා බෞද්ධ හා හින්දු ආගමික කටයුතු රැසකද නිරත විය. දිඹුලාගල සොරිවිල මාරිමුත්තු අම්මාන් කෝවිලට ගොනුන් බැ¼ද ගැල් හතකින් පලතුරු පූජාවක් කිරීමද එහි සුවිශේෂත්වයක් වූයේය. පරාක්‍රම සමුද්‍රයේ සොරොව්ව අබියස භික්ෂුන් වහන්සේ පනස් නමක් විෂයෙහි දක්ෂිණාවක් පූජා කිරීමද ඒ අතර විය. භික්ෂුන් වහන්සේ දානය වළඳන අතරතුර මඳක් දාන ශාලාවෙන් එළියට පැමිණි ජනාධිපතිවරයා එතැන සිටි හිතවතුන් සමඟ අතීත කතාවක් සිහිපත් කළේය. "ඩී. එස්. සේනානායක මැතිතුමාගෙ මේ ප්‍රතිමාව හැදුවෙ එජාප රජය කාලෙ. ඒකට විමධ්‍යගත අරමුදල්වලින් මමත් විපක්ෂ මන්ත්‍රිවරයකු ලෙස ලක්ෂ 5ක් දුන්නා. නමුත් විවෘත කිරීමේ ඵලකයට මගේ නම දැම්ම කියල එදා ආණ්ඩුව නියෝජනය කළ මේ පැත්තෙ ප්‍රබලයො යූ. ජී. ජයසිංහ දිසාපති තුමාට ‍ෙදාස් කියල තිබුණා" ඔහුගේ ස්වරය හැඟුම්බර වී තිබුණේය.

හැරිසන්ගෙයි-රිෂාඩ්ගෙයි කඹ ඇදිල්ල අගමැති හෙළි කරයි  
👤5104

2016-12-25

එක්සත් ජනතා නිදහස් සන්ධානයේ විධායක සභාව සඳුදා ජනාධිපති මෛත්‍රිපාල සිරිසේනගේ ප්‍රධානත්වයෙන් පැවැත්වුණේ ජනාධිපති ලේකම් කාර්යාලයේදීය. ප.ව. 5ට පමණ ආරම්භ වූ එම රැස්වීම පැය දෙකකට අධික කාලයක් පැවැත්විණි.

මව්බිම දැන්

තවදුරටත්

අද මව්‍බිමෙන්

තවදුරටත්