නැවතත් මුල් පිටුවට

තීරු ලිපි - කතුවැකිය

දුම්රිය පීලි පනීද?  

2017-12-12

ඉකුත් සතියේ 6 වැනිදා මධ්‍යම රාත්‍රියේ සිට ආරම්භ වූ දුම්රිය වැඩ වර්ජනය විසඳුමක් නොමැතිව තවදුරටත් දිග්ගැස්සෙද්දී දුම්රිය සේවය අත්‍යවශ්‍ය සේවාවක් බවට පත් කිරීමට රජය පියවර ගත්තේය. එහි අරමුණ වැඩ වර්ජනය නිසා සිදුවන මහජන පීඩාව අවම කිරීම විය යුතුය. අදාළ ගැසට් නිවේදනයට අනුව සේවක නිවාඩු අවලංගු කර ඇති අතර, සේවයට වාර්තා නොකරන සියලු දෙනා සේවය අතහැර ගියා සේ සලකන බව සඳහන් ලිපි යවා තිබේ. අලුතෙන් දුම්රිය රියැදුරන් පහළොස් දෙනකු බඳවා ගැනීමට පියවර ගත් බවද ඊයේ පස්වරුවේ දැනගන්නට ලැබිණි.

සජින්-සරණ හා ‘ක්‍රමය’  

2017-12-11

පාර්ලිමේන්තු මන්ත්‍රිවරයකුව සිටියදී වත්කම් ප්‍රකාශයට පත් නොකිරීමේ චෝදනාවට වරද පිළිගත් ගාල්ල දිස්ත්‍රික් හිටපු පාර්ලිමේන්තු මන්ත්‍රි සජින් වාස් ගුණවර්ධනට ගරු අධිකරණය මඟින් රුපියල් දහසක දඩයක් නියම කළේ ඉකුත් සතියේදීය. අල්ලස් පනත යටතේ වත්කම් හෙළි නොකිරීම සම්බන්ධයෙන් අල්ලස් කොමිසම විසින් හිටපු මන්ත්‍රිවරයාට එරෙහිව නඩු පවරා තිබිණි. වත්කම් හෙළි කළ යුතු නිලධාරියකු ලෙස නම් කර සිටින පාර්ලිමේන්තු මන්ත්‍රිවරයකු ලෙස සජින් වාස් ගුණවර්ධන 2011-2012 වසර සඳහා සිය වත්කම් හා බැරකම් හෙළි කර තිබුණේ නැත.

ඇත් දළත් නැවෙන නීතිය...  

2017-12-10

ගල්ගමුවේ දළ පූට්ටුවා හස්තියා දළ කපා ගැනීමේ අරමුණ ඇතිව කෘෘර ලෙස මරා දැමීම නිසා ඇතිවූ කම්පාව සහ ජනතා කෝපය අපේක්‍ෂා නොකළ තරම් තීව්‍ර වූයේය. එවැනි ම්ලේච්ඡ අපරාධයකට එරෙහි වීම ශිෂ්ට සමාජයක දියුණු ලක්‍ෂණයකි. දළ පූට්ටුවාගේ ඝාතකයන්ට මරණීය දණ්ඩනය පැමිණ විය යුතු යැයි ඇමැති සජිත් ප්‍රේමදාස මහතා පවසා තිබේ.

කොළඹ ක්‍රිකට් පැංචන්ගේ වැඩ  

2017-12-08

'කොළඹ පැංචා හරි හපනෙක්' සිරස්තලය 80 දශකයේ මුල් භාගයේ එංගලන්තයේ පුවත්පත්වල පළවූයේ ශ්‍රී ලංකාව මුහුණ දුන් කුලුඳුල් ටෙස්ට් තරගයේදී එංගලන්තයට එරෙහිව ළාබාල අර්ජුන රණතුංග අර්ධ ශතකයක් වාර්තා කිරීම නිසාය. අපේ ක්‍රිකට් කණ්ඩායමේ දක්‍ෂතා නිසා ශ්‍රී ලංකාවට ලෝකයේ අවධානය යොමුවෙමින් පැවැති අතර 1996දී සුපිරි ඕස්ට්‍රේලියානු කණ්ඩායම පරාජය කර ලෝක ක්‍රිකට් කුසලානය අපේ කණ්ඩායම දිනා ගැනීමෙන් 'ශ්‍රී ්‍ර ලංකා' නාමයට ජාත්‍යන්තර මාධ්‍යවල ප්‍රමුඛස්ථානයක් හිමිවිය.

ආණ්ඩුවේ හොඳ වැඩ තුනක්  

2017-12-07

මෛත්‍රි - රනිල් ආණ්ඩුව අගය කළ යුතු පියවර තුනක් ගෙන ඇත. එහි පළමුවැන්න ජාතික වෘක්කවේද (වකුගඩු) රෝහල සඳහා මුල්ගල තැබීමය. ජනාධිපතිවරයා විසින් කරන ලද ඉල්ලීමකට අනුව චීන රජයේ පරිත්‍යාගයක් ලෙස මෙරටට ලැබෙන මේ රෝහල දකුණු ආසියාවේ පිහිටුවන විශාලතම වකුගඩු රෝහල ලෙස සැලකේ. රුපියල් මිලියන 12,000ක පමණ මුදලක් රෝහල ඉදිකිරීමට වැය වන අතර ඒ සම්පූර්ණ මුදල චීන රජය දරන බව පැවැසෙයි.

පුංචි ඡන්දයත් ලොකු වැඩක් !  

2017-12-06

ලංකා ඉතිහාසයේ පැවැත්වෙන දැවැන්තම මැතිවරණයට මැතිවරණ කොමිසම සූදානම් වෙයි. පළාත් පාලන ඡන්දය හෙවත් පුංචි ඡන්දය එකවර දිවයින පුරා පැවැත්වෙන ප්‍රථම අවස්ථාව මෙය වීම ඊට හේතුවය. 1991 ප්‍රථම වරට පැවැති ප්‍රාදේශීය සභා ඡන්දයේ සිට මේ දක්වා උතුර - නැඟෙනහිර පළාත් ඇතුළත්ව ඡන්දය නොපැවැත්විණි. දකුණේ පවා ඇතැම් අවස්ථාවල මේ ඡන්දය පැවැත් වූයේ කඩින් කඩය.

ආණ්ඩුව මාධ්‍ය සහ මර්දනය  

2017-12-05

මාධ්‍යවේදීන්ට සිදුවන ප්‍රචණ්ඩත්වයට එරෙහිව අන්තර්ජාතික දින සැමරුම ඊයේ දිනයට යෙදී තිබිණි. එක්සත් ජාතීන්ගේ අධ්‍යාපන, විද්‍යාත්මක හා සංස්කෘතික සංවිධානයේ (උව්ඡ්ඉඛ්ර්ණී) ප්‍රධානත්වයෙන් ඒ වෙනුවෙන් කොළඹ පැවැති සම්මන්ත්‍රණයේ ප්‍රධාන ආරාධිත දේශනය පවත්වනු ලැබුවේ අගමැති රනිල් වික්‍රමසිංහ විසිනි. එහිදී හෙතෙම ප්‍රකාශ කර තිබුණේ, මාධ්‍ය ප්‍රධානීන් කිසිවකු සම්මන්ත්‍රණයට සහභාගි නොවීමෙන් පෙනීයන්නේ ඉකුත් කාලයේ ඝාතනයට ලක්වූ ලසන්ත වික්‍රමතුංග, නිමලරාජන්, අතුරුදන්ව සිටින ප්‍රගීත් එක්නැලිගොඩ, පහරකෑමට ලක්වූ උපාලි තෙන්නකෝන්, කීත් නොයාර්, පෝද්දල ජයන්ත ඇතුළු සිංහල, දෙමළ හා මුස්ලිම් මාධ්‍යවේදීන් ගැන ඇල්මක් ඔවුන් කිසිවකුට නොමැති බවය.

දළ පූට්ටුවා සහ නරුමයෝ  

2017-12-04

සද්දන්ත කුලේ තවත් ඇතකුව නරුමයන් පිරිසක් එකතුවී මරා දැම්මේය. ගල්ගමුවේ දළ පූට්ටුවාට මරණය හිමිවූයේ ගම්මානයකට හෝ වගාබිමකට හෝ පැන විනාශයක් කළ නිසා නොව උගේ වටිනා දළ යුගල හේතුවෙනි. වනයට මායිම්වන ගම්වල වැසියන් හා අලි-ඇතුන් අතර ඇතිවන ගැටුම මේ වන විට සාමාන්‍ය සිද්ධියක් බවට පත්ව තිබේ. අලි පැටවුන් සොරාගැනීම හා දළ ලබා ගැනීම සඳහා ඇතුන් මරා දැමීමද පසුගිය කාලයේ නිතර වාර්තා විය. අලි පැටවුන් හොරකමක් ගැන නම් මෑතකදී වාර්තා නොවුණද දළ පූට්ටුවා මරා දැමීමෙන් සංවේදී සබුද්ධික මිනිසුන්ගේ සිත් යළි සසල වී ඇත.

දළ ඇත්තු සහ බීරි අලි  

2017-12-03

දූපතක අලි ඇතුන් සිටිනවා යැයි කිවහොත් එය අසිරිමත් කරුණක් වන්නේය. ලොව එවැනි එක් දිවයිනක් තිබේ. ඒ දිවයින ලංකාවය. ඒ දූපතේ සිටින මිනිස්සු අලි මස් අනුභව නොකරති. එහෙත් අලි ඇතුන් මරා දමති. හස්ති රාජයන්ගේ ඇත් දළ කපති. උන් යනෙන මං වසා අලි වැටවල් දමති. කොටින්ම ඒ අසරණ සතුන්ගේ ජීවිත උදුරා ගනිති.
වනාන්තරයටත් රටටත් ආභරණයක් වූ ගල්ගමුවේ සුවිසල් ඇතු මරා දළ කපා තිබේ. මහ පොළොව නුහුලන මේ අපරාධය අසන්නෝ කම්පා වෙති. නමුත් කම්පාව පමණක් සෑහේද යන ප්‍රශ්නය ඉතිරිව තිබේ. මිල කළ නොහැකිි වටිනාකමක් ඇති දළ ඇතුන් මෑත භාගයේ වෙඩි තබා මරා දැමූ එකම අවස්ථාව මෙය නොවේ.

චණ්ඩ මාරුතයෙන් පසු...  

2017-12-01

ඉකුත් 29 වැනි බදාදා උදෑසන සිට දිවයිනේ මුහුදු බඩ ප්‍රදේශ ප්‍රමුඛව ප්‍රදේශ රැසක පැවැති වැහි බර කාලගුණ තත්ත්වය රාත්‍රිය වන විට තද වැසි හා සැඩ සුළං සහිත තත්ත්වයක් බවට පත්විය. මේ හදිසි කාලගුණ විපර්යාසය මේ වන විට ගාල්ල, මාතර, කුරුණෑගල, කළුතර, බදුල්ල ඇතුළු ප්‍රදේශ රැසකට අයහපත් ලෙස බලපා ඇත. 29දා හමාගිය චණ්ඩ මාරුතයෙන් ගස් කොළන් කඩා වැටී මාර්ග අවහිර වී, නිවාස හා දේපොළ රැසකට දැඩි අලාභ හානි සිදුවී තිබිණි.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon