නැවතත් මුල් පිටුවට

තීරු ලිපි - කතුවැකිය

සියලු සත්ත්වයෝ නිදුක් නොවේවා?  

2018-09-24

යහපාලන ආණ්ඩුව ස්වකීය පාලන කාලයේ තුන්වැනි වසර ඉක්මවමින් සිටියදී ජාතික ආර්ථිකයේ පසුබෑම සම්බන්ධයෙන් අලුත් සංකල්පයක් ඉදිරිපත් කර තිබේ. රටේ ආර්ථික අවපාතයට ප්‍රමුඛ හේතුව වූයේ හිටපු ජනාධිපති මහින්ද රාජපක්‍ෂගේ පාලන සමයේ අසීමිත ණය කන්දක රට සිර කිරීම බව යහපාලනය ප්‍රථමයෙන් ප්‍රකාශ කළේය. දැන් තවත් අපූරු හෙළිදරව්වක් කර තිබේ. 

හිඟන්නාගේ පාත්තරය  

2018-09-23

ශ්‍රී ලංකා මහ බැංකුව පසුගිය සිකුරාදා වාර්තා කර තිබුණේ ඇමෙරිකානු ඩොලරයට සාපේක්ෂව ශ්‍රී ලංකා රුපියල 7%කින් අවප්‍රමාණය වී ඇති බවය. ඒ අනුව මේ වනවිට ඇමෙරිකානු ඩොලරයේ අගය රුපියල් 168.03කි.

වැදි බණ දෙසන්නෝ  

2018-09-21

ගෞතම බුදුන් වහන්සේ සත්‍යගරුකය, විනයගරුකය. උන්වහන්සේ රහසින්වත් පව් නොකළ සේක. තමන් පරිනිවන් පෑ පසු ධර්මය ගුරුතැන්හිලා කටයුතු කරන්නැයි බුදුන් වහන්සේ දේශනා කළ බව සඳහන් වේ. එහෙත් බුදුන් දවස සිටි 'සුභද්‍ර' වැනි භික්ෂුන් මෙරට පැවිද්දන් අතර සිටිමින් 'බුද්ධ ධර්මය' පසෙකලා සිය අභිමතය පරිදි 'ධර්මය' දේශනා කරති. ඔවුන්ගේ අරමුණ ජනප්‍රිය වීමය. මිල මුදල් ඉපැයීමය

පිළියන්දල බීර සාදය  

2018-09-20

සාදයක් පැවැත්වීම නීති විරෝධී නැත. සාදයට මත්පැන් එකතු කර ගැනීමටද නිදහස ඇත. එහෙත් පසුගිය මාසයේ වාද්දුවේ පැවැති 'සාදය' වැනි නීති විරෝධී මත්ද්‍රව්‍ය භාවිත කරන සාදවලට නම් ඉඩදිය යුතු නැත.

උප්පැන්න-විවාහ-මරණ සහතික  

2018-09-19

මනුෂ්‍යයකුගේ ජීවිතයේ මඟහැර යා නොහැකි අවස්ථා දෙකක් තිබේ. ඒ, උපත හා විපතයි. ඉපදීම හා මරණය අතර කාලය තුළ මනුෂ්‍යයකුගේ ජීවිතයේ එළැඹෙන වැදගත්ම අවස්ථාවක් ලෙස විවාහය සැලකේ. නූතන ලෝකයේ මනුෂ්‍යයකුට උප්පැන්න සහතිකයක්, විවාහ සහතිකයක් හා මරණ සහතිකයක් හිමි වී ඇත්තේ සංකීර්ණ සමාජ ක්‍රියාවලියක ප්‍රතිඵලයක් ලෙසය.

ගලහ උද්ඝෝෂණයේ ප්‍රතිඵලය  

2018-09-18

කුඩා දරුවකු මිය යෑමේ සිද්ධියක් පාදක කර ගනිමින් ඇරැඹුණු නොසන්සුන්තාව නිසා ගලහ ප්‍රාදේශීය රෝහල වසා දැමුවේ පසුගියදාකය. මේ වන විට රෝහල වසා දමා දින 20ක් ගත වී ඇත. මෙහි ඇති විශේෂත්වය වනුයේ රෝහල වට කර දරුවාගේ මරණයට විරෝධය පාමින් අවට ගම්වාසීන් රෝහල් සේවකයන්ට හා වෛද්‍යවරයාට පිටතට එන්නට නොදී අපූරු උද්ඝෝෂණයක් කළ ආකාරයටම එම රෝහල විවෘත කර දෙන්නැයි ඉල්ලා සිටීමය.

ඝාතන කුමන්ත්‍රණය  

2018-09-17

1948 නිදහසින් පසු ලංකාවේ රාජ්‍ය නායකයන් දෙදෙනකු ඝාතනය කෙරිණි. අගමැති එස්.ඩබ්ලිව්.ආර්.ඩී. බණ්ඩාරනායක ඉන් පළමුවැන්නාය. දෙවැන්නා වූයේ ජනාධිපති රණසිංහ ප්‍රේමදාසය. ජනාධිපති චන්ද්‍රිකා බණ්ඩාරනායක කුමාරතුංග ඝාතන තැත ව්‍යර්ථ විය. එදා මෙදා තුර ඝාතනයට ලක්වූ දේශපාලනඥයන් සංඛ්‍යාව විශාලය. රාජ්‍ය නායකයන් වීමට සුදුස්සෝද ඒ අතර වූහ. ඇතැමුන් ඝාතනය වූයේ පාලක පන්තියේම කුමන්ත්‍රණ පල දැරීමක් වශයෙනි. සමහරු එල්.ටී.ටී.ඊ.ය අතින්ද තවත් සමහරුන් දේශප්‍රේමී ජනතා ව්‍යාපාරය අතින්ද ඝාතනයට ලක්වූහ.

මිල සූත්‍රය කා සඳහාද?  

2018-09-16

ලංකාවාසී ජනතාව මුහුණදී සිටින දහසක් ප්‍රශ්නවලට විසඳුමක් පෙනෙන මානයක නැත. ප්‍රධානතම ප්‍රශ්නය වන්නේ දවසින් දවස සාමාන්‍ය ජනතාවගේ ජීවත් වීම බෙහෙවින් දුෂ්කර කාරියක් වී තිබීමය. ආණ්ඩුව පොසිල ඉන්ධන හෙවත් තෙල් මිල සම්බන්ධයෙන් අලුතෙන් හඳුන්වාදුන් මිල සූත්‍රය කරණ කොටගෙන දිනපතාම පෙට්රල්, ඩීසල් මිල ඉහළ නඟින අතර ඊට සමපාත වෙමින් අත්‍යවශ්‍ය භාණ්ඩ මිල ද ඉහළ නඟී.

ඉන්දියාව-උතුර සහ අපි  

2018-09-14

හිටපු ජනාධිපති මහින්ද රාජපක්‍ෂ මේ දිනවල ඉන්දියාවේ සංචාරයක නිරතව සිටී. එරට අගමැතිවරයා පමණක් නොව විපක්‍ෂයේ නායකයන්ද හමුවී හෙතෙම සාකච්ඡා කර ඇත. නවදිල්ලි නුවරදී රාජපක්‍ෂ මහතා විශේෂ සමුළුවක් අමතා වැදගත් දේශනයක් කර තිබිණි. එහිදී හිටපු ජනාධිපතිවරයා අවධාරණය කර තිබුණේ තෙවැනි ඊළාම් යුද්ධයේදී ඉන්දියාව දුන් සහාය අතිශය අගය කරන බවත් ඉන්දියාව ලංකාවේ විදේශ ප්‍රතිපත්තියේ බලකණුවක් බවත්ය.

බිලි පූජා  

2018-09-13

'බිලි පූජා' ආගමික ඇදහිලි සමඟ ගැට ගැසුනකි. අනාදිමත් කාලයක සිට ඇදහිලිවන්තයන් අතර ජනප්‍රිය පූජා ක්‍රමයක් ලෙස 'බිලි පූජා' පැවැතී ඇත. සතුන් පමණක් නොව මනුෂ්‍යයන් පවා බිලි දීමට තරම් මේ පූජා විධි බලවත් වී තිබිණි.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon