නැවතත් මුල් පිටුවට

තීරු ලිපි - කතුවැකිය

දුම්රිය සහ වැඩ වර්ජන  

2018-06-01

පැය විසිහතරක දුම්රිය වැඩ වර්ජනය අවසන් වී ඇත. දුම්රිය එන්ජින් 6කට හා මැදිරි 11කට වැඩ වර්ජකයන් අලාභහානි සිදුකර තිබෙන බව ආණ්ඩුව චෝදනා කරයි. දුම්රිය තාක්ෂණ සේවා වෘත්තීය සමිති කමිටුව පවසන්නේ එහි වගකීම භාරගත යුත්තේ සේවාවේ නිරතව සිටි සේවකයන් බවයි. කවුරුන් කළද දුම්රිය දේපොළවලට හානි කිරීම නරුම වැඩකි. දුම්රිය දෙපාර්තමේන්තුව වැනි පාඩු ලබන ආයතනයක දේපොළ විනාශ කිරීම ජාතික අපරාධයක් යැයි කීම වැරැදි නැත. මේ රාජ්‍ය ආයතන විනාශ මුඛයට යන්නේ මෙවැනි මුග්ධයන් නිසාය.

මාරු කාසි සහ බස් ගාස්තු  

2018-05-31

ඉන්ධන මිල හා බස් ගාස්තු අතර ඇත්තේ නොබිඳිය හැකි සම්බන්ධයකි. සිරිසේන - වික්‍රමසිංහ ආණ්ඩුව බලයට පැමිණි පසු ඉන්ධන මිල පහත දැමූ අතර ඊට සමගාමීව බස් ගාස්තුද අඩු කෙරිණි. අවුරුදු තුනහමාරකට පසු ඉන්ධන මිල මේ මාසයේ ඉහළ දමනු ලැබීය. ඒ අනුව බස් ගාස්තුද වැඩි විය. බස් හිමියන්ගේ පැත්තෙන් එය සාධාරණය. අසාධාරණය වී ඇත්තේ මගී ජනතාවටය.

මන්ත්‍රිවරුන්ගේ අතයට ගනුදෙනු  

2018-05-30

ලංකාව බොහෝ අගහිඟකම්වලින් පිරුණු රටකි. ජනයාගෙන් බහුතරය අතේ පිච්චියක් නැති අසරණ මිනිසුන්ය. එහෙත් අපට දිනපතාම අසන්නට ලැබෙන්නේ මිලියන බිලියන ගණනින් සිදුවුණු වංචා, දූෂණ ගැනය. මහජන දේපොළ ඉවක් බවක් නැතිව කොල්ලකෑම පිළිබඳවය. මේ දූෂණ කතාවේ අලුත්ම ප්‍රවෘත්තිය වූයේ පාර්ලිමේන්තු නියෝජිතයන් සඳහා මිලියනය බැගින් වූ චෙක්පත්වලින් සන්තෝෂම් ලබාදීමය.

බබා ගවුම  

2018-05-29

රජයේ පාසල්වල සේවය කරන ගුරුවරියන්ට ගැබිනි සමයේදී ඇඳීමට හඳුන්වා දුන් නිල ඇඳුමට පිරිසකගේ විරෝධය එල්ලවීම නිසා ඊට අදාළව අධ්‍යාපන අමාත්‍යාංශය නිකුත් කළ චක්‍රලේඛය සංශෝධනය කරන්නැයි අගමැතිවරයා උපදෙස් දී තිබෙන බවට මාධ්‍ය වාර්තා පළ වී තිබිණි.

ස්වාභාවික ආපදා සහ පෙර සූදානම  

2018-05-28

ශ්‍රී ලංකාව තවත් ලෝක වාර්තාවකට හිමිකම් ලබා ඇත. ඒ ලෝකයේ ආපදා බහුලම රටවල ලේඛනයේ සිවුවැනි ස්ථානයට ලංකාව පත්වීමය. ඒ "ජර්මන් වොච්" සංවිධානය නිකුත් කර ඇති අලුත්ම වාර්තාවකට අනුවය.

වඳුරන් කූඩු හැදීම සහ ආණ්ඩුව  

2018-05-27

වැසි කාලය එළැඹුණු විට කුරුල්ලෝ කැදලි කරා යති. බොහෝ සත්තු තමන් කල් ඇතිව තනාගත් ආරක්ෂිත ස්ථානවලට වී සිටිති. එහෙත් පූර්ව සූදානමක් නැති වඳුරෝ ගස් උඩ තෙමෙති. වැස්සට තෙමෙන වඳුරෝ අපත් අන් සතුන් මෙන් කූඩු හදා ගනිමු යැයි කතා වෙති. එහෙත් වැස්ස පෑයූ කල කූඩු හදන කතාව අමතක වේ. මේ නිසාම "වඳුරන් කූඩු හදන්න කතා වුණා වාගේ" යැයි කියමනක් ජන සංස්කෘතියේ තිබේ.

ණය සහ ආර්ථිකය  

2018-05-25

ණය උගුලක සිරවී ඇති රට ඉන් ගලවා ගත හැකි මඟක් සොයනවා වෙනුවට ආණ්ඩු පක්ෂය හා විපක්ෂය කරන්නේ 'ණය' ගැන වාද විවාද කරමින් කාලය නාස්ති කිරීමය.

අඳුරෙන් අඳුරට...  

2018-05-24

මවුවරුන්ගේ දිනයක් නොතිබුණද චිරාත් කාලයක් තිස්සේ තුන්සිය හැටපස් දවසේම අපි මවට සැලැකුවෙමු. ගෙදර බුදුන් වූයේ අම්මාය. පියාද නොමදව ගරුබුහුමනට පාත්‍ර වූයේය. වියපත් මවුපියන් රැකබලා ගැනීම සෑම දරුවකුගේම යුතුකම හා වගකීම ලෙස සැලකිණි. එහෙත් මුදල අධිනිශ්චය වූ වර්තමාන පාරිභෝගික සමාජයේ මානුෂීය බැඳීම් ලෙහී විසිරී යමින් පවතී. මිනිස් සබඳතා පවා තීරණය වන්නේ මුදල මතය.

අනවසර ඉදිකිරීම් හා දේශපාලන අවසරය  

2018-05-23

ගංවතුර බැස යෑම අවහිර කරමින් කඩුවෙල, බියගම, කොළොන්නාව ආශ්‍රිත නගර සභා බලප්‍රදේශවල ඇළ මාර්ගවලට යාබදව ඉදිකර ඇති සියලුම අනවසර ඉදිකිරීම් ඉවත් කරන ලෙසට මහ නගර සහ බස්නාහිර සංවර්ධන අමාත්‍යාංශය නියෝග කර ඇත. ඒ නියෝගය ක්‍රියාත්මක කිරීම පැවැරෙන්නේ නාගරික සංවර්ධන අධිකාරියටත් ශ්‍රී ලංකා ඉඩම් ගොඩකිරීමේ සහ සංවර්ධනය කිරීමේ සංස්ථාවටත්ය.

වයිරසය  

2018-05-22

දිවයිනේ දිස්ත්‍රික්ක දහයක පවුල් දෙදහසකට අධික සංඛ්‍යාවක් අයහපත් කාලගුණය නිසා විපතට පත්ව සිටිති. නිරිත දිග මෝසම් වැසි දිවයින පුරා ස්ථාපිත වෙමින් පැවැතීම මේ කාලගුණ තත්ත්වයට බලපා ඇත. පැය ගණනකදී වැස්සකට යටවන මංමාවත් ඇති රටක් නිසා දිගින් දිගටම වැසි වැටීම සාමාන්‍ය ජන ජීවිතය අවුල් කර දමන්නක් වී තිබේ. නාගරිකයෝ පවා මේ වැස්සට බිය වෙති. ග්‍රාමීය ප්‍රදේශවල ජනතාව බියට පත් වන්නේ ගංගා, ඇළ - ‍ෙදාළ, වැව් - අමුණු පිටාර ගලන නිසාය. කඳුකරයේ ජනතාව නාය යෑමට බිය වෙති.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon