නැවතත් මුල් පිටුවට

තීරු ලිපි - කතුවැකිය

උතුරේ අළුයට ගිනි සහ කලාමැදිරි එළි  

2017-08-03

යාපා පටුනේ ඇවිළී ගිය තිස් අවුරුදු යුද විනාශයේ අළුයට ගිනි පුපුරු සැඟවී තිබේ. ඒ ගිනි පුපුරුවලින් යළිත් යුද ගින්නක් අවුළුවාලීමට වෙර දරන නරුමයෝ දකුණේ මෙන්ම උතුරේද සිටිති.

කොළඹට වැස්ස - ඉඩෝරය ගමට  

2017-08-02

කොළඹට කඩින් කඩ වැසි වැටේ. ජල හිඟයක් ද නැත. එහෙත් විදුලිය කප්පාදුවක් සිදුවන නිසා කොළඹ ශීත කාමරවල සිටින නිලධාරීන්ගේ අවධානය දිස්ත්‍රික් දහසයකට බලපා ඇති නියං තත්ත්වය පිළිබඳව යොමුවී ඇත. රටෙන් හතරෙන් තුනක පමණ ජනතාව මුහුණ දී සිටින ගැහැටට එමඟින් අස්වැසිල්ලක් ලැබෙන්නේ නම් එය සතුටකි.
අපි එලෙස කියන්නේ බලධාරීන් බොහෝ විට තීන්දු තීරණ ගන්නේ පෙරහර ගියායින් පසු වීමය. මීතොටමුල්ල කුණු කන්ද ප්‍රශ්නයට විසඳුම් දෙන්නැයි කලක් තිස්සේ ප්‍රදේශවාසී ජනතාව ඉල්ලා සිටියහ. උද්ඝෝෂණ කළහ. නිල හා නිල නොවන හමුදා ලවා ඔවුන්ට පහර දෙනවා හැර අන් පිළිතුරක් බලධාරීහු ඔවුනට ලබා නොදුන්නහ. අවසානයේ කුණු කන්ද ප්‍රදේශවාසීන්ගේ ඔළුගෙඩි මතට කඩා වැටුණේය. ඊට යට වී දුකට පත්වූයේ බලධාරීන් නොවේ. එකිනෙකාට ඇඟිලි දිගු කරගනිමින් කිඹුල් කඳුළු හෙළු බලධාරීන් හා හිටපු බලධාරීහු මරණයට පත්වූ කිසිවකුට පණදිය නොහැකි බව අමතක කර දැමූහ.

විදුලිය බල අර්බුදය  

2017-08-01

දිවයිනේ පවතින්නේ වියළි කාලගුණික තත්ත්වයකි. දිස්ත්‍රික් දාහතකට නියඟයෙන් දැඩි බලපෑම් එල්ල වී ඇති නිසා අනාගතය ගැන බියකරු චිත්‍රයක් මැවේ. බරපතලම ප්‍රශ්නය වන්නේ විදුලිය උත්පාදනයට යොදා ගන්නා ජලාශවල ජල මට්ටම පහළ බැස යෑමය. එහි ප්‍රතිඵලය වන්නේ විදුලි බල සැපයුමට බාධා එල්ල වීමය.
මේ වන විටත් විදුලිය කප්පාදුව ආරම්භ වී තිබේ. එහෙත්, ඒ පූර්ව දැනුම් දීමකින් තොරවය. ඉන් පාරිභෝගික ජනතාව පත්වන්නේ මහත් දුෂ්කරතාවකට බව බලධාරීන් තේරුම් ගෙන නැත.

පාර්ලිමේන්තුවේ ‘විනෝද සමය’   

2017-07-31

විධායක ජනාධිපති ක්‍රමය හමුවේ එතෙක් "රට හදන තැන" ලෙස පාර්ලිමේන්තුවට හිමිව තිබූ ප්‍රමුඛස්ථානය අහිමි වී ගියේය. පාර්ලිමේන්තුවේ ගෞරවය රැකුණේ මුදල් බලය පාර්ලිමේන්තුව සතුව තිබීම නිසාය. චන්ද්‍රිකා බණ්ඩාරනායක කුමාරතුංග ජනාධිපති ධුරයට පත්වීමෙන් පසු මුදල් ඇමැති ධුරය ඇය සතු කර ගැනීම නිසා තවදුරටත් පාර්ලිමේන්තුව හෑල්ලු වී ගියේය.

බැඳුම්කරේ අලුත්ම කතන්දරේ  

2017-07-30

දූෂණ චෝදනාවකට ලක්වුවහොත් ධුරය හැර යන බව කැබිනට් ඇමැතිවරයකු ඉකුත් දිනෙක ප්‍රසිද්ධියේ කියා තිබිණි. මෙවැනි ප්‍රකාශයක් කිරීමට හේතුව කැබිනට් ඇමැතිවරයකු වූ රවි කරුණානායක සම්බන්ධයෙන් බැඳුම්කර කොමිසමේදී අනාවරණය වූ කරුණු විය යුතුය.

තෙල් සටනින් ඔබ්බට...  

2017-07-28

තෙල් සේවක වැඩ වර්ජනය තාවකාලිකව අත්හිටුවනු ලැබුවේ ජනාධිපතිවරයා සමඟ වෘත්තීය සමිති පෙරමුණ පැවැත්වූ සාකච්ඡාවකින් අනතුරුවය. ඉකුත් 24 වැනිදා මධ්‍යම රාත්‍රියේ සිට ඇරැඹි වැඩ වර්ජනය නිසා රට පුරා පිරවුම්හල් ළඟ දිගු පෝලිම්වල සිටීමට සිදුවීමෙන් රථවාහන හිමියෝ මහත්සේ පීඩාවට පත්වූහ. 25 වැනිදා මධ්‍යම රාත්‍රියේ රජය නිකුත් කළ ගැසට් නිවේදනයක් මඟින් තෙල් බෙදාහැරීම අත්‍යවශ්‍ය සේවාවක් බවට පත් කළේය. ත්‍රිවිධ හමුදාව තෙල් බෙදාහැරීමේ කටයුතු සඳහා 26 වැනිදා අලුයම සිට මෙහෙයුම් කටයුතු ඇරැඹුවේ ඒ අනුවය. 26 වැනිදා සවස වැඩ වර්ජනය තාවකාලිකව අත්හිටුවනු ලැබූ බව ප්‍රකාශයට පත් වූයේ ඉන් අනතුරුවය.

කංකං බූරු - සිංසිං නෝරු  

2017-07-27

සිරිසේන _ වික්‍රමසිංහ ආණ්ඩුව බලයට පැමිණියේ යහපාලනයක් ඇති කරන බවට ප්‍රතිඥාවක් දෙමිනි. මේ ආණ්ඩුවේ 'යහපාලනය' දෙවැනි වන්නේ 1977 බලයට පැමිණි එජාප ආණ්ඩුවේ 'ධර්මිෂ්ඨ සමාජය'ට පමණි.

මහජන නියෝජිතයන්ගේ අසීමිත වරප්‍රසාද කප්පාදු කරනු   

2017-07-26

ශ්‍රී ලංකාවේ පුරවැසියන් පසු කරමින් සිටින්නේ සමාජ ආර්ථික හා දේශපාලනික වශයෙන් පීඩාවට පත්වසිටින වකවානුවකි. දේශගුණික සාධකයද අයහපත්ව ඇති අතර දිස්ත්‍රික්ක ගණනාවක් දැඩි නියඟයෙන් පීඩා විඳී. බොහෝ දිස්ත්‍රික්ක යල මහ දෙකන්නයේදීම වියළී ගිය බැවින් සහල් ආනයනය කරන බව රජය ප්‍රකාශ කරයි. කොරේ පිටට මරේ කීවාක් මෙන් දැන් ඩෙංගු රෝගීන් සංඛ්‍යාව ලක්‍ෂය ඉක්මවා තිබේ. ඩෙංගු මරණ සංඛ්‍යාව 270 ඉක්මවා ඇත. ඩෙංගු පාලනය කිරීමට සෞඛ්‍ය අමාත්‍යාංශයට තවමත් හැකි වී නැත.

වන සම්පත රැක ගනිමු  

2017-07-25

වනජීවී සංරක්ෂණ දෙපාර්තමේන්තුවට අයත් සංවේදී විල්ලු පරිසර පද්ධතියකින් යුතු පොළොන්නරුව ජල ගැලුම් නිම්න ජාතික වන උද්‍යානය තුළ දැවැන්ත වන සංහාරයක් සිදුවන බව ඊයේත්, අදත්, අප පුවත්පත මඟින් හෙළි කෙරිණි. සංවිධානාත්මක ජාවාරම්කරුවන් විසින් වනරක්ෂිතයේ අක්කර 4,000ක පමණ කැලෑව කපා එළිපෙහෙළි කොට කම්බි ගසා, ගව ගාල් ඉදිකොට සිදුකර තිබෙන විනාශය සුළුපටු නොවේ.

විනිසුරුවරුන්ගේ ආරක්ෂාව තහවුරු කළ යුතුය  

2017-07-24

යාපනය මහාධිකරණ විනිසුරු මානික්කවාසගර් ඉලංචේලියන් මහතාට වෙඩි තැබීමේ ප්‍රයත්නයක් ව්‍යර්ථ කිරීමට පොලිසිය සමත්ව තිබේ. පසුගිය 22 දා පස්වරුවේ නල්ලූර්හි පේදුරුතුඩුව මාර්ගයේ සිදුවූ මෙම වෙඩි තැබීමෙන් මහාධිකරණ විනිසුරුවරයාගේ පෞද්ගලික ආරක්ෂක නිලධාරියා වශයෙන් කටයුතු කළ ගනේවත්තගේ සරත් හේමචන්ද්‍ර නමැති සැරයන්වරයා මරණයට පත්ව ඇත. මෙම සිදුවීම හුදකලා අවස්ථාවක් හෝ අහම්බයක් නොවේ.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon