නැවතත් මුල් පිටුවට

තීරු ලිපි - කතුවැකිය

යතුරුපැදි  

2017-09-14

ශ්‍රී ලංකාව රිය අනතුරු බහුල රටකි. වැඩිම අනතුරු සංඛ්‍යාවක් සිදුවන්නේ ත්‍රිරෝද රථ හා යතුරුපැදි නිසාය. මාර්ග ආරක්ෂාව පිළිබඳ ජාතික සභාව පවසන ආකාරයට මේ වසරේ ජනවාරි සිට ජූලි මාසය දක්වා කාලය තුළ පමණක් සිදුවී ඇති යතුරුපැදි අනතුරු සංඛ්‍යාව හත්සිය තිස් නවයකි. ඉන් මරණ හත්සිය හැටහයක් සිදුවී තිබේ.

උතුරු දකුණු පාලම  

2017-09-13

උතුරු පළාත් ප්‍රධාන ඇමැති සී.වී. විග්නේහ්වරන් ඉකුත් ඉරිදා මල්වතු-අස්ගිරි මහ නාහිමිවරුන් බැහැ දැකීමට ගියේය. උතුරු හෝ නැඟෙනහිර පළාත් නියෝජනය කරන ප්‍රධාන ඇමැතිවරයකු මෙලෙස මහ නාහිමිවරුන් බැහැ දැකීමට ගියේ ඉතිහාසයේ ප්‍රථම වතාවට බව සැලකේ. වඩා වැදගත් කාරණය මහ ඇමැතිගේ ගමන නොව එහිදී ඇතිවූ කතා බහය. විශේෂයෙන් මල්වතු මහ නාහිමි වඩා අවබෝධයෙන් යුතුව මහ ඇමැතිවරයා සමඟ සංවාදගත වී තිබිණි. උන්වහන්සේ අවධාරණය කර තිබුණේ උතුරු ජනතාවගේ ප්‍රශ්න රජයට දැනුම් දී සාකච්ඡා කර විසඳුම් සොයා ගැනීම දේශපාලනඥයන් වන ඔබලාගේ කාර්යයක් බවයි.

නැතුවම බැරි රෝද තුනේ මීටරේ  

2017-09-12

මගීන් හෝ භාණ්ඩ ප්‍රවාහනය කරන ත්‍රිරෝද රථ සඳහා ටැක්සි මීටරයක් තිබීම අනිවාර්ය කරමින් ප්‍රවාහන අමාත්‍යාංශය ගැසට් නිවේදනයක් නිකුත් කර තිබේ. පසුගිය 8 වැනිදා රාත්‍රි නිකුත් කළ එම ගැසට් නිවේදනයට අනුව ගමනාන්තයේදී ත්‍රිරෝද රථයේ රියැදුරු විසින් මගියා ගමන් කළ දුර, අය කළ ගාස්තුව, දිනය හා වාහන අංකය සහිත රිසිට් පතක් මගියා වෙත නිකුත් කිරීමද අනිවාර්ය කර තිබේ. ආණ්ඩුව එවැනි වැදගත් තීරණයකට එළැඹීම මගී ජනතාවගේ සැනසිල්ලට හේතුවේ.

නියඟය හා වැස්ස  

2017-09-11

වැස්ස ඇරැඹී ඇත. දිවයිනේ ප්‍රදේශ රැසකට වැස්ස ආශීර්වාදයක් වී තිබේ. නියඟය ඒ ප්‍රදේශවලට දැඩිව බලපා තිබීම ඊට හේතුවය. අධික වැස්ස හා තද සුළඟ නිසා උතුරුමැද පළාතේ ඇතැම් ප්‍රදේශවලට දැඩි හානි සිදුවී තිබේ. බීමට පවා වතුර නොමැතිව නියඟයෙන් දුක් විඳි මිනිස්සු වැස්ස නිසා ජල ගැල්මට මුහුණ දී සිටිති. පෑව්වත් වැස්සත් සියලු කරදර මිනිස්සුන්ටය. එහෙත් පරිසර ගැටලු ගැන උනන්දුවක්, දැනුමක් මේ රටේ බහුතර පිරිසකට නැත.

විමානේ යකාගේ හැටියටය  

2017-09-10

පන්සලේ පින්කම පැවැත්වෙන රාත්‍රිය ගෙවල් බිඳින්නට හොඳම රාත්‍රිය බව පුරාණ ගම්මානවල හොරු දැන සිටියහ. ආණ්ඩුවද එවැනි අවබෝධයකින් කටයුතු කරන බව පෙනේ. ජනතා අවධානය වෙනතක යොමු වූ වහාම පරිපූරක ඇස්මේන්තුවක් දමා කෝටි ගණනකට පාර්ලිමේන්තු අනුමැතිය ලබාගැනීමට ආණ්ඩුව පුරුදුව සිටී. ඇමැතිවරුන් සඳහා වාහන ලබා ගැනීමට මිලියන ගණනක ඇස්තමේන්තු ඉදිරිපත් වූයේ පසුගිය නාය සහ ගංවතුර විපත් සිදුව තිබියදීය. ජනාධිපතිවරයා වහාම ප්‍රකාශ කළේ මේ වසර අවසන් වනතුරු ඇමැතිවරුන් සඳහා වාහන ගැනීම අත්හිටුවන බවය.

සාහිත්‍ය මාසයේ සිට කියවීමේ මාසය දක්වා...   

2017-09-08

කියවීම මගින් දැනුමෙන් ශික්ෂණයෙන් යුත් මිනිසකු ගොඩනඟන බව ජනාධිපතිවරයා ප්‍රකාශ කර තිබුණේ 'කලණ මිතුරු - පොත් සුමිතුරු' වැඩසටහන සමාරම්භක උළෙලට සහභාගි වෙමිනි. ලබන ඔක්තෝබරයට යෙදෙන 'කියවීමේ මාසය' වෙනුවෙන් මේ වැඩසටහන සාහිත්‍ය මාසයේ දී එනම් සැප්තැම්බරයේ ඇරැඹීම සුවිශේෂී කරුණක් වේ. වඩාත් වැදගත් කාරණය වන්නේ සාහිත්‍ය කලා ප්‍රවර්ධනයට රාජ්‍ය අනුග්‍රහය ලැබීමය.

පොද වැස්සක්...  

2017-09-07

වර්තමානයේ තරුණ තරුණියන් ගුණධර්මවලින් පිරිහී ඇතැයි ඇතැම් වැඩිහිටියෝ නිතර චෝදනා කරති. ඔවුන් සාමයට වඩා ගැටුමට වැඩි ඇල්මක් දක්වන බව තවත් චෝදනාවකි. පොත පත කියවීම පසෙකලා ජංගම දුරකතනය, පරිගණකය සමඟ වැඩි කාලයක් ගත කරන බව පැවසීම පොදු මැසිවිල්ලක් බවට පත්ව තිබේ.

දුප්පතුන් නැති රටක්!   

2017-09-06

ශ්‍රී ලංකා නිදහස් පක්ෂය හා එක්සත් ජාතික පක්ෂය ප්‍රමුඛව පිහිටුවාගත් සම්මුතිවාදී ආණ්ඩුවේ දෙවැනි සංවත්සරයට සමගාමීව "ඍ 2025 පොහොසත් රටක්" නමින් ආර්ථික දර්ශනයක් ඉකුත් සඳුදා කොළඹදී එළි දැක්විණි. දුප්පත් වී ඇති රට පොහොසත් කරන වැඩපිළිවෙළක් ලෙස මෙය හැඳින්විය හැකිය.

පොලිතින් තහනම කුමකටද?  

2017-09-05

ඉකුත් පළමුවැනිදා සිට 'පොලිතින්' තහනම ක්‍රියාත්මක කෙරිණි. ඒ ඇතැමුන්ගේ විරෝධතා මධ්‍යයේය. මේ තහනමට විරෝධය එල්ල වී ඇත්තේ ඇතැම් පොලිතින් නිෂ්පාදකයන්ගෙනි. එහෙත් රජය පොලිතින් තහනම ගැන දැනුම්දීමක් කළේ මීට වසරකට පමණ පෙරය. එනිසා පොලිතින් නිෂ්පාදකයන් හා අදාළ කර්මාන්තශාලාවල සේවකයන්ට විකල්ප ක්‍රියාමාර්ගයනට යොමුවීමට යම් කාලයක් තිබිණි. කෙසේ වුවද රජය මේ නිෂ්පාදනයන් හා සේවකයන්ගේ ප්‍රශ්නයටද අවධානය යොමු කළ යුතුය. එය රජයේ වගකීමකි.

ගෙත්සි ෂන්මුගම්ට මවුබිමේ ගෞරවය හිමිවිය යුතුය  

2017-09-04

ආසියාවේ නොබෙල් ත්‍යාගය ලෙස සැලකෙන රමෝන් මැග්සේසේ සම්මානය මෙවර හිමි වී ඇත්තේ ශ්‍රී ලාංකිකයකු වන ගෙත්සි ෂන්මුගම් මහත්මියටය. හදිසි අනතුරකින් මියගිය පිලිපීන ජනාධිපතිවරයකු වන රමෝන් මැග්සේසේ සිහි වීම පිණිස පිරිනැමෙන මේ සම්මානය මානව සංහතියේ උත්තම පරමාර්ථ සිය ජීවන දර්ශනය හා ජීවන විලාසය බවට පත්කරගත් විශිෂ්ටයන් වෙනුවෙන් කැපවූවකි.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon