හිතුවක්කාරී රනිල්ගේ දක්ෂිණාංශික බලය දැවැන්ත ජනතා බලයකින් සුන්නද්දූලි වුණා

  👤  3404 readers have read this article !
By mawbima 2018-02-13

දැවැන්ත ජනතා බලවේගයක් විසින් රනිල් වික්‍රමසිංහගේ හිතුවක්කාර බලයත් එක්සත් ජාතික පක්ෂ ආණ්ඩුවේ පරගැති දක්ෂිණාංශික බලවේගත් සුන්නද්දූලි කර ඇතැයි ප්‍රජාතන්ත්‍රවාදී වාමාංශික පෙරමුණේ ප්‍රධාන ලේකම් පාර්ලිමේන්තු මන්ත්‍රි වාසුදේව නානායක්කාර පවසයි.
නානායක්කාර මහතා මේ බව පැවැසුවේ ඊයේ (12දා) කොළඹදී පැවැති මාධ්‍ය සාකච්ඡාවකට එක්වෙමිනි.
වාසුදේව නානායක්කාර මහතා මෙසේද පැවැසීය.

යූ.එන්.පී. ආණ්ඩුව විස්ථාපනය කළ යුතුයි. ඒ සඳහා යූ.එන්.පී. විරෝධී සියලු බලවේග පාර්ලිමේන්තුව තුළ එක්සත් විය යුතුයි. දැනටමත් පහළ මට්ටමින් එය සිදුවෙමින් තිබෙනවා. ජනතා විමුක්ති පෙරමුණ පෙන්වා තිබෙන්නේ ඉතා දුර්වල ප්‍රතිඵලයක්. ඔවුන් යූ.එන්.පී. විරෝධය පෙන්වනවාට වඩා පෙන්වූයේ මහින්ද විරෝධී ආකල්පයක්.
75%කට වැඩි ඡන්ද ප්‍රතිශතයකින් 45%කට වැඩි ඡන්දයකින්ද ලක්ෂ 48ට වැඩි ඡන්ද ප්‍රමාණයක්ද සභාවන් 246කට වැඩි ප්‍රමාණයක්ද දිස්ත්‍රික්ක 25න් 19ක්ද පොදුජන පෙරමුණ ජයග්‍රහණය කර තිබෙනවා. මෛත්‍රිපාල සිරිසේන ගත් ඡන්ද ප්‍රමාණයද යූ.එන්.පී. විරෝධී ඡන්දයි. මේ ආණ්ඩුව ඉල්ලා අස්විය යුතුයි. පොදුජන පෙරමුණ සමඟ තවත් බලවේග එක්වෙමින් තිබෙනවා.

මෙවර මැතිවරණයේදී අපේ පක්ෂයෙන් ඉදිරිපත් වූ අපේක්ෂකයන්ගෙන් 98%ක් පමණ ජයග්‍රහණය කරලා තිබෙනවා. ස්වාධීන කණ්ඩායම්වල අපේක්ෂකයන් දෙන්නෙකුත් අපිත් එක්ක එකතු වී තිබෙනවා.


ක්‍රිෂාන් පතිරත් ජයසූරිය

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon