විලිස් කලින්ම ගෙදරයයි

  👤  3315 readers have read this article !
By mawbima 2018-02-13

ශ්‍රී ලංකා ක්‍රිකට් කණ්ඩායමේ ඉහළ කාර්යය සාධන කළමනාකරු වශයෙන් සේවය කළ සයිමන් විලිස් තම ඉල්ලා අස්වීමේ ලිපිය ක්‍රිකට් අයතනයට භාරදී ඇති බව වාර්තා වේ. ඒ අනුව ඔහුගේ වසර 3ක් වූ කොන්ත්‍රාත් කාලයේ වසර දෙකක් නිමා වීමටත් පෙර, එළැඹෙන ජුනි මස 30 වැනිදායින් පසුව සයිමන් විලිස් සේවයෙන් ඉවත් වීමට නියමිතය. මේ අතර පෞද්ගලික කරුණක් නිසා ඔහු මෙලෙස ඉහළ කාර්යය සාධන කළමනාකරු ධුරයෙන් ඉල්ලා අස් වීමට තීරණය කර තිබේ.

කෙසේ වෙතත් එම තනතුර සඳහා සුදුසු ආදේශකයක් සෙවීමේ කටයුතු මේ වන විටත් අරඹා ඇති බව ශ්‍රී ලංකා ක්‍රිකට් ආයතනය පවසයි. ශ්‍රී ලංකා තරුණ ක්‍රිකට් ක්‍රීඩකයන්ගේ දක්ෂතා වැඩි දියුණු කිරීම සහ දක්ෂ තරුණ ක්‍රීඩකයන් හඳුනා ගැනීම සඳහා, අරවින්ද ද සිල්වා මහතා ශ්‍රී ලංකා ක්‍රිකට් කමිටු සභාපති ධුරය දරන සමයේ සයිමන් විලිස් ශ්‍රී ලංකා ක්‍රිකට් කණ්ඩායමේ ඉහළ කාර්යය සාධන කළමනාකරු වශයෙන් 2016 මැයි මාසයේදී පත් කරන ලදී.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon