නිදි ඇඳේදී මවට යටවී දින 25 බිලි¼දා මියගිහින්

  👤  3664 readers have read this article !
By mawbima 2018-04-25

වේයන්ගොඩ - ඉන්දික තුෂාර

ආදරය සෙනෙහස සිත තුළ රඳවා තම බිලිඳු දරුවා තුරුලු කරගනිමින් රාත්‍රි නින්දට ගිය මවකට යටවී එම බිලි¼දා මිය යෑමේ දුක්මුසු පුවතක් වේයන්ගොඩ පොලිස් බල ප්‍රදේශයෙන් වාර්තා වේ. මෙසේ මියගොස් ඇත්තේ වේයන්ගොඩ පල්ලේවෙල කොස්හේනවත්ත ප්‍රදේශයේ නිවෙසක ජීවත්වූ දින 25ක් වයස ඇති පිරිමි දරුවෙකි.

ඉකුත් 22 වැනිදා අලුයම 5.00ට පමණ අවදිවී බැලූ පසු තම දරුවා තමන්ගේ කිසිදු උත්තේජනයකට ප්‍රතිචාර නොදක්වන බව දැනගත් මව වහා බිලිඳා වතුපිටිවල මූලික රෝහලට ඇතුළත් කර ඇති නමුත් ඒ වන විටත් බිලි¼දා මියගොස් සිටි බව පොලිසිය පවසයි. තම දරුවා රාත්‍රි නින්දේදී මවට යටවීමෙන් මෙම මරණය සිදුව ඇති බවට තමන් විශ්වාස කරන බව දරුවාගේ පියා වේයන්ගොඩ පොලිසියට පවසා ඇත.

වේයන්ගොඩ පොලිස් ස්ථානයේ පො. සැ. සුමිත් (31541) මහතා විසින් අධිකරණයට කරුණු වාර්තා කිරීමෙන් අනතුරුව අත්තනගල්ල වැඩබලන මහෙස්ත්‍රාත් සජිත් සේනාධීර මහතා බිලි¼දා මියගිය නිවෙසට ගොස් ස්ථානීය පරීක්‍ෂණයක් සිදු කළේය.

බිලි¼දාගේ පශ්චාත් මරණ පරීක්‍ෂණය ඉකුත් 22 වැනිදා වතුපිටිවල මූලික රෝහලේදී මරණ පරීක්ෂක එස්.පී.පී. ගුණවර්ධන මහතා විසින් සිදුකර විවෘත තීන්දුවක් ලබාදී ඇති අතර වැඩිදුර පරීක්‍ෂණ සඳහා සිරුරේ කොටස් කොළඹ රස පරීක්‍ෂක වෙත යවා ඇත.

සියල්ල නරඹන්න

විනෝදාත්මක

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon