ස්වාමිනාදන්ගේ යෝජනාවෙන් කැබිනට් එක ඇවිලෙයි

  👤  3578 readers have read this article !
By mawbima 2018-06-13

නැවත පදිංචි කිරීම්, පුනරුත්ථාපනය, උතුරු සංවර්ධන සහ හින්දු ආගමික කටයුතු ඇමැති ඩී.එම්. ස්වාමිනාදන් මහතා විසින් ඉදිරිපත් කරන ලද යෝජනාවක් හේතුවෙන් ඊයේ කැබිනට් මණ්ඩල රැස්වීමේ දැඩි උණුසුම්කාරී තත්ත්වයක් හටගත් බව වාර්තා වේ.

ස්වාමිනාදන් ඇමැතිවරයා කැබිනට් මණ්ඩල සන්දේශයෙන් යෝජනා කර තිබෙන්නේ යුද්ධයෙන් මියගිය අයගේ පවුල්වලටත් ආරක්ෂක අංශවලට භාර වූ එල්ටීටීඊ සාමාජිකයන්ගේ පවුල්වලට සහ හානි පැමිණි ආගමික ස්ථානවලටත් වන්දි ගෙවීමක් සිදුකළ යුතු බවයි.
මේ අවස්ථාවේ ඇමැතිවරුන් කීප දෙනකුම දැඩි ලෙස ඊට විරෝධය පා ඇති අතර එක් ඇමැතිවරයකු විමසා තිබෙන්නේ හිටපු ජනාධිපති ආර්. ප්‍රේමදාස මහතාගේ ඝාතනයට වගකිවයුතු බාබුගේ පියාට සහ මවටත් වන්දි ගෙවනවාද කියායි.

මෙම යෝජනාව අනුමත කළ නොහැකි බව ජනාධිපතිවරයාත් ඇමැතිවරුන්ගෙන් බහුතරයකුත් ප්‍රකාශ කළ බවද වාර්තා වේ.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon