නව නිර්මාණ සඳහා රජත සම්මානයන්ගෙන් පිදුම් ලැබූ පුංචි නිර්මාණකරුවා

"සහසක් නිමැවුම්" 2017 හා "ශ්‍රී ලංකා ඉන්ජිනේරු නව නිපැයුම්" 2017 සමස්ත ලංකා තරගාවලියේ දෙවැනි විශිෂ්ට නිර්මාණය සඳහා රජත සම්මාන දෙකකින් පිදුම් ලබා විදුහලට ගෞරවයක් හා අභිමානයක් ගෙන දුන් ඒ පුංචි නිර්මාණකරුවා අපට හමුවූයේ නාරම්මල මයුරපාද මධ්‍ය විද්‍යාලයේදීය.
ඒ කුණු සහ වැලි වෙන් කරන කුණු අදිනය (අචතඪඵඩ චදඤ ඉචදඤ ඉඥනචපචඡතඥ ච්භඵබනචද) නම් පරිසර හිතකාමී නිර්මාණය කළ මයුරපාදයේ 8 ජී ශේ‍ර්ණියේ ශිල්ප හදාරන 13 හැවිරිදි එච්. ඒ. චාලිත්‍ය නිම්න ගගන හෙට්ටිආරච්චි සිසුවාය.

ගගන හෙට්ටිආරච්චි නම් විශිෂ්ට නිර්මාණකරුවා 2015දී ආරම්භ කළ මයුරපාද විදුහලේ "නව නිපැයුම්" සංගමයේ උදේ‍යා්ගිමත් ආරම්භක සාමාජිකයෙකි.
එහිදී ලබාගත් දැනුම හරහා මෙතෙක් කළ නව නිර්මාණ ගිරිඋල්ල කලාප තරග ජය ගත්තද වයඹ පළාත ජය ගන්නට හැකිවී නැත. එහෙත් මොහු කිසිසේත්ම පසුබට නොවී තව තවත් අලුත් නිර්මාණ කර ඇත. ඒ ඔහුගේ අධිෂ්ඨානයේ මහඟු ප්‍රතිඵලයකි මෙවර විශිෂ්ට නිර්මාණයක් ලෙස ඇගයීම් ලද "කුණු සහ වැලි වෙන් කරන කුණු අදිනය" (අචතඪඵඩ චදඤ ඉචදඤ ඉඥනචපචඡතඥ ච්භඵබනචද) නම් නව නිපැයුම නිර්මාණය වීම.

ගොඩනැඟිලි ඇතුළත අතු ගෑමේදී හා මිදුල් ඇමැදීමේදී කුණු කසළ සමඟ නිතරම දූවිලි හා කුඩා ගල් බොරලු දිනපතාම කුණු ගොඩට එකතු වීමෙන් නොදැනම කුණු ගොඩ විශාල වේ. මාස ගණනාවකට ඉහතදී විශාල ඛේදවාචකයක් නිර්මාණය කරමින් මීතොටමුල්ල කුණු කන්ද නාය යෑමට එක් හේතුවක් වී ඇත්තේ මෙසේ වැලි බොරලුද නිතරම එකතු වීමෙන් ඔරොත්තු නොදෙන තරමට කුණු කන්ද විශාල වීම බව මෙම පුංචි නිර්මාණකරුවාට පැහැදිලි වී ඇත.
ඒ බව තමාගේ බුද්ධියට අනුව තේරුම් ගත් ගගන තුළ කුණු ගොඩට වැලි බොරලු එකතු වීම අවම කිරීම සඳහා වූ උපකරණයක් නිපදවිය යුතු යැයි ඇති වූ සිතිවිල්ල සැබෑවක් කරමින් කුණු කසළ වැලි වෙන් කරන කුණු අදිනය නම් මෙම විශිෂ්ට නිර්මාණය ඔහු අතින් නිම වී ඇත.

වෙළෙඳපොළෙන් මිලදී ගත් සාමාන්‍ය කුණු අදිනයක් (ච්භඵබනචද) උපයෝගී කරගනිමින් කළ මුල්ම නිර්මාණය කලාප සහ පළාත් තරග ජය ගෙන ඇත. එහෙත් එම නිර්මාණයේ වූ අඩුපාඩු අඩු කර ගනිමින් ඇගයීම් ලැබූ ඔහු මෙම අලුත් නිර්මාණය කර ඇත. ඒ විදුලිය හා ඉලෙක්ට්‍රොනික තාක්ෂණ විෂය භාර ආචාර්ය ෂානක ලියනාරච්චි මහතාගේ උපදෙස් සහ මඟ පෙන්වීම අනුවය. ඒ අනුව කුණු සහ වැලි වෙන් කළ හැකි විශේෂිත දැලක් සවිකර ෆයිබර්වලින් මෙම සැහැල්ලු කුණු අදිනය නිෂ්පාදනය කර ඇත.
මෙසේ නිර්මාණය කළ මෙම විශිෂ්ට නිර්මාණය ශ්‍රී ලංකා ඉන්ජිනේරු ආයතනය මඟින් සංවිධානය කළ "නව නිපැයුම්" 2017 සමස්ත ලංකා තරගාවලියේ පරිසර සංරක්ෂණ කාණ්ඩය යටතේ දෙවැනි විශිෂ්ට නිර්මාණය ලෙස ඇගයීමට ලක් විය. ඒ සඳහා වූ රිදී සම්මානයෙන් හා රුපියල් 6000ක මුදලකින්ද ගගන හෙට්ටිආරච්චි පිදුම් ලැබූයේ ඉන්ජිනේරු ආයතනයේ ප්‍රධාන ඉන්ජිනේරු ජයවිලාල් මීගොඩ මහතාගේ දෑතින්ය. ඒ පසුගියදා බණ්ඩාරනායක ජාත්‍යන්තර සම්මන්ත්‍රණ ශාලාවේ පැවැති විශිෂ්ට නිර්මාණකරුවන් ඇගයීමේ උත්සවයේදීය.

එසේම "සහසක් නිමැවුම්" 2017 ජාතික ප්‍රදර්ශනයට සමගාමීව පවත්වන ලද තරගාවලියේදී පරිසර සංරක්ෂණ කාණ්ඩය යටතේද මෙම නිර්මාණය ඇගයීම් ලැබූයේද දෙවැනි විශිෂ්ට නිර්මාණය ලෙසය. මෙම තරගාවලිය සංවිධානය කරනු ලැබූයේ ශ්‍රී ලංකා නව නිපැයුම්කරුවන්ගේ කොමිසම විසින්ය.
මේ සඳහා වූ රජත සම්මානය හා රුපියල් 30000ක මුදලකින්ද මෙම පුංචි නිර්මාණකරුවා පිදුම් ලැබීය. විද්‍යා තාක්ෂණ හා පර්යේෂණ අමාත්‍ය සුසිල් ප්‍රේමජයන්ත මහතාගේ සුරතින් මෙම විශිෂ්ට නිර්මාණකරුවා එම සම්මානයන්ගෙන් පිදුම් ලැබූයේ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ විශිෂ්ටයන් ඇගයීමේ ප්‍රණාම උළෙලේදීය.
පරාජයන් හමුවේ නොසැලී අධිෂ්ඨානශීලීව අඛණ්ඩව ස්වෝත්සාහයෙන් ජයග්‍රහණ ලබාගත හැකි බව ආදර්ශවත්ව අනෙකුත් දරුවන්ට පෙන්වා දෙන අද විශිෂ්ටයකු ලෙස ඇගයීමට පත් මේ දරුවා අනාගතයේ රටට වැඩදායි පුද්ගලයකු බව ෂානක ලියනාරච්චි මහතා අප සමඟ පැවැසීය.

විදුහල්පති ආර්. පී. එච්. රණසිංහ මහතා ඇතුළු ගුරු මණ්ඩලය, සිය මව කල්‍යාණි මංගලිකා හා සහෝදරයා, සහෝදරිය මෙන්ම සමිත රාජපක්ෂ අයියා ඇතුළු මෙම සම්මාන ලබා ගැනීම දක්වා උදවු උපකර කළ හැමෝම ස්තූති පූර්වකව සිහිපත් කරන ගගන හෙට්ටිආරච්චි සිසු දරුවා වැඩිදුරටත් පවසා සිටියේ මඟ පෙන්වීම හා උපදෙස් ලබා දෙමින් ජයග්‍රහණය තෙක් තම ගමන් මඟ හෙළි පෙහෙළි කළ විෂය භාර ෂානක ලියනාරච්චි මහතාට ස්තුති පූර්වකව ප්‍රණාමය පුදකරන බවයි.

නාරම්මල - රණසිංහ ආරච්චි