29

කොළඹ

රත්නපුරේ මැණික් ගන්න බයර්ලා නෑ

පාරදිගේ

ගෙවුණු පාස්කු ඉරිදා නැතිනම් අප්‍රේල් 21 වැනිදා විශේෂයෙන්ම කතෝලික බැතිමතුන් ඉලක්ක කොට ගනිමින් මුස්ලිම් අන්තවාදී සංවිධානයක අනුගාමිකයන් කිහිපදෙනකු විසින් සිදු කරන ලද බෝම්බ පිපිරවීම් මාලාව සීමිත වුවත් එය මුළු රටේම ජන ජීවිතවලට දැඩිව බලපෑවේය.

කොළඹ ෂැංග්‍රිලා, කිංග්ස්බරි සහ සිනමන් ග්‍රෑන්ඩ් හෝටලවලද එදින එකම මොහොතක සිදුකළ එවැනිම වූ මාරක බෝම්බ පිපිරවීම් මාලාව අන්තවාදීන්ගේ එම ම්ලේච්ඡ ක්‍රියාව මොහොතකින් මුළු ලොවටම කියාපාන්නට සමත්විණි.

මියගිය පිරිස් අතර විදේශීය සංචාරකයන් මෙන්ම දේශීය පිරිස්ද සිටියහ. ලෝක ධනවතුන් මෙන්ම අහිංසකයෝද ඒ අතර සිටියහ. මුළු රටම පමණක් නොව මුළු ලොවටම තම මතය පතුරුවන්නට මුස්ලිම් අන්තවාදීන් සිදු කළ එම මාරාන්තික ප්‍රහාර කිහිපය සතියකට වැඩි කාලයක් තිස්සේ මෙරට ජන ජීවිත අකර්මණ්‍ය කළා පමණක් නොව මර බිය මුසු සන්ත්‍රාසයක් ඇති කළේය.

රත්නපුරයට එය විශේෂයෙන් බලපෑවේ හේතු කිහිපයක් නිසාය. රත්නපුර කහවත්ත, බළන්ගොඩ, රක්වාන, කුරුවිට, නිවිතිගල නගර ආශ්‍රිතව විශාල මුස්ලිම් ජනතාවක් ජීවත් වෙති. අතීතයේදී ඔරු, පාරුවලින් කළුගඟ දිගේ ඉහළට ඇදී වරකාතොටින් හා නිර්වානාකැටියෙන් මුස්ලිම්වරුන් රත්නපුරට ගොඩබැස්සේ රත්නපුර ආශ්‍රිතව සරුවට හැදුණු කරුංකා, ගම්මිරිස් ඇතුළු කුළුබඩු එකතු කරගන්නටය.

එහෙත් පසු කාලය වනවිට මුස්ලිම්වරුන් රත්නපුරට අවශ්‍ය කුළුබඩු ගන්නටම නොව රත්නපුරෙන් මතුවන වටිනා නිල්, රතු, වෛරොඩි වැනි මැණික් සම්පතට වහවැටීය. නවසිය හැටේ දශකය වෙද්දී රත්නපුර, කහවත්ත, බළන්ගොඩ, ඇහැලියගොඩ වැනි නගරවල ප්‍රධානම ව්‍යාපාර හා සුවිශාල ගොඩනැඟිලි මුස්ලිම් ව්‍යාපාරිකයන්ට හිමිව තිබුණු අතර කොට්ඨාස ක්‍රමයට සිදුකරන ඡන්ද ගණන් කිරීම්වලදී එය අදටත් වලංගු වන බව පැහැදිලිය. රත්නපුරේ මැණික් වෙළෙ¼දාම ගැන කලකට ඉහතදී රත්නපුරයේම උපන් සිංහල ව්‍යාපාරිකයන් කිහිපදෙනකුම නම් දැරුවත් බොහෝ විට ඔවුන් මිලදී ගන්නා වටිනා මැණික් ගල් අවසානයේදී ජාත්‍යන්තර වෙළෙඳපොළට ගියේ ඒ පිළිබඳ නමක් ගෙන සිටි මුස්ලිම් ව්‍යාපාරිකයන්ගේ අතිනි.

එය අදටත් බොහෝදුරට වලංගුය. විශේෂයෙන්ම රත්නපුර, නිවිතිගල,  පැල්මඬුල්ල නගර ආශ්‍රිත සුළු පරිමාණ මැණික් වෙළෙඳුන්ගේ මැණික් වැඩි වැඩියෙන් අලෙවි වන්නේ බේරුවල ප්‍රධාන කොටගත් පිට පළාත්වලින් එන මුස්ලිම් වෙළෙඳුන්ටය.

ඉර නැඟ එද්දී ඇරඹෙන නිවිතිගල, මැණික්පොළත් එයට පැයකට හමාරකට පසු රත්නපුර, අඹගහයට සහ දෙබිඩිවිය පාරේ මැණික් කොටුවත් හැම උදයකම තොප්පිකාරයන්ගෙන් පිරී යන්නේ ඒ නිසාය.

අතීතයේදී රත්නපුරට මැණික් මිලදී ගන්නට ආවේ බේරුවල සහ ගාල්ල, ගිංතොට අටළුගම වැනි ප්‍රදේශවල මුස්ලිම් ජාතිකයන්ය. එහෙත් මේ වනවිට කල්මුණේ, කාත්තන්කුඩි වැනි ප්‍රදේශවල මුස්ලිම් වෙළෙන්දෝද රත්නපුර මැණික් වෙළෙඳපොළට සංක්‍රමණය වී ඇති අතර එයින් ඇතැමෙක් හොඳම ‘බයර්ලා’ ලෙසද නම් දරා සිටිති.

එහෙත් ඉකුත් පාස්කු ඉරිදා මුස්ලිම් අන්තවාදීන් කිහිපදෙනකු සිදුකළ මරාගෙන මැරෙන බෝම්බ ප්‍රහාරය ඒ සියල්ල උඩ යටිකුරු කරන්නට සමත් විය. එම බෝම්බ ප්‍රහාර රත්නපුරට වැඩියෙන්ම දැනුණේ අප මුලින් සඳහන් කළ ලෙසට රත්නපුර සහ අවට වැඩි මුස්ලිම් ප්‍රජාවක් ජීවත් වන නිසා තවත් විශාල පිරිසක් සංක්‍රමණිකයන් ලෙසින් පැමිණ එම පවුල්වලට එක්වීම නිසා පිට පළාත්වලින් එන අය පැහැදිලිව හඳුනා ගැනීමට නොහැකි වීමත් නිසාය.

පාස්කු ඉරිදා සිදුකළ මරාගෙන මැරෙන බෝම්බ ප්‍රහාරය එකම හා අවසාන ප්‍රහාරය නොව ප්‍රහාර මාලාවක ආරම්භය පමණක් බවත් තවත් එවැනිම වූ ප්‍රහාර රට පුරා ඇතිවිය හැකි බවට ආරක්‍ෂක අංශ හා ඔත්තු සේවාවත්, බුද්ධි අංශයත් සිදුකළ දැනුවත් කිරීම රත්නපුර ජනතාවට හොඳින්ම දැනුණු සිද්ධි කිහිපයක්ද නිසා වඩාත් බියට පත්වී ඇත.

බෝම්බ පිපිරීමෙන් දින දෙකකට පසු එනම් අප්‍රේල් 24 වැනිදා උදේ රත්නපුර සුළු මැණික් වෙළෙඳුන් එක් වන අඹගහයට මැණික් කොටුවේ බෝරුක මුල තැන්පත්ව තිබුණු ආගන්තුක බුදුරුව පිළිබඳව ඇතිකරගත් ‘කිඹුල් බියක්’ නිසා අනියත බියක සේයාවක් මතුවිය.

රත්නපුර පොලිසිය නිල සුනඛ ටෝගා සමඟ පැමිණ එම ස්ථානය සහ අවට විශේෂ පරීක්‍ෂණයක් සිදුකොට ගියත් සැකය දුරුවූයේ නැත.

රත්නපුර බස් නැවතුම්පොළ අසලින් හමුවූ සැකසහිත පාර්සලයක් සහ නිවිතිගල නගරය ආසන්නයේ අටවා තිබුණු බොරු බෝම්බයක් පොලිසිය සහ කුරුවිට යුද හමුදා කඳවුරේ නිලධාරීන් එක්ව පුපුරවා හැරියේය. ඒ සමඟ නගරයට පැමිණීම භීතියට හේතුවක් නොව මර බියක්ම බවට පළ වූ ආරංචි පැතිර ගියේ තටුසලමින්ය.

පොලිස් මූලස්ථානයෙන් ලැබුණු පණිවුඩයකට අනුව රත්නපුර බස් නැවතුම්පොළ සහ අවට සිදුකළ පරීක්‍ෂණ මෙහෙයුම්  බෝම්බ බිය නගර වැසියන්ට පමණක් නොව අවට ගම් දනව්වලටද පැතිර වීමට හේතුවිණි.

නගරයට රැස්ව සිටි පිරිස් හිස් ලූලූ අත පැන දිව්වේ දැන් දැන් බෝම්බයක් පිපිරේ යැයි ඇතිවූ අනියත මර බිය නිසාය.

ඒ අතරතුර රත්නපුර නගරයට සංක්‍රමණයව සිටි සැකසහිත ආගන්තුකයන් ගැන පොලිසියට මහජනතාවගෙන් තොරතුරු ගලා එන්නට විය.

එසේම හිටි අඩියේ පෝසතුන් වූ මුස්ලිම් ව්‍යාපාරිකයන් ගැන මෙන්ම තැනින් තැන බිහිව තිබුණු මුස්ලිම් දේවස්ථාන හා ත්‍රස්ත සංවිධාන ඒවා පිහිටුවීමට මුල්වුණු පුද්ගලයන් ගැනත් පොලිසියට තොරතුරු ලැබී තිබිණි.

එයින් සමහර දෙනෙක් මේ වනවිටත් රට හැරගොස් සිටිති. 

මෙවන් තත්ත්වයක් තුළ රත්නපුර නගරයේ බෝම්බයක් පිපිරුවේ නැතත් දැන් දැන් බෝම්බයක් පිපිරේය යන සැකය ජනතා හිත් තුළිත් පහව නැත. බෝම්බය මේ රටේ සාමාන්‍ය ජන ජීවිතය මෙන්ම ආර්ථිකයද කඩා දමා ඇත.

රත්නපුරයටද එහි බලපෑම ඇති කළේ සුළු පටු අහිතකර ප්‍රතිඵලයක් නොවේ. ජන ජීවිතය අඩාල කළා මෙන්ම ආර්ථිකයද බින්දුවටම බස්සවා ඇත.

රත්නපුර නගරයට වැඩිම ජනකායක් ඇදෙන්නේ පාසල් දිනයටය. උදේ දරුවන් පාසලට රැගෙන එන බොහෝ පියවරුන් ආපසු ගෙදර යන්නේ පාසල ඇරුණු පසුය. ඒ තම දරුවනුත් රැගෙනමය. එසේ ‘නගරයට එන බොහෝ දෙනකුගේ උදේ කාලයේ රැකියාව කළේ ඔට්ටු ගැසීම’ නමින් ජනප්‍රිය අනුන්ගෙන් ඉල්ලගන්නා මැණික් ගලක් තමන්ට ලාභයක් තියාගෙන විකුණා ගැනීමෙනි. එලෙස ඉර ඔට්ටු ගැසීමට රත්නපුර නිවිතිගල, ඇහැලියගොඩ, පැල්මඬුල්ල නගරවලට එක්වන පිරිස දිනකට ගණන් තැබීමට සිදු වන්නේ සිය ගණනින් නොව දහස් ගණනිනි.

ඔවුන් ඉර ඔට්ටු ගැහිල්ලට ඉල්ලා ගන්නා මැණික් ගලට බොහෝ විට හොඳ මිලක් දෙන්නේ රත්නපුර නගරයට දිනපතා එන ආගන්තුක මුස්ලිම් වෙළෙඳුන්ය. එහෙත් බෝම්බ සිද්ධියෙන් පසු රත්නපුර නගරයට මැණික් මිලදී ගැනීම සඳහා ආගන්තුක මැණික් වෙළෙඳුන් පැමිණෙන්නේ නැත.

ඒ ඔවුන් පිළිබඳව ඇති කරගෙන ඇති ත්‍රස්ත බිය සහ සැකය නිසා ඇතැමුන්ට පොලිසියට ගොස් තම අනන්‍යතාව තහවුරු කිරීමට සිදුවූ අවස්ථාවලටද මුහුණදීමය. රත්නපුර මැණික් ව්‍යාපාරයට. මෙම තත්ත්වය තදින් බලපා ඇත.

නම හෙළි කිරීමට අකැමැති රත්නපුර නගරයේ ප්‍රධාන පෙළේ මුස්ලිම් මැණික් ව්‍යාපාරිකයකු මේ ගැන අපට කිව්වේ මෙහෙමයි.

‘මහත්තයෝ අපි මුස්ලිම් අදහන්නේ. ඉස්ලාම් ආගම ශුද්ධ වූ කුරානය තමයි අපට ආගම ගැන කියන්නේ. අපේ ආගමේ නැහැ මේ විදියට මරාගෙන මැරෙන්න කියලා. ඒ වගේම තමයි අපිට ඕන ඔයගොල්ලෝ එක්ක සමඟියෙන් ඉන්න. එහෙම හිටියොත් තමයි අපිට අපේ ව්‍යාපාර කරගෙන යන්න පුළුවන්. මොකද මැණික් ගරන්නේ, මැණික් විකුණන්නේ අපි ළඟට එන්නේ ඔක්කොම සිංහල මිනිස්සු. අපි ඒගොල්ලන්ට විරුද්ධ වුණොත් දෙයියෝ අපට සාප කරයි. ඒ නිසා තමයි අපේ අය සිංහල මිනිසුන්ට උදවු කරන්නේ. පන්සල් හදවන්න ආධාර දෙන්නේ. බලන්න මේ ඊයේ පෙරේදා බෝධිරාජ පන්සලේ ගොඩනැඟිල්ල හදනවා රිස්වි හාජියාර් මහත්තයා ලක්‍ෂ ගණනක් දුන්නා. පන්සලේ දායකයෝ උපහාර පිදුවා.

අපි ජීවත් වෙන්නේ බොහෝම සාධාරණයෙන්. ඒ වගේම අපි හම්බ කරනවා වගේම විය පැහැදම් කරන්නෙත් පිළිවෙළකට. හම්බවෙන හැම සතයක්ම වියදමට ගන්නේ නැහැ. මේ වගේ හිටපු ගමන් මේ රටේ විතරක් නොවෙයි ලෝකේ කොතැනක හරි මෙහෙම වෙනවා. ඒක අපි ඉගෙන ගෙන තියෙනවා. ඒ නිසා මේ ව්‍යසනය අපට දැනෙන්නේ නැහැ. ඒ නිසා අපි මේ ටික දවස විවේකයෙන් ඉන්නවා. ඊටත් ළඟ එන්නේ අපේ උපවාස මාසයනේ. අපි ඒකට දැන්මම සූදානම්. ඒත් ඒකේ පාඩුව පුංචි පුංචි කට්ටියට දැනෙයි. රත්නපුරේ මැණික් කොටුව අඹගහයට හැමදාම උදේට සුළු මැණික් ව්‍යාපාරිකයෝ දහස් ගණනක් එනවා. මැණික් මිලදී ගන්න එන්නේ මුස්ලිම් ජාතික වෙළෙන්දෝ. ඒත් පසුගිය සතිය පුරාවට අඹගහයට මැණික් කොටුව පාළුවට ගිය ගානයි.

මැණික් විකුණන්න එන අය දවල් වෙනකම් මඟ බලා ඉඳලා ගෙදර යන්නේ සුන් වූ බලාපොරොත්තුවෙන්. සමහර වෙලාවට ගෙදර අඹුදරුවන්ට ඉන්න වෙන්නේ සන්සුන්ව. මොකද ඒ අය හැමදාම පන්සලට ගියත් අර මුස්ලිම් ව්‍යාපාරිකයෝ ඉගෙනගෙන තිබුණු හම්බ කිරීමේ සහ වියදම් කිරීමේ න්‍යාය ඒ අය පිළිපැද්දේ නැති නිසා. නැතිනම් අපිත් මතක් කර ගත්තොත් හොඳයි නේද අර බුදුහාමුදුරුවෝ සිඟාලෝවාද සූත්‍රයේදී අපට උගන්නපු කියන ගාථාවෙන් දුන්නු උපදේශය.

අද මේ වනවිට රත්නපුරේ සුළු මැණික් ව්‍යාපාරිකයෝ බොහෝ දෙනෙක් ඒ තත්ත්වයට පත්වෙලා. ඒ අතරට දැන් ඇවිත් තියෙන්නේ වැහි කාලය. තව දවස් දෙක තුනකින් ගංවතුර තියෙයි.

නගර සභා පෙදෙසේ නන්දසිරි රූපසිරි සහෝදරයෝ මැණික් වෙළෙ¼දාමේ ඉදිරියෙන්ම ඉන්න පවුලක්. ඒ අය ඉන්නේ නගර සභා පෙදෙස පටන් ගන්න තැනම රත්නපුරට එන යන මැණික් වෙළෙඳුන් හැම කෙනෙක්ම එතැනට ගොඩවෙනවා, බිස්නස් කරනවා. වැඩිමලා නන්දසිරි මහත්තයා කිව්වේ වෙනත් කතාවක්.

‘දැන් ඉස්සර වගේ ලොකු ලොකු මුස්ලිම් වෙළෙන්දෝ මැණික් ගන්න රත්නපුරේට එන්නේ නැහැ. මොකද සිංහල අය මැණික් වෙළෙ¼දාම අල්ලගෙන හමාරයි. ඒ වුණාට සිංහල අය ගන්න ගල් තවමත් වැඩි මිලට ගන්නේ මුස්ලිම් වෙළෙන්දෝ. ඒ අයට ගල් විකුණන්න අපේ අය කොළඹට නැතිනම් බේරුවලටත් යනවා. ඒත් ඒක හැමෝටම කරන්න බැහැනේ.

පුංචි පුංචි අය පුංචි පුංචි ගල් විකුණන්නේ මේ අඹගහයට මැණික් කොටුවේදී. ඒත් මේ දවස්වල ගල් ගන්න අය එන්නේ නැහැ. විශේෂයෙන්ම රත්නපුරේ මැණික් ගන්න එන පුංචි වෙළෙන්දෝ වැඩි දෙනෙක් අඩු වයසේ කට්ටිය. ඒ අයට මේක හරියට තෝරා බේර ගන්න බැහැ. අපේ අයත් හැම මුස්ලිම් කෙනා ගැනමත් බලන්නේ සැකෙන් බයෙන්. මේ තත්ත්වය නැති කරගන්න ඕන.

මොකද අපිට විපතක් වෙන හැම විටදීම මුස්ලිම් ව්‍යාපාරිකයෝ අපට කෝටි ගණනින් ආධාර ගෙනාවා. ගෙවල් හදලා දුන්නා. අපි එක මතක තියා ගන්න ඕනා.

අතරින් පතර අන්තවාදියෝ ඉන්න පුළුවන්. අපි නැහැ කියන්නේ නැහැ. ඒක තෝරා බේරා බේරාගන්න අපි දැනගන්න ඕන. අවශ්‍ය තැනදි ඒකට එරෙහි වෙන්නත් අමතක කරන්න හොඳ නැහැ.

සහජීවනය අවශ්‍යයි. ඒත් අපි හැමටම එය පොදු වෙන්න ඕන. රත්නපුරේ මැණික් මිලදී ගන්න මුස්ලිම් කට්ටිය රත්නපුරයට එනවා වගේම රත්නපුරේ සිංහල අයත් මැණික් විකුණන්න බේරුවලට යනවා. බේරුවල ‘පත්තුකඩේ’ තමා ඒකට ප්‍රසිද්ධ තැන. පුංචි පුංචි වෙළෙ¼දාම් වගේම ලොකු ලොකු ගලුත් එතැන විකිණෙනවා. ඒ වගේමයි ඉස්සර මැණික් ගන්න රත්නපුරේ ආපු ලොකු ලොකු මුදලාලිලත් දැන් රත්නපුරේට එන්නේ නැතිව ළඟට ගල් අරගෙන එනකම් බලාගෙන ඉන්නවා. පසුගිය කාලේ ඒක බොහෝම ජයට සිද්ධ වුණා. සතියේ සෙනසුරාදා බදාදා දවස් දෙක රත්නපුරේ අය මැණික් අරගෙන බේරුවල යන දවස. ඒකට කට්ටිය පුරුදු වෙලා ඉන්නවා. පතල්වලින් හම්බ වෙන ඒවා විතරක් නොවෙයි ලොකු ලොකු මුදලාලිලා සල්ලිවලට අරගෙන විකුණන්න ගන්න ඒවත් බේරුවලට යන්නේ ඒ විදියට.

ඒත් පසුගිය දවස්වල ඒ වෙළෙ¼දාමත් එහෙම පිටින්ම නැවතිලා. බයයි සැකයයි දෙකම නිසා දෙගොල්ලම වෙළෙ¼දාම නතර කරලා.

අමුනගොඩ ගුණවර්ධන නිලමේ ඒ වෙළෙ¼දාමේ නමක් තියෙන කෙනෙක්. එයා කියන්නේ මේ බෝම්බ කතාවත් එක්ක දෙපැත්තටම ලොකු හානියක් වෙලාලු. ඒ විතරක් නොවෙයි ණයට දීපු ගල්වලට සල්ලි එන්නෙත් නැතිලු.

බේරුවල කට්ටිය රත්නපුරේ තියා කොළඹට යන්නෙත් නැතිලු. තව ටික දවසක් මෙහෙම තිබුණොත් මැණික් වෙළෙන්දන්ට මොනවා කරන්න වෙයිද කියලයි එයා කිව්වේ.

පුංචි පුංචි වෙළෙන්දෝ මේ වෙද්දි බොහෝම අනතුරුවලට පත්වෙලා හමාරයි. අඹගස්යට පාළුවෙලා. කඩ වැහිලා ගිහින්. ඒ මදිවට පුංචි වෙළෙන්දන්ගේ මැණික් කුටි ආරක්‍ෂක හේතුන් මත කඩලා ඉවත් කරලා.

ඒ හින්දා ඒ අයට වැස්සකටවත් මුවාවෙන්න තැන නැතිව ගිහින්. රත්නපුර නගරයට බෝම්බ සිද්ධිය බලපා ඇත්තේ මැණික් වෙළෙ¼දාමට පමණක් නොව පුංචි බත්කඩේ සිට ලොකු ලොකු හෝටලවලටද එය බලපා ඇත.

ඇතැම් මුස්ලිම් බත්කඩ අඟුළු දමා වසා ඇත. වෙනදා රෑ මැදියම් වෙනතුරු විවෘතව තිබුණු ඇතැම් වෙළෙඳසල් යන්තමින් ඇඳිරි වැටීගෙන එද්දී වසා තබයි.

රත්නපුරට ඉර පායන්නේ දැන් හෙමින් හෙමින්ය. කඩ සාප්පු විවෘත වන්නේ දහවල වෙද්දී වුවත් අඳුරු වැටෙන්න කලියෙන් වසා දැමෙන්නේ ආරක්‍ෂාව පිළිබඳව පවත්නා ගැටලු නිසාය.

මෙම තත්ත්වය ඉක්මනින් පහව නොගියහොත් දැඩි ආර්ථික අපහසුතාවකට රත්නපුර නාගරික ජනතාව මුහුණපානු නොඅනුමානය.   


කතාව සහ පිංතූර 

   ධර්මප්‍රිය ලියනආරච්චි


කුවේට් තානාපති කාර්යාලය ඇතුළු තවත් වෙබ් අඩවි කිහිපයකට සයිබර් ප්‍රහාරයක්

මුරුතවෙල කැලේකින් ස්නයිෆර් ටෙලස්කොපයක් හමුවේ (PHOTO)

අදත් දිවයින්නේ ප්‍රදේශ කිහිපයකට වැසි

ශ්‍රී පාද වාරය අදින් අවසන්

ඉන්දීය මහමැතිවරණයේ අවසන් අදියර අද

මෙදා පාර පෙන්නන්න බැරිවෙන තොටළඟ තොරණේ වේදනාව - ලක්‍ෂ 26ක් දැනටමත් වියදම්
කාත්තන්කුඩියේ සමූහ ඝාතනයක් - 35ක් මරා වළ දමලා

ස්කොට්ලන්තය එක්ක හැප්පෙන සිංහ කණ්ඩායම මෙන්න - මාලිංග එංගලන්තයට යයි

ශ්‍රී ලංකාව සහ ස්කොට්ලන්තය අතර තරඟ දෙකකින් සමන්විත එක්දින තර

12:16 PM May 18 2019

ක්‍රිස් ගේල් අවසන් වරට රතිඤ්ඤා පුපුරුවන්න සැරසෙයි, ජයග්‍රහණයකින් මෙම තරගාවලිය අවසන් කරනවා

08:36 AM May 17 2019

සිවු වසරකට පසු දෙපිල හමුවන පළමු තරගය හෙට

08:28 AM May 17 2019

පිලිපීනයේ දුම්රිය අනතුරකින් 34 දෙනෙකු තුවාල

පිලිපීනයේ සිදුවූ දුම්රිය අනතුරකින් පුද්ගලයින් 34 දෙනෙකු තුවා

02:03 PM May 19 2019

ඉන්දීය මහමැතිවරණයේ අවසන් අදියර අද

11:07 AM May 19 2019

ඕස්ට්‍රේලියානු මහමැතිවරණය අද

01:57 PM May 18 2019

“තලතා කියන තැනැත්තිය මහා සංඝරත්නයට අපහාස කරපු විදිය අපි දැක්කා.කුණු ගඳ ගහන කටවල් තිබුනාට, කටවල් පරිස්සම් කරගෙන මේ රට තුල ජීවත් වෙනවානම් හොදයි "

“තලතා අතුකෝරාල කියන තැනැත්තිය මහා සංඝරත්නයට අපහාස කරපු විදිය

03:03 PM May 19 2019

අද රණවිරුවන්ව සිහිකරනකොට රණවිරුවන්ගේ වටිනාකම මේ රටේ ජනතාවට නැවත වාරයක් මතක් උනා

06:00 PM May 19 2019

රිෂාඩ්ට එරෙහි විශ්වාසභංගය අපෙන් කිසිම සහායක් නෑ

03:38 PM May 18 2019

පසුගිය කාටුන්

CARTOON ::: 2019-05-16
CARTOON ::: 2019-05-15
CARTOON ::: 2019-05-14

ජාතික සමඟිය

ශ්‍රී ලංකාව බි්‍රතාන්‍ය අධිරාජ්‍යවාදීන් සමඟ ගැට ගසා තිබූ විලංගුව ගලවා දැමුවේ 1948 පෙබරවාරි 4 වැනිදාය. එනම් අදින් වසර 71කට පෙරය. නිදහස් ලංකාවේ ප්‍රථම අග්‍රාමාත්‍ය ඩී.ඇස්. සේනානායක එදා ලංකා ගුවන් විදුලි සේවය ඔස්සේ ඉතා වැදගත් කතාවක් පැවැත්වීය.“අද ශ්‍රී ලංකාවාසී අප ලබන දේශපාලන නිදහස දෙවැනි වන්නේ මෙයට වසර 2500කට පෙර බුදුරජාණන් වහන්සේ දේශනා කළ ආධ්‍යාත්මික නිදහස ලැබීමට පමණි. අනාදිමත් කාලයක් අප සතුව තිබූ ජන්ම අයිතිය ශතවර්ෂ කිහිපයකට පසුව දැන් නැවැත අපට ලැබී තිබේ. අප ලද නිදහස ර¼දා පවතින්නේ ජාතීන් අතර සමඟිය පැවැතුණ හොත් පමණි. මෙරට වෙසෙන කුදුමහත් සෑම ජාතියකම යුතුකම හො¼ද හිත පැතිර වීම හා සමඟි සම්පන්න බව ඇති කිරීමය.නිදහස දිනා ගැනීම වූ කලී අලුත් සටනක ආරම්භයයි. ලබාගත් නිදහස රටට සෞභාග්‍යය ළඟා කිරීමේ ආයුධයක් කරගත යුතුය. එහිලා වැදගත් සාධකය වන්නේ මගේ රට වැසියන්ගේ සමඟිය හා ඒකාග්‍ර හොඳ හිතය. එය එසේ නොවුණ හොත් අපට අන් හැම දෙයක්ම අහිමි වනු ඇත. එය එසේ නොවේවායි ප්‍රාර්ථනය කරන අතරම අපේ රටවැසියන්ගේ අනාගතය පී්‍රතිමත් සෞභාග්‍ය සම්පන්න එකක් වේවා යන්න මගේ ප්‍රාර්ථනයයි.”ජාතියේ පියාගෙන් සමාව ඉල්ලන්නට අපට සිදුවී තිබේ. එතුමන් අපේක්‍ෂා කළ ජාතික සමඟිය රැක ගැනීමට අපට නොහැකි වී තිබේ. නිදහස දිනා ගැනීම උදෙසා දැඩි සහෝදරත්වයෙන් එක්ව සටන් වැදුණු ප්‍රධාන ජාතීන් තුන වරින්වර ඇන කොටා ගනිමින් රට පරිහානියට පත් කොට දැන් අපි වල්මත් වී හසරක් නොදැක සිටිමු. සෑම දෙයක්ම, සෑම ක්‍ෂේත්‍රයක්ම අවුලෙන් අවුලට පත්ව තිබේ. වැරදුණේ කොතැනද සොයා ගන්නට හෝ වැටී සිටින අවුල් ජාලයෙන් ගොඩගන්නට හැකි දූරදර්ශී නියමුවකු සොයා ගත නොහැකිව ලංකාව රුවල බිඳුණු නෞකාවක් සේ ඉන්දීය සයුරේ පාවෙමින් තිබේ.එදා 1947 ප්‍රථම ආණ්ඩුව පිහිටවනු පිණිස එක්සත් ජාතික පක්‍ෂය බිහි කරන ලද්දේ ලංකා ජාතික සංගමය, සිංහල මහා සභාව හා මුස්ලිම් ලීගය ඒකාබද්ධ වීමෙනි. ටී.බී. ජයා, ‍ෙදාස්තර ඇම්.සී. කලීල්, බද්යුදීන් මහමුද්, මරික්කාර්, බකීර් මාකාර් මුල් වකවානුවේ කැපී පෙනුණු මුස්ලිම් නායකයෝ වූහ. ඔවුන් ආගම හෝ ජාතිය පදනම් කොටගෙන දේශපාලනය කළේ නැත. රටේ ව්‍යවස්ථාවට අනුව තම දේශපාලන පක්‍ෂයේ ප්‍රතිපත්තිවලට අනුව සිංහල ජාතියේ නායකයන් සමඟ එකඟතාවෙන් එදා මුස්ලිම්වරු කටයුතු කළහ. සිරිමා බණ්ඩාරනායක අගමැතිනියගේ ආණ්ඩුවේ අධ්‍යාපන ඇමැති වශයෙන් බද්යුදීන් මහමුද් කටයුතු කළ අතර ජාතික අධ්‍යාපන තත්ත්වය නඟාසිටුවනු පිණිස කටයුතු කළා මිස ඔහු ශරියා විශ්වවිද්‍යාල හදන්නට ගියේ නැත.ඒ.සී.ඇස්. හමීඩ් විදේශ ඇමැති වශයෙන් දීර්ඝ කාලයක් කටයුතු කළ අතර ඔහු ජාත්‍යන්තරය ඉදිරියේ ලංකාව නියෝජනය කළා මිස ලංකාවේ මුස්ලිම් ප්‍රජාව වෙනුවෙන් පෙනී සිටියේ නැත. ටී.බී. ජයා  ජාතික සමඟිය වෙනුවෙන් පෙනී සිටි මුස්ලිම් නායකයෙකි. බකීර් මාකාර් සෑම දෙනාගේ ඉමහත් ගෞරවයට, ප්‍රසාදයට පාත්‍ර වූ කථානායකවරයෙක් විය. ඔවුහු රටේ අනෙකුත් ජන කොටස් සමඟ උරෙන් උර ගැටී ජාතික අභිවෘද්ධිය උදෙසා ක්‍රියා කළෝය.වර්තමානයේ මේ තත්ත්වය ක්‍රමයෙන් වෙනස් වූ අතර ආණ්ඩුව සමඟ කේවල් කිරීම සඳහා තම ගොඩ හා පංගුව ලොකු කර ගැනීමේ පටු දේශපාලනයට මුස්ලිම් දේශපාලකයෝද ඇදී ගියහ. ජාතික දේශපාලනයේ නායකත්වයෙන් ඔවුන් අෑත් වූයේ ඔවුන්ගේම අභිමතයෙනි. වර්තමාන ඛේදවාචකයට පසුබිම හැදෙන බෙදුම් ඉර අඳින ලද්දේ ඔවුන් විසින්ම මිස මහ ජාතිය විසින් නොවේ. ලංකාවේ ප්‍රධාන බෞද්ධ විද්‍යාලය වූ කොළඔ ආනන්ද විද්‍යාලයේ ගුරුවරයකු වූ ටී.බී. ජයා මරදාන සහිරා විද්‍යාලයේ විදුහල්පති වී යනවාට එදා ආනන්දයේ ආචාර්ය මණ්ඩලය මෙන්ම ශිෂ්‍යයෝද විරුද්ධ වූහ. අතීත නායකයන්ගේ පරමාදර්ශ උකහා නොගැනීමේ වරද මුස්ලිම් නායකයන් දැන්වත් වටහා ගත යුතුය.ඉස්ලාම් අන්තවාදීන් සමඟ සටන් වදින්නට සාම්ප්‍රදායික මුස්ලිම්වරුන් අපොහොසත් වූයේ ඔවුන් තමන් විසින්ම හුදෙකලා වී සිටි නිසාය. දැන් සියල්ල මහා ඛේදවාචකයක් තුළ අවසාන වී ඇත. කවර බාධක මැද වුවත් අසීරුවෙන් දිනාගන්නා ජාතික සමඟිය මිස වෙනත් විකල්පයක් ජාතියේ ඉදිරි ගමනට ඇත්තේ නැත.
වීඩියෝ