31

කොළඹ

කොත්තු - රයිස් කන්නේ බලාගෙන තේ පඳුරුවල වල් මරන්න ගන්න රසායනය රසකාරකයක් විදියට කරළියට

පාරදිගේ

මම මගේ බීම වීදුරුවෙන් උගුරක් බී බාර් එක පුරා ඇස් යැව්වා. මේ වගේ කාලයක සැලකිය යුතු සෙනඟක්. පියානෝකාරයා ඔහුගේ සංගීත භාණ්ඩය සුසර කරමින්. මම වේටර් කෙනකුට අමතලා පියානෝකාරයාට දෙසීයෙන් දෙකක් දෙන්න යැයි සහ ඔහු කැමැති දෑ මොනවාදැයි විමසන්න යැයි පවසා සිටියා. ජීවිතය ර¼දා පවත්වාගෙන යන්න නම් පරිකල්පනය යොදවන්නම වෙනවා. විශේෂයෙන් මේ වගේ තැනකදී. මේ වගේ තැනකදී ඔළුවට එන අදහස් එවෙලේම ක්‍රියාවේ යොදවන්න පුළුවන්. මෙතැන වධ වෙන්න තරම් පූර්වාදර්ශ නැහැ. 

මම පෞද්ගලිකවම දන්නවා මටයි ආයතනයකටයි එකට වැඩ කරන්න බැහැ කියලා. කවුරුහරි යටතේ වැඩ කරද්දී මට හිතෙන්නෙම මගේ කාලය නිස්කාරණයේ නාස්ති වෙනවා කියලා. ඒත් සමහර අදහස්වලට එහෙමම පිටින්ම ඉඩ දෙන්න බැහැ. එහෙම හැරිලා බැලුවාම මමත් රස්සාවක් අස්සේ අවුරුදු 20ක් විතර අඩව් අල්ලලා. වෙලාවකට හිතෙනවා මම කොහොමද එච්චර කාලයක් අල්ලගෙන හිටියේ කියලා. මම මගේ ඔළුව හදාගන්න මන--කල්පිත ලෝකයක ජීවත් වෙන්න කැමැති. ඒ වගේ ලෝකයක් හදාගන්න ලේසිම තැන බාර් එක. ඒ වගේ තැනක් ඇතුළේ බොහොම සැලකිල්ලෙන් දෙයක් පරිකල්පනයේ නිමැවුමක් විදියට එළියට දාන්න පුළුවන්. බොනවා, සින්දුවක් අහනවා, කතාබහ කරනවා, ඉන්පස්සේ ගෙදර යනවා. මෙතැන්ට එන හැමෝම වගේ මේ හැංගිච්ච මන--කල්පිත ලෝකයට කැමැති ඇති. එහෙම ගත්තාම මට මතක් වෙන්නේ රන්ජන් අමරරත්නව. ඒ මගේ ගුරා. පත්තර ගුරා. මනුස්සයත් කැමැති එයාට අයිති ඔහේ පාවෙන බලකොටුවක් වගේ මුල්ලකට වෙලා උදේ පාන්දරක වුණත් බීර වීදුරුවක් හිස් කරන්න. 

සාමාන්‍යයෙන් රස්සාවක එහෙමත් නැත්නම් ආයතනයක නොයිඳ ඉඳීමක් කරන්න. ඒ කියන්නේ රැකියාවේ සුරක්‍ෂිතභාවය එක්ක ආයතනය කියන ව්‍යුහයට නොගිහින් ඉන්න. ඒක අසීරු වැඩක්. බොහොම සීරුමාරුවෙන් කරන්නම ඕන වැඩක්. මේ වැඩේ කරනවා කියලා ආයතනයේ ඉහළ පුටු දැනගෙන ඉන්න ඕනෑ. ඒ අයට මේක තේරුම් ගන්න පුළුවන් ඔළුවක් තියෙන්නත් ඕන. එහෙම නොවුණොත් ශ්‍රමය කියන දේ මුළුමනින්ම ආගන්තුක යමක් වෙන්න තියෙන ඉඩකඩ වැඩියි. එහෙම තැනක් විදියට තමයි මම ෆයිසර් නානාගේ කොත්තු කඩේ දකින්නේ.

 කොත්තු කිව්වට කොත්තු විතරක් නොවෙයි. බත් ඇට පුච්චලා ගන්න ෆ්‍රයිඩ් රයිස්. එතකොට කොත්තුවට මුදවපු කිරි කලවම් කරලා හදාගන්න ඩොල්ෆින්, එකඑක බර්ගර් ජාති. මේ පොඩි කෑල්ලේ ගොඩගැහිලා. ෆයිසර් නානාට කඩේ ඉඩෙන් වැඩක් නැහැ. එයාට ඕනෑ ගනුදෙනුකරුවෝ. ඒක තමයි ආයතනයක් යාවත්කාලීන වන නරුම විදිය. ප්‍රාග්ධන සම්මුච්චිකරණයේදී ඊට වඩා නරක දෙයක් අපට අත්දකින්නත් බැහැ. ඒ අතින් ෆයිසර් නානා නියම වෙළෙන්දා. හැබැයි එයා වෙළෙන්දෙක් වෙන්නේ ගනුදෙනුකාරයෝ රැකගෙන. නානාගේ කඩේ ඉස්සරහා පැත්තනින් අහස දිහා පේන්නේ අඩ හඳ. පිටුපස්සෙන් අහස දිහා බැලුවාම පේන්නේ ඝාණ්ටාරයක්. මේ දෙයන්තයට මැදි වෙලා තමයි නානා එයාගේ බිස්නස් එක කරන්නේ. නානා දන්නවා ගනුදෙනුකාරයන්ගේ නිල අල්ලන්න. ගනුදෙනුකාරයෝ හිතන්නේ නානාගේ නිල එයාලා ඇල්ලුවා කියලා. කොහොම නමුත් ගනුදෙනුව, ගනුදෙනුවක තිබිය යුතු කැත ස්වරූපයෙන්ම සිද්ධ වෙනවා. ඒකට සීමා මායිම් බැඳීම් මොනවත්ම නැහැ. ළඟකදී නානාගේ පුතා කසාද බැන්දා.

මේ වර්ගයේ පුද්ගලයෝ ජීවත් වෙනවා කියලා දැනෙන්නේ කසාදයක් ආරංචි වුණොත් විතරයි. මේ වගේ පුද්ගලයෝ ජීවතුන් අතර නැහැ කියන එක කවම කවදාවත් දැනගන්න ලැබෙන්නේ නැහැ. නානාගේ පුතා කසාද බැන්දට පස්සේ කඩේ ආදායම දෙකට බෙදන්න වුණා. මේ වගේ අවස්ථාවකදී ජපන්කාරයෝ නම් කළේ අඩ වැටුප් මත වැඩිපුර වැඩ කිරිල්ල. හැබැයි නානා අඩවැටුපට කැමැති නැහැ. එහෙව් වැටුපක් එයාගේ පුතාට දෙන්නත් කැමැති නැහැ. නානාගේ විකල්පය වුණේ කඩේ පිටි මෝලිය දෙකට බෙදන එක. ඒ කියන්නේ ෂිෆ්ට් එකට. නානා අපූරු උදාහරණයක් ගෙනාවා. නානාගේ තාත්තා මුලින්ම කඩකාරයෙක්. එයා ඒ කඩේ ඇඟේ වාරුව නැති වුණායින් පස්සේ දරුවන්ට බෙදලා දෙනවා. ඒ දෙන්නේ ෂිෆ්ට් ක්‍රමයට. පාන්දර හතරේ ඉඳලා ඊගාව දවසේ පාන්දර 4 වෙනකම් පැය 24 තුනට කඩනවා. උදේ පාන්දර හතරට වැඩ පටන් ගන්න කෙනා කන්ජිපාන කෙනෙක් වෙනවා. 

දවල් ෂිෆ්ට් එක භාරගන්න කෙනා ෆ්‍රයිඩ් රයිස්කාරයෙක් වෙනවා. ඊට පස්සේ ෂිෆ්ට් එක භාරගන්න කෙනා මනි පිට්ටුකාරයෙක් වෙනවා. මේ තුන්දෙනාගේ ෂිෆ්ට් ඊගාව සතියේදී ආයේ වෙනස් වෙනවා. එතකොට හවස හිටිය මනි පිට්ටුකාරයා ආයේ පාරක් කන්ජිපාන කෙනෙක් වෙලා. එක කඩේ ඇතුළේ තුන් විදියක් ක්‍රියාත්මකයි. එහෙම උදාහරණ තියෙද්දී මොන එහෙකට අඩ වැටුපකට වැඩ කරනවාද. නානා අලුත බැඳපු කොල්ලට උදේ ෂිෆ්ට් එක භාර දුන්නා. ඒ කියන්නේ උදේ 6යි හවස 6යි. ආපසු නානා වැඩ භාරගන්නේ හවස 6ට. උදේ වැඩ භාර ගත්ත පුතාට නානා තාත්තා කෙනෙක් විදියට පිටි කිලෝ 15යි එළවළු කිලෝ 3යි හරක් මස් කිලෝ 2යි කුකුළු මස් කිලෝ 2යි අරන් දෙනවා. ඒ ඔක්කෝටම රුපියල් පන්දාහක් යන්න ඇති. 

ඒ පන්දාහ හවස 6 වෙද්දී පහළොස්දාහක් නොකළොත් උඹ නොට්ටිගේ පුතා කියලා කියනවා. බිස්නස් එක පුතාට දෙන්න ඕන නිසා නානා පොළේ යනවා. පොළ හැමතැනම නානාගේ තැරැව්කාරයෝ. වැඩිපුරම නානාට හිතවත් කැරට් ලීක්ස් ගෝවාකාරයෝ. ගෝවා ගෙඩිය ලස්සනට පාට කරන්න උඩින් ගලවා අයින් කරන ගෝවා කොළ එහෙම පිටින්ම නානාට. වැඩකටම ගන්න බැරි කොළ ටික විතරයි උෟරන්ට. ලස්සනට තියෙන කැරට් අලේ ඇඟිල්ලක් ගහන්න පුළුවන් තරමට අෑගුල් වෙලා නම් ඒ කැරට් අලේ නානාට. ඒ විතරක්යැ ලීක්ස් ගහේ කොළ පින් පාටට කහ පාට වෙලා නම් ඒ කොළත් නානාට. ඔය ටිකට අමතරව නානාගේ පුතාට කඩේ රෝල ගහන්න ඕනෑ පහේ ටිකයි පොල් තෙල් ටිකකුයි විතරයි. ඕක තමයි  විදිය. කොත්තු රයිස්වල විදිය. අපි කවුරුවත් හිතන්නේ වැඩේ ඇත්තටම සිද්ධ වෙන්නේ මෙහෙමයි කියලා. අපේ ගෙදර අයත් කොත්තු කනවා. ඒ වගේ වෙලාවක මම නම් කරන්නේ එළවළු ටික ගෙදරම කපාගෙන වුවමනා කරන මස් ජාතියත් ගෙදරින්ම හදාගෙන නානාට අතට ගාණකුත් දීලා හිතට පාට් එකකුත් දාලා ඕන කරන ගාණට කොත්තුවක් තළාගන්න එක. ඒක එහෙම කරන්න බැහැ. හැමෝටම කරන්නත් බැහැ.

 ඒ හින්දා මිනිස්සුන්ට වෙන විකල්පත් නැහැ. කොත්තු රයිස් කඩෙන් ගන්නවාම මිස. ලස්සනම කතාව තමයි රයිස්වලට කෙසේ වෙතත් කොත්තුවලට ඒ කියන්නේ පිපෙන්නට ඇරපු පාන්පිටිවලට රස අල්ලන්නේ නැහැ කියන එක. එළවළු මස් ජාති උණු උණුවේ සද්දේ කලවම් කළත් කවම කවදාවත් පදම් වෙච්ච පාන්පිටිවලට රස අල්ලන්නේ නැහැ. අඩුම ගාණේ ලුණු රහවත්. හැබැයි කොත්තු රසයි. මොකද්ද මේ වෙන්නේ... එහෙම නැත්නම් එයාගේ පුතා කොත්තු තැටිය ඉස්සරහින් තියෙන ප්ලාස්ටික් ටින්වලින් දාන්න පුළුවන් තරම් ජරාව කොත්තුවලට එකතු කරන එක. එහෙම තමයි රහ අල්ලන්නේ. 

ටිපර්කාරයන්ට එක රහක්. නෝනයි මහත්තයායි කාර් එකකින් බැහැලා ආවොත් කොත්තු ඉල්ලුවොත් වෙන රහක්. එහෙම රහ ඇල්ලිල්ලක් කොහොමද සිද්ධ වෙන්නේ. වැඩේ සිද්ධ වෙන්නේ වෙනම විදියකට. කොත්තු කන අය දන්නේ නැතිව ඇති 2015 අවුරුද්දේ ඉඳලා ලංකාවේ බහුලව කොත්තුවලට ගත්තු රසකාරකය මොනෝසෝඩියම් ග්ලුටමේට් කියලා. මේ රසකාරකය එම්.එස්.ජී. කියලා තමයි කොත්තු කඩවල හඳුන්වන්නේ. 2015 අවුරුද්දේදී මේ රසකාරකය ලංකාවට ගෙන්නන්නේ රසකාරකයක් විදියට නෙවෙයි. වල් පැළෑටි මර්දනය කරන රසායන ද්‍රව්‍යයක් විදියට. මේ වල් නාශකයේ මුල් බිම මැලේසියාව. තේ පඳුරුවල පහළින් හැදෙන වල් පැළෑටි නසන්න පුළුවන් ගුණයක් තමයි මේ එම්.එස්.ජී. වල තියෙන්නේ. 

ඒ කියන්නේ පඳුරු දාලා කප්පාදු වුණු තේ පැළේ යටට හරිහමන් විදියට ඉර එළිය වැටෙන්නේ නැහැ. ඉර එළිය වැටෙන තැනකට කෝන්දු මාන්දු වෙච්ච වල් පැළෑටියක් හැදුණොත් මේ රසායනික ද්‍රව්‍ය ඒ කියන්නේ එම්.එස්.ජී. වලට පුළුවන් ඒ වල් පැළේ නසන්න. ඒ විතරක් නෙවෙයි තේ පැළේට හානියක් සිදු නොකරන්න. ඒ විදියට පාවිච්චි වුණු රසායනික ද්‍රව්‍ය කොත්තු කඩවලදී රසකාරකයක් බවට පත්වෙලා. එහෙම ගත්තාම නානාගේ පරම්පරාව සල්ලි හම්බ නොකර ඉඳීයෑ. 2015 අවුරුද්දේ ලංකාවට ගෙන්වපු මේ රසායනික ද්‍රව්‍ය 2019 වෙනකම් රසකාරකයක් විදියට පාවිච්චි වෙනවා කියලා දැන දැනත් ලංකාවේ පාලකයෝ ඒ ගැන කිසිම තීන්දුවක් ගත්තේ නැහැ.

 නීතිය බලාත්මක වුණෙත් නැහැ. ඒත් නානලාගේ පරම්පරාවේ අය කොත්තු ඇතුළට ව්‍යන්ධ්‍යාකරණ බෙහෙත් දානවා කියලා නම් මහ උජාරුවට කෑගැහැව්වා. මිනිස්සු තළා පෙළා දැම්මා. ඇත්තම අනතුර දැක දැකත් මේ මිනිස්සු මොනවද කරලා තියෙන්නේ. කරලා තියෙන්නේ තමන්ගේ අතට කොමිස් කුට්ටියක් කඩන් වැටෙන ඕනෑම දහජරාවක් ලංකාවට ගේන්න ඇරලා කට වහගෙන හිටපු එක. එච්චරයි. 


කතාව පින්තූර - ප්‍රභාත් අත්තනායක 

ග්‍රැෆික් නිර්මාණය - සුරංග උදයකුමාර

ගබ්සාව ඔබේ දරුවා කුස තුළ ඝාතනය කිරීමක්

ගහන්න මරන්න කොටන්න නොදී මුස්ලිම් පවුල් රැක්ක සිංහල කෙල්ල

සහරාන් ඉන්න කාලේ වෙඩි තියලා මරන්න අවසර ඉල්ලුවා

බෝම්බ ප්‍රහාරයට සම්බන්ධ සැකකරුවන්ගේ බැංකු ගිණුම් 41 අත්හිටුවයි

මුර කපොලු අඩු කිරීමත් සමඟ උතුරේ යළිත් මත්ද්‍රව්‍ය ප්‍රවාහනය පටන් අරන්

වරක් වැටි දෙවරක් නැගිට්ට සිංහයන් සාර්ථක ආරම්භයක් ගනී
කුරුණෑගල මුස්ලිම් වෛද්‍යවරයෙකුගේ වත්කම් ගැන සැකයක්

ලෝක කුසලාන පුහුණු තරඟයේ පළමු තරඟයෙන් පකිස්තානයට ලැජ්ජාවක් - ඇෆ්ගනිස්ථානයට පෙරළිකාර ජයක්

ලෝක කුසලාන ක්‍රිකට් තරගාවලියේ පෙරහුරු තරගයක් ලෙස පකිස්තානය ස

09:44 AM May 25 2019

වරක් වැටි දෙවරක් නැගිට්ට සිංහයන් සාර්ථක ආරම්භයක් ගනී

09:19 AM May 25 2019

ලෝක කුසලානෙට ගියපු කෝලි ගැනයි අනිත් ඉන්දියානු ක්‍රීඩකයෝ ගැනයි ටෙන්ඩුල්කාර් කියපු සැර කතාව

08:51 AM May 24 2019

ඉන්දියාවේ පෞද්ගලික පන්තියක හටගත් ගින්නකින් සිසුන් 19 මරුට

ඉන්දියාවේ ගුජරාට් ප්‍රාන්තයේ සූරට් නගරයේ පෞද්ගලික උපකාරක පන්

09:42 AM May 25 2019

එංගලන්ත අගමැතිනිය ඉල්ලා අස්වේ

02:58 PM May 24 2019

ඇමරිකා එක්සත් ජනපදයට ටොනාඩෝවක්- 3ක් මරුට

12:26 PM May 24 2019

සහරාන් ඉන්න කාලේ වෙඩි තියලා මරන්න අවසර ඉල්ලුවා

 මවුලවිතුමා ඔබේ පසුබිම ගැන සඳහන් කළොත්?මම සමස්ත ලංකා ඉස්ලාම

10:18 AM May 25 2019

මනුෂ්‍ය ඝාතනයකට ගන්න පිහිය රත්තරන් ද ? යකඩ ද ? බුද්ධික පතිරණගෙන් පිළිතුරක්

12:00 PM May 24 2019

මෝදිගේ ප්‍රතිපත්ති ගැන තැබූ විශ්වාසය නැවත තහවුරු වුණා

09:02 AM May 24 2019

පසුගිය කාටුන්

CARTOON ::: 2019-05-24
CARTOON ::: 2019-05-23
CARTOON ::: 2019-05-22

මැතිවරණ ශිෂ්ටත්වයේ ඉන්දියානු පාඩම

ඉන්දියාවේ 17 වැනි ලෝක් සභා මහ මැතිවරණය අවසන් විය. නරේන්ද්‍ර මෝදිගේ භාරතීය ජනතා පක්ෂය විශිෂ්ට ජයක් අත්කරගෙන තිබේ. ලෝක් සභාවේ සමස්ත ආසන සංඛ්‍යාව වූ ආසන 542න් තනි පක්ෂයක් ලෙස ආසන 303ක් දිනාගැනීමට භාරතීය ජනතා පක්ෂය සමත් වී ඇත. අලුත් ආණ්ඩුවක් පිහිටුවා ගැනීම සඳහා නරේන්ද්‍ර මෝදිට බහුතර ආසන 31ක්ම හිමිව තිබේ. භාරතීය ජනතා පක්ෂයද ඇතුළත් ජාතික ප්‍රජාතන්ත්‍රවාදී සන්ධානය ලබාගත් මුළු ආසන සංඛ්‍යාව 353කි. ඉන්දීය ලෝක් සභා ඡන්ද ප්‍රතිඵලය අනුව නරේන්ද්‍ර මෝදි පහසුවෙන්ම ශක්තිමත් ස්ථාවර ආණ්ඩුවක් පිහිටුවනු ඇත. රාහුල් ගාන්ධිගේ ඉන්දීය ජාතික කොංග්‍රසයට දිනාගත හැකි වූයේ ආසන 52ක් පමණි. ඔවුන්ද ඒකාබද්ධව සිටින එක්සත් ප්‍රගතිශීලි සන්ධානය දිනාගත් ආසන සංඛ්‍යාව 92කට සීමා වී තිබේ. ශක්තිමත් ආණ්ඩුවක් බිහිවීම හේතුවෙන් ඉන්දීය කොටස් වෙළෙඳපොළ වාර්තාගත ඉහළ යෑමක් පෙන්නුම් කළ බවද මාධ්‍ය වාර්තා කළේය. ලොව විශාලම ප්‍රජාතන්ත්‍රවාදී දේශය ලෙස සැලකෙන ඉන්දියාවේ මෙවර මහ මැතිවරණය සඳහා ලියාපදිංචි ඡන්ද දායකයන් සංඛ්‍යාව මිලියන 900කි. ඡන්දය සඳහා තරග වැදුණු දේශපාලන පක්ෂ සංඛ්‍යාව 2,000කි. අපේක්ෂකයන් 8,000කි. ඡන්ද විමසීම් අප්‍රේල් 11 සිට 19 දක්වා දින 8ක් අදියර කිහිපයකින් පැවැත්විණි. අගමැති නරේන්ද්‍ර මෝදිගේ ජයග්‍රහණය වෙනුවෙන් ශ්‍රී  ලංකාවේ ජනපති, අගමැති මෙන්ම විපක්ෂ නායක මහින්ද රාජපක්ෂ මහතාද සුබ පැතුම් එක් කර තිබිණි. අගමැති නරේන්ද්‍ර මෝදිගේ ජයග්‍රහණයේ රහස පිළිබඳව ලොව පුරා දේශපාලන විශ්ලේෂකයන් විවිධ මත ප්‍රකාශ කර තිබේ. ඒ ඉන්දියාව නවීන තාක්ෂණය ඔස්සේ වේගයෙන් සංවර්ධනය කරා ගමන් කිරීම ප්‍රබල හේතුවක් ලෙස වැඩි පිරිසක් පෙන්වා දෙති. අන්තර්ජාලය හරහා රජය සමඟ ගනුදෙනු කිරීමට අවකාශය විවර වීමත් කිසිම රජයේ නිලධාරියකුට අල්ලස් නොදී අන්තර්ජාලය හරහා රජයේ ලියකියවිලි ලබාගැනීමට පුරවැසියාට අවස්ථාව ලැබීමත් මෝදි පාලනය ජනප්‍රිය වීමට ප්‍රබල හේතුවකි. නීති විරෝධීව බදු නොගෙවා ආදායම් සඟවාගෙන සිටින ධනපතියන්ගේ මුදල් සංසරණයට එක්කිරීම සඳහා මෝදි පාලනය එරට භාවිත වූ මුදල් නෝට්ටු වර්ග කිහිපයක් අවලංගු කිරීමටද පියවර ගත්තේය. වංචා - දූෂණ සම්බන්ධව දැඩි ප්‍රතිපත්ති අනුගමනය කිරීමද ජනතා පක්ෂයේ ආණ්ඩුව කෙරෙහි ජනතා ප්‍රසාදය ඉහළ යෑමට හේතු විය. ඒ සියල්ලටමත් වඩා නරේන්ද්‍ර මෝදිගේ මැතිවරණ ව්‍යාපාරයේ රැල්ල ඉහළ නැඟීමට ආසන්නතම හේතුව වූයේ පාකිස්තාන් දේශසීමාව උල්ලංඝනය කරමින් පාකිස්තානයට ගුවන් ප්‍රහාර එල්ල කළ ගුවන් නියමු අභිනන්දන් වර්තමාන් විසින් ඇති කළ සමාජ බලපෑමය. අභිනන්දන් යළි නිරුපද්‍රිතව ඉන්දියාවට පැමිණීම ඉක්මනින් සංවේදී වන ඉන්දියානුවන් තුළ මහත් උන්මාදයක් ජනිත කළේය. ඔහු ජාතික වීරයකු වූ අතර නරේන්ද්‍ර මෝදි අගමැතිවරයාට එහි අස්වැන්න නෙළාගත හැකි වූයේය. මෙවර ඉන්දීය මැතිවරණයෙන් ශ්‍රී  ලංකාවේ අපට ඉගෙන ගන්නට බොහෝ පාඩම් තිබේ. එතෙක් පැවැති මැතිවරණ සම්ප්‍රදායන් පිටුදකින්නට ඉන්දීය ආණ්ඩුව සමත් වී ඇත. මැතිවරණ ව්‍යාපාරය තුළ පොලිතින් සහ ප්ලාස්ටික් භාවිත නොකිරීමට පොදු එකඟතාවක් ඇති කරගෙන තිබූ අතර එය සාර්ථක වී තිබිණි. ඉන්දියාව තරම් දේශපාලන නායකයන්ගේ අහස උසට කටවුට් ගසන රටක් ලොවෙත් නැත. එහෙත් මෙවර මැතිවරණයේදී පෝස්ටර් හෝ දැන්වීම් පුවරු දක්නට නොතිබූ අතර කිසිදු වාහනයක අපේක්ෂකයන්ගේ දැන්වීම් දක්නට නොවීය. මහාමාර්ග මත ඡන්ද අපේක්ෂකයන්ගේ අංක හෝ ලකුණු සිතුවම් කර නොතිබීමද මෙවර දකින්නට තිබූ විශේෂත්වයකි. එසේම මැතිවරණ වකවානුවේ නියත ලෙස වාර්තා වන ගැටුම් හා මරණද මෙවර අවම වූයේය. ඉන්දියාවට සෑම විෂයයක් සඳහාම ජාතික ප්‍රතිපත්තියක් හා දැක්මක් තිබේ. ඉන්දියාව පුරා ප්‍රදර්ශනය වන මහත්මා ගාන්ධිගේ රූපයෙන් සංකේතවත් වන්නේ එම ඉන්දියානු පිළිවෙතය. ආණ්ඩු මාරු වනු ඇත. එහෙත් ඉන්දියාව ඉදිරියට ගමන් කරන්නේ එකම ජාතික ප්‍රතිපත්තියක් ඔස්සේය. අපේ අසල්වැසි යෝධයා අභිමානවත් ශිෂ්ටාචාරයක් කරා වේගයෙන් ඉදිරියට ගමන් කරමින් සිටින අතර අපේ නායකයෝ සකලවිධ දුර්ගුණයන් වැලඳ ගනිමින් රටත් ජනතාවත් පරිහානිය කරා ගෙන යමින් සිටිති.
වීඩියෝ