31

කොළඹ

නවතම පුවත්

දීන චින්තකයන්ගේ පාරාදීසය කුරුඳුවත්ත

සැණකෙලිය

ලංකාවේ ලන්දේසි පාලන සමය පදනම් කරගෙන ගෙතුණු සාහිත්‍ය ප්‍රබන්ධ, පෘතුගීසි පාලන කාලය අරබයා රචනා වූ සාහිත්‍ය ප්‍රබන්ධ හා සංසන්දනාත්මකව බලන කල අඩු අගයක් ගන්නා බව නිසැකය. ලන්දේසීන් වසර එකසිය පනහක පමණ කාලයක් මේ දිවයිනේ පාලනය අත්පත් කරගෙන සිටි නමුත් පෘතුගීසීන් තරම් තහවුරු නොවූයේ මක් නිසාදැයි විමසිය  යුතු කාරණයකි. කෙසේ වෙතත් අතීතයේ මේ රට යටත් විජිතයක් බවට පත්කර ගත් යුරෝපීය ජාතීන්ගේ (පෘතුගීසී, ලන්දේසි, ඉංග්‍රීසි) උප්පත්ති කෘෘරත්වය නම් ඔවුන් එවකට ලබා  සිටි දියුණුවට තරම් නොවන ගෝත්‍රික මට්ටමක පැවැති බව අවිවාදිතය. ඔවුන් සියල්ලන්ගේ පරමාර්ථය වූයේ තමන් විසින් අවි බලයෙන්, බලහත්කාරයෙන් යටත් කරගත් රටෙහි පාලනය තමන්ට රිසි අයුරින් පවත්වාගෙන යෑමත් එම රටෙන් තම රටට, ජාතියට ලබා ගත හැකි තරම් සම්පත්, වෙළෙඳ ද්‍රව්‍ය කොල්ලකෑමත්ය.

එයට එරෙහි වූ ස්වදේශික ජනතාව  ලෙයින්, යකඩින්, කෘෘරත්වයෙන් මර්දනයටත් තම ආගම, සංස්කෘතිය මජර කමෙන්, බල ලෝභයෙන් යුතුව වැලඳගත් ස්වදේශිකයන්ට තාන්න මාන්න පිරිනමා සුවච කීකරු බලු කුක්කන් බවට පත්කර ගැනීමටත් ඔවුහු පසුබට නොවූහ. ඔවුන් මෙහි යමක් ඉදිකළා නම් එසේ කළේ ඔවුනගේ වෙළෙඳ කටයුතුවල පහසුව සඳහාම මිස ඇතැමුන් කියන්නාක් මෙන් අප රටෙහි දියුණුව පිණිස නොවේ.

යුරෝපීයන් මෙහි නොපැමිණියා නම් අප ද ඇතුළු ආසියාතිකයන් තවමත් කොළ අතු හෝ අමුඩ හැඳ ගස් ගල් යට ජීවත්වනු ඇතැයි කියන්නන් කල්පනා කළ යුත්තේ පුරාණයේ අප සතුව පැවැති වාරි තාක්‍ෂණය ගැන පමණය. කොළ අතු හෝ අමුඩ හැඳ එබඳු විශ්වකර්ම තාක්‍ෂණයක්  නිමැවුම් කළා නම්, අඛණ්ඩ සොබාවික චලනයකට අවකාශ වූයේ නම් කෙබඳු ජාතියක් බිහිවන්නට අවකාශ තිබුණේ දැයි සිතා බලනු වටී. එනමුත් කොල්ලකාරී ධනවාදය සොබාවික වර්ධනයට ප්‍රතිපක්‍ෂය. ඔවුන්ට වනාන්තර යනු ධන උල්පත්ය. ගංගාවේ වැලි, මහපොළොවේ කළුගල් බිඳක් නොතබා සූරාගත යුතුය. ඇතුන්ට දළ, රයිනෝට අං තිබී කුමටද? ඒවාද ධන උල්පත්ය.  උන්ට මනුෂ්‍ය චර්යාවන් අප්‍රියජනකය. පීඩිතයා මත පීඩකයාගේ බලය අනුකම්පා විරහිතව මුදා හැරෙන්නේ එබැවිනි. පීඩකයාගේ ආගම, සංස්කෘතිය, චර්යා රටාව පීඩිතයා මත බලහත්කාරයෙන් පටවන්නේ එබැවිනි. සැබැවින්ම පෘතුගීසීන්ට, ලන්දේසීන්ට හා ඉංග්‍රීසීන්ට වුවමනා කළේ වර්ණයෙන් වෙනස් වූ නමුත් ඔවුන්ගේ ජාතිය මෙහි තනන්නටය. එබැවින් එසේ වූයේ නම් ඔවුන් දැන් මහත් උජාරුවෙන් අප විසින් ආරක්ෂා කළ යුතු යැයි කියන විවිධත්වයට, (සංස්කෘතික හා ආගමික) කුමක් සිදු වන්නේ දැයි ඔවුන්ගෙන්ම විමසිය යුතුය.

ඊළඟ කාරණය මෙයයි, අප ඔවුන්ගේ ස්ථානයේ සිට ලිස්බන්, බතාවියා හෝ ලන්ඩනය යටත් කර ගැනීමට සමත් වූවේ නම් ප්‍රනාන්දුලා, රොඩ්රිගෝලා වෙනුවට ලිස්බනයේ කොබ්බෑකඩුව, රාජසිංහල සිටින්නටත් බතාවියේ සිල්වෙස්ටර්ලා, වෑන් එක්ලා වෙනුවට පියදාස, සුමනසිරිලා වෙසෙන්නටත් ලන්ඩනයේ ගේ‍රගරිලා, ටොරින්ටන්ලා වෙනුවට කැප්පෙටිපොළලා, මඩුගල්ලෙලා, කුඩාරාල ලා සිටින්නටත් අවකාශ නොවූයේද? එබැවින් අපේ රට යටත් විජිතයක් වීම කොල්ලකාරි ධනවාදී ආධිපත්‍ය සහිත ඒ ඒ කොල්ලකාරී ධනවැද්දන්ගේ කාර්යයක් සේ නොගෙන යටත් විජිතයක් වූ නිසා අප සභ්‍යත්වයට, සදාචාරයට පත්වූයේ යැයි හඬ නඟන සියල්ලන් සමඟ ඉතිහාසයේ ගමන්මඟ අරබයා සහෘද සාකච්ඡාවක් ආරම්භ කළ යුතු යැයි විශ්වාස කරමි.

සුනිල් ශාන්ත ‘කුරුඳුවත්ත’ කෘතිය රචනා කරන්නේ ලන්දේසි පාලකයන් අරබයා ඉහත දැක්වූ කවර ආකල්ප මත ස්ථිරව පිහිටාදැයි පැහැදිලි නැතත් ඔහුගේ රචනාවේ දක්නට ලැබෙන විශේෂත්වය වන්නේ පර ජාතියකගේ ආක්‍රමණයෙන් සිදුවූයේ සරල ජීවන රටාවක නිමග්නව හුන් ජන කණ්ඩායමක් නිෂ්පාදන ආධිපත්‍යයෙන් බලවත් වූ සංවිධිත රාජ්‍ය යන්ත්‍රයක් තුළට අවශෝෂණය කර ගැනීම බව හුවා දැක්වීමය. එයම, තමන් මෙතෙක් අත් නොවිඳි දියුණුවක් සේ දකින, හඟින ජන විඥානයක් එවකටත් පැවැති බව සුනිල් ශාන්ත අවධාරණය කරන්නේ ශූර ලෙසය.

“ලන්දේසීන් විසින් නගරය පෙන්වීම සඳහා කැඳවාගෙන යනු ලැබූ අදිකාරම්වරු ශක්තිමත් කොටුව සහ අලංකාර කරන ලද නගරයද වැසියන් නිදහසේ ගමන් කරනුද විමතියෙන් යුතුව බලා සිටියෝය. ඩැනියෙල් තම පියාවූ සියාතු පෙන්වා ‘මේ මයෙ අප්පච්චි’යි හඳුන්වා දුන් විට මනාව  හැඳ පැලඳ නැමි පනාවක්ද හිස ගසා කන්ද උඩරටදී තමා වැනි ඉහළම තනතුරක් හොබවන්නකුට පවා පැලඳීමට අවසර නොලැබෙන පාවහන් යුවළක්ද පැලඳ සිටි සියාතු දෙස බලා හුන් බානගල අදිකාරම, පහතරට තමා අකමැති නොවන විශාල වෙනසකට ලක්වෙමින් තිබෙන බව වටහා ගත්තාක් මෙන් හිස සැලුවේය.”

පිටුව 37/කුරුඳුවත්ත

මේ දැක්වෙන්නේ බහු භාණ්ඩිකත්වයට හිමිකම් කීමේ කෑදර චේතනාව මිස ‘තමා අකමැති නොවන විශාල වෙනස දැයි යන්න තම හෘද සාක්‍ෂියෙන් විමසුවා නම් බානගල අදිකාරම කෙසේ හැසිරේ දැයි සුනිල් ශාන්ත අපට නොකියයි.

එහෙත් සියාතුලාගේ නිශ්චල ජීවිතය චංචල වූ බව සුනිල් ශාන්ත අපට කියයි. අඳින පලඳින සියල්ලට සුංගම් ගෙවිය යුතු බව, කරන කියන රැකි රක්‍ෂාවලට වෙළ හෙළ¼දාමට සුංගම් ගෙවිය යුතු බව ස්ව ආගම දහම ඇදහීමට අවහිර බාධා තහනම් නියෝග බල පවත්වන බව, පෙර මෙන් කැමැති ගැහැනියක් කැඳවාගෙන වාසය  කළ නොහැකි බව ආදී වශයෙන්ය. සියාතු මෙන් නොව ඩැනියෙල් වැඩෙන්නේ ලන්දේසි පාලනය යටතේ ලන්දේසි පරිසරයේය. එබැවින් ඩැනියෙල් ඒවාට අනුගත වූවෙකි. එබැවින් බානගල අදිකාරම යථාර්ථය පිළිබඳ අනවබෝධයකින් පසු වූවෙකැයි සිතීම සාධාරණය.

ඉතිහාසය ප්‍රදර්ශනාත්මක තත්ත්වයකට ඔසවමින් මනහර සිතුවම් පෙළක් මවන සුනිල් ශාන්ත එකල ව්‍යවහාර භාෂාවට සමීප වූවා හෝ නොවූවා රුචිකර භාෂාවක් පරිහරණයට වෙහෙස ගනියි. ජීවත්වන්නන් වාලේ ජීවත්වන, උපන්නාට ඔහේ වැනෙන, ඔරුව පෙරළී ගිය කල තිබුණු පිටට වඩා පෙරළුණු පිට හොඳ යැයි සිතන, එසේ සිතා ජීවත්විය හැකි ජාතියකට ඕනෑම විපතක්, සම්පතක් සේ විඳදරා ගැනීමේ ශක්තියක් නොවුණා නම් එය පුදුමයකි.

එසේ වූ කල සියාතු, සිසිලියා, ඩැනියෙල් ආදී සාමාන්‍ය මිනිසුන් මෙන්ම බානගල වැනි ප්‍රභූ පන්තියේ අයද චින්තනමය වශයෙන් සිටින්නේ එකම තලයකය. එබඳු ජනතාවක් සරල දිවි පැවැත්ම, සියල්ල අතහැරීමේ දර්ශනය, අල්ප කටයුතු ඇති බව පසෙකලා සංකීර්ණත්වය වැලඳ ගැනීම අරුමයක් නොව කරුමයකි. ඒ කරුමයේ නරුමත්වය ලන්දේසි ඉතිහාසය ඇසුරෙන් විග්‍රහ කිරීමට කුරුඳුවත්ත නිමැවූ සුනිල් ශාන්ත නම් ප්‍රබන්ධකයා සමත්කම් දක්වා ඇත්තේ මහා සංයමයකින්ද අවබෝධයකින්ද යුතුවය.

ඉතිහාස කරුණු කාරණා හෙළිදරව් කෙරෙන බැවින් කුරුඳුවත්තෙහි සටහන් වන ලන්දේසි ආණ්ඩුකාර දස්කොන්, ප්‍රමිලා, නොක්ස් වැනි අය හා වෙනත් අය පිළිබඳ කෙටි සටහන් එක්වූවා නම් කෘතිය තවදුරටත් පාඨක ග්‍රහණයට ලක්වන බව නිසැකය.

ප්‍රේමතිලක පේරුකන්ද

ගබ්සාව ඔබේ දරුවා කුස තුළ ඝාතනය කිරීමක්

ගහන්න මරන්න කොටන්න නොදී මුස්ලිම් පවුල් රැක්ක සිංහල කෙල්ල

සහරාන් ඉන්න කාලේ වෙඩි තියලා මරන්න අවසර ඉල්ලුවා

බෝම්බ ප්‍රහාරයට සම්බන්ධ සැකකරුවන්ගේ බැංකු ගිණුම් 41 අත්හිටුවයි

මුර කපොලු අඩු කිරීමත් සමඟ උතුරේ යළිත් මත්ද්‍රව්‍ය ප්‍රවාහනය පටන් අරන්

වරක් වැටි දෙවරක් නැගිට්ට සිංහයන් සාර්ථක ආරම්භයක් ගනී
කුරුණෑගල මුස්ලිම් වෛද්‍යවරයෙකුගේ වත්කම් ගැන සැකයක්

ලෝක කුසලාන පුහුණු තරඟයේ පළමු තරඟයෙන් පකිස්තානයට ලැජ්ජාවක් - ඇෆ්ගනිස්ථානයට පෙරළිකාර ජයක්

ලෝක කුසලාන ක්‍රිකට් තරගාවලියේ පෙරහුරු තරගයක් ලෙස පකිස්තානය ස

09:44 AM May 25 2019

වරක් වැටි දෙවරක් නැගිට්ට සිංහයන් සාර්ථක ආරම්භයක් ගනී

09:19 AM May 25 2019

ලෝක කුසලානෙට ගියපු කෝලි ගැනයි අනිත් ඉන්දියානු ක්‍රීඩකයෝ ගැනයි ටෙන්ඩුල්කාර් කියපු සැර කතාව

08:51 AM May 24 2019

ඉන්දියාවේ පෞද්ගලික පන්තියක හටගත් ගින්නකින් සිසුන් 19 මරුට

ඉන්දියාවේ ගුජරාට් ප්‍රාන්තයේ සූරට් නගරයේ පෞද්ගලික උපකාරක පන්

09:42 AM May 25 2019

එංගලන්ත අගමැතිනිය ඉල්ලා අස්වේ

02:58 PM May 24 2019

ඇමරිකා එක්සත් ජනපදයට ටොනාඩෝවක්- 3ක් මරුට

12:26 PM May 24 2019

සහරාන් ඉන්න කාලේ වෙඩි තියලා මරන්න අවසර ඉල්ලුවා

 මවුලවිතුමා ඔබේ පසුබිම ගැන සඳහන් කළොත්?මම සමස්ත ලංකා ඉස්ලාම

10:18 AM May 25 2019

මනුෂ්‍ය ඝාතනයකට ගන්න පිහිය රත්තරන් ද ? යකඩ ද ? බුද්ධික පතිරණගෙන් පිළිතුරක්

12:00 PM May 24 2019

මෝදිගේ ප්‍රතිපත්ති ගැන තැබූ විශ්වාසය නැවත තහවුරු වුණා

09:02 AM May 24 2019

පසුගිය කාටුන්

CARTOON ::: 2019-05-24
CARTOON ::: 2019-05-23
CARTOON ::: 2019-05-22

මැතිවරණ ශිෂ්ටත්වයේ ඉන්දියානු පාඩම

ඉන්දියාවේ 17 වැනි ලෝක් සභා මහ මැතිවරණය අවසන් විය. නරේන්ද්‍ර මෝදිගේ භාරතීය ජනතා පක්ෂය විශිෂ්ට ජයක් අත්කරගෙන තිබේ. ලෝක් සභාවේ සමස්ත ආසන සංඛ්‍යාව වූ ආසන 542න් තනි පක්ෂයක් ලෙස ආසන 303ක් දිනාගැනීමට භාරතීය ජනතා පක්ෂය සමත් වී ඇත. අලුත් ආණ්ඩුවක් පිහිටුවා ගැනීම සඳහා නරේන්ද්‍ර මෝදිට බහුතර ආසන 31ක්ම හිමිව තිබේ. භාරතීය ජනතා පක්ෂයද ඇතුළත් ජාතික ප්‍රජාතන්ත්‍රවාදී සන්ධානය ලබාගත් මුළු ආසන සංඛ්‍යාව 353කි. ඉන්දීය ලෝක් සභා ඡන්ද ප්‍රතිඵලය අනුව නරේන්ද්‍ර මෝදි පහසුවෙන්ම ශක්තිමත් ස්ථාවර ආණ්ඩුවක් පිහිටුවනු ඇත. රාහුල් ගාන්ධිගේ ඉන්දීය ජාතික කොංග්‍රසයට දිනාගත හැකි වූයේ ආසන 52ක් පමණි. ඔවුන්ද ඒකාබද්ධව සිටින එක්සත් ප්‍රගතිශීලි සන්ධානය දිනාගත් ආසන සංඛ්‍යාව 92කට සීමා වී තිබේ. ශක්තිමත් ආණ්ඩුවක් බිහිවීම හේතුවෙන් ඉන්දීය කොටස් වෙළෙඳපොළ වාර්තාගත ඉහළ යෑමක් පෙන්නුම් කළ බවද මාධ්‍ය වාර්තා කළේය. ලොව විශාලම ප්‍රජාතන්ත්‍රවාදී දේශය ලෙස සැලකෙන ඉන්දියාවේ මෙවර මහ මැතිවරණය සඳහා ලියාපදිංචි ඡන්ද දායකයන් සංඛ්‍යාව මිලියන 900කි. ඡන්දය සඳහා තරග වැදුණු දේශපාලන පක්ෂ සංඛ්‍යාව 2,000කි. අපේක්ෂකයන් 8,000කි. ඡන්ද විමසීම් අප්‍රේල් 11 සිට 19 දක්වා දින 8ක් අදියර කිහිපයකින් පැවැත්විණි. අගමැති නරේන්ද්‍ර මෝදිගේ ජයග්‍රහණය වෙනුවෙන් ශ්‍රී  ලංකාවේ ජනපති, අගමැති මෙන්ම විපක්ෂ නායක මහින්ද රාජපක්ෂ මහතාද සුබ පැතුම් එක් කර තිබිණි. අගමැති නරේන්ද්‍ර මෝදිගේ ජයග්‍රහණයේ රහස පිළිබඳව ලොව පුරා දේශපාලන විශ්ලේෂකයන් විවිධ මත ප්‍රකාශ කර තිබේ. ඒ ඉන්දියාව නවීන තාක්ෂණය ඔස්සේ වේගයෙන් සංවර්ධනය කරා ගමන් කිරීම ප්‍රබල හේතුවක් ලෙස වැඩි පිරිසක් පෙන්වා දෙති. අන්තර්ජාලය හරහා රජය සමඟ ගනුදෙනු කිරීමට අවකාශය විවර වීමත් කිසිම රජයේ නිලධාරියකුට අල්ලස් නොදී අන්තර්ජාලය හරහා රජයේ ලියකියවිලි ලබාගැනීමට පුරවැසියාට අවස්ථාව ලැබීමත් මෝදි පාලනය ජනප්‍රිය වීමට ප්‍රබල හේතුවකි. නීති විරෝධීව බදු නොගෙවා ආදායම් සඟවාගෙන සිටින ධනපතියන්ගේ මුදල් සංසරණයට එක්කිරීම සඳහා මෝදි පාලනය එරට භාවිත වූ මුදල් නෝට්ටු වර්ග කිහිපයක් අවලංගු කිරීමටද පියවර ගත්තේය. වංචා - දූෂණ සම්බන්ධව දැඩි ප්‍රතිපත්ති අනුගමනය කිරීමද ජනතා පක්ෂයේ ආණ්ඩුව කෙරෙහි ජනතා ප්‍රසාදය ඉහළ යෑමට හේතු විය. ඒ සියල්ලටමත් වඩා නරේන්ද්‍ර මෝදිගේ මැතිවරණ ව්‍යාපාරයේ රැල්ල ඉහළ නැඟීමට ආසන්නතම හේතුව වූයේ පාකිස්තාන් දේශසීමාව උල්ලංඝනය කරමින් පාකිස්තානයට ගුවන් ප්‍රහාර එල්ල කළ ගුවන් නියමු අභිනන්දන් වර්තමාන් විසින් ඇති කළ සමාජ බලපෑමය. අභිනන්දන් යළි නිරුපද්‍රිතව ඉන්දියාවට පැමිණීම ඉක්මනින් සංවේදී වන ඉන්දියානුවන් තුළ මහත් උන්මාදයක් ජනිත කළේය. ඔහු ජාතික වීරයකු වූ අතර නරේන්ද්‍ර මෝදි අගමැතිවරයාට එහි අස්වැන්න නෙළාගත හැකි වූයේය. මෙවර ඉන්දීය මැතිවරණයෙන් ශ්‍රී  ලංකාවේ අපට ඉගෙන ගන්නට බොහෝ පාඩම් තිබේ. එතෙක් පැවැති මැතිවරණ සම්ප්‍රදායන් පිටුදකින්නට ඉන්දීය ආණ්ඩුව සමත් වී ඇත. මැතිවරණ ව්‍යාපාරය තුළ පොලිතින් සහ ප්ලාස්ටික් භාවිත නොකිරීමට පොදු එකඟතාවක් ඇති කරගෙන තිබූ අතර එය සාර්ථක වී තිබිණි. ඉන්දියාව තරම් දේශපාලන නායකයන්ගේ අහස උසට කටවුට් ගසන රටක් ලොවෙත් නැත. එහෙත් මෙවර මැතිවරණයේදී පෝස්ටර් හෝ දැන්වීම් පුවරු දක්නට නොතිබූ අතර කිසිදු වාහනයක අපේක්ෂකයන්ගේ දැන්වීම් දක්නට නොවීය. මහාමාර්ග මත ඡන්ද අපේක්ෂකයන්ගේ අංක හෝ ලකුණු සිතුවම් කර නොතිබීමද මෙවර දකින්නට තිබූ විශේෂත්වයකි. එසේම මැතිවරණ වකවානුවේ නියත ලෙස වාර්තා වන ගැටුම් හා මරණද මෙවර අවම වූයේය. ඉන්දියාවට සෑම විෂයයක් සඳහාම ජාතික ප්‍රතිපත්තියක් හා දැක්මක් තිබේ. ඉන්දියාව පුරා ප්‍රදර්ශනය වන මහත්මා ගාන්ධිගේ රූපයෙන් සංකේතවත් වන්නේ එම ඉන්දියානු පිළිවෙතය. ආණ්ඩු මාරු වනු ඇත. එහෙත් ඉන්දියාව ඉදිරියට ගමන් කරන්නේ එකම ජාතික ප්‍රතිපත්තියක් ඔස්සේය. අපේ අසල්වැසි යෝධයා අභිමානවත් ශිෂ්ටාචාරයක් කරා වේගයෙන් ඉදිරියට ගමන් කරමින් සිටින අතර අපේ නායකයෝ සකලවිධ දුර්ගුණයන් වැලඳ ගනිමින් රටත් ජනතාවත් පරිහානිය කරා ගෙන යමින් සිටිති.
වීඩියෝ